Revaleson 21:22 - Vato Vari Vakameka Voru Ia Batu Ne

²² Era qaki mia ze kaega Pade Lotu loborona komala lavata dena. Tanego God Batu ne i moqere sivala mana Tunana Sipi ne iru ko taru ego, iago riru to iru Pade Lotu na.

Revaleson 21:22 ပူးပေါင်းရင်းမြစ်များ

Matiu 24:2

Do Jesu i sine ne qira, “Ove to qamu mia pade lavata ro nae. Masine ne qamu pata ogoto, kaega kaki desuka ipaka na pade nae, tina kosivale go de i ko banae go, osina ne tina tapero mana vana lupo so go.”

Tarama Velaka Ia Jesu Kristo I Karo Go Jon 10:30

Tanego raru Mamae, qaru kameka so.”

Tarama Velaka Ia Jesu Kristo I Karo Go Jon 13:32

Mana ṉalu iri vazaka ze God sauna Tuna basoe ne, tanuna God do tina vazaka napua ia, mana tina vazaka ia nini de go.

Tarama Velaka Ia Jesu Kristo I Karo Go Jon 4:21

Jesu i vane dena ia, “Vaogoto ava era qole! Tina doka ṉalu, basoero ne tariniki vazaka ze kaega Tamaqita kubolo ba Jerusalema go.

Tarama Velaka Ia Jesu Kristo I Karo Go Jon 4:23

Tina lama doka ṉalu, mana ṉalu dena i lama doka bana ne qita to, go basoero iri pene totoloṉo aqe go de ikoego Mamae, tarina pepene loborona karaputa ia Spirit tabo, mana i pata ogoto go. Basoero nae to, i soko go Mamae tarina vazaka ia.

Kolosia 1:19

Tanego i sauna vivine ia God, sale ia tanuna i gere ogote dego God.

Kolosia 2:9

Tanego Kristo i lama basoe gere qita so ita, mana too ia God i koe de ikoego ia, ko i vae go vudu pua dena,

Revaleson 1:8

God Batu ne igo, “Era to qa kenaqana mana muzimuzi na osina pata,” God Batu ita ikoego osina karaputa, iko bana me, iko taru ninidena mana de iara za ko mego.

Revaleson 11:17

Iri go, “God Batue qo moqere sivala, qo ko banaṉa meso mana qo ko taru osina ṉalu topu ro ne. Remu qimu seko velaki go aro sauna mazala na karaputa aro, mana ninidena qo va tupia to kenaqa nena osina kolabana pua ne.

Revaleson 14:4

Valekero dena iri vano ko sisiama, iriki ko tavise kaega ka qole, iri ko dalo osina ṉalu iri lulu tarua Tunana Sipi ne. Ria to dena i bauru ne qira go God, i vakasi ne qirae de iri koego vano na vudu pua dena, mana ria to iri sosovolomo kenaqa iri teke ne zaqe God mana Tunana Sipi ne go.

Revaleson 15:3

Ria ne iri vae kera ia Mosese basoe zazu ia God, mana Tunana Sipi nego. Kera dena igo de, “God Batu qo lete moqere sivala, avana to ka menomeno na pataro qo zazu nego aro. Aro to qo batu lavata na kolabana pua ne. Osina too ro aro, i totoloṉo lupo so!

Revaleson 16:14

Kapisa manuru sakata dena, iri lete sakata sivala, iri zazu ne pata vari vapoloso. Kapisa manuru sakata dena, iri zae de iri koego batu lavata na vudu pua, iri za teṉo qira go tarina varitarae de ikoego God Batu ni lete moqere sivala nego musaqara muzimuzi.

Revaleson 16:7

Gonae qa gata kameka ovaṉa i seko me sara ne, igo dena, “God Batu qo moqere sivala. Aro so ikoego osina karaputa, iago varitanae aro de koe basoero ne, i velaka mana i totoloṉo go!”

Revaleson 19:15

Kameka pegi loda i zogoto go karua tepa na, i siporo me saqena. Pegi nae to tina vae vaqoqoro ze go ia osina sinaqe ro ne. Ia tina kenaqa qirae tamana i lete tabo sivala go, tina vadoka ne qira basoero ne muma lavata ia God i moqere sivala go, tina gere ṉalu basoe i kube zagale go urena grep, go osina besi na i siporo lupo go.

Revaleson 4:8

Nogoto qira kavasi pata qaraqara ro dena, i zari kaonomo babalakuru qira, mana mata qira i kakabu lupoe so osina dia tokama qira. Musaqara mana kuse iri kera taru so mana iriki mamanava kaega. Kera iri kera nego, igo dena, “Tabo, tabo, tabo ikoego God Batu ita i moqere sivala go. Ia i ko bana meso, i ko ninidena mana tinara za lama napu go.”

Revaleson 5:6

Gonae qa reṉa ne zaqe Tunana Sipi i degere kolo iago. Tunana Sipi dena ne i gere pata iri vae vale bana go, i zari kavitu kiso na mana kavitu matana go, ianae ne iato kavitu Spirit ia God ni vazao ze go osina dia kolabana pua ne.

Revaleson 7:15

Iato go iri degere go tarakenaqana de kolokoloku batubatu ia God mana vazaka ia kuse mana musaqara loborona pade tabo ia. Ia i koloku ego de kolokoloku batubatu ia tina miasoka mana ko tavisi qira go.

Revaleson 7:17

Tanego Tunana Sipi ikoego vari loborina de kolokoloku ia Batu ne tina miasoka qira gerena valeke miasoka sipi, mana iato tina kenaqa qirae go besi vuala, tina teke ne qira go besi na too ogoto mana God tina qulaze sosone na mata qira, go tariniki ara maqata napu go kaega.”