Revaleson 21:2 - Vato Vari Vakameka Voru Ia Batu Ne

² Gonae qa mia komala tabo Jerusalema i ko tavise God mana i qoqoro me tepa rani ne, komala nae i vanama gere kameka qole i malemale vanama ne soba na velake ia.

Revaleson 21:2 ပူးပေါင်းရင်းမြစ်များ

Tarama Velaka Ia Jesu Kristo I Karo Go Jon 3:29

Ṉalu kaki valeke i ara busia kaki qole, qole nae i ke iato valeke nae, do vakitaka ia valeke ni busi go i lama ko garogaro mana gatagata go, ia tina lete kula sivala ṉalu tina gata go seko na valeke busi ne. Tina go napu so kula era go.

Karua Korinti 11:2

Era qalete nanao qamu gerena God i lete nanao qamu go ramu. Ramu qamu gere kameka qole i lete dalo sivala, mana era tane qava tamatura ze ia kameka valeke nae, iato valeke nae tanuna to Kristo.

Iburu 11:10

Tanego Abra-am i piri neso za koena komala lavata tina pada mana vadegere go God, komala lavata dena tina ko osina ṉalu, tanego tanuna so God i zazu nego vatovato na mana i vadegere go.

Iburu 11:16

Do kaega, ria iri le ne vudu voru iato rani ne. Mana God iki agava ne kaega tarina koru ze ia God ria, tanego i vanama ne qira kameka komala lavata ria.

Iburu 12:22

Do ramu, qamu doka banae to kubolo Zaion, mana komala lavata ia God i too go, Jerusalema ikoego rani ne, de iri koego mao ria aqeloro.

Iburu 13:14

Loborona vudu pua dena, i kaega kaki komala lavata tina ko sivala, go tatana koego, do ita qata soko dokae na komala lavata tinara lama go.

Revaleson 1:1

Zazaona buka dena, i vasadaka me pataro iri kokopika bana me go, do Jesu Kristo i vasadaka me. God i teke ne Jesu Kristo go tina vamia qirae basoero iri zazu nego ia, sauna pataro tiniki umata kaega tina lama doka go. Iago Kristo iturine me aqelo iago tina vamia ze Jon, valeke zazu ia.

Revaleson 1:4

Era qa Karo ne qamu ramu kavitu eklesia qamu koego kena Esia. Pepene era, qa pene Mana ia Batu ne, mana bule ia mara ko tavisi qamu ramu, tina za reqeme de ikoego God, i ko bana, i ko ninidena mana tinara lama napu go. Mana ia Batu ne mana bule dena i reqe napu meso kavitu spirit velaka iri koego tarakenaqana de koloku batubatu ia God.

Revaleson 1:9

Era Jon qa kaki kameka toga qamu ramu, qata vaogote go Jesu Kristo, qata pala taru vanadua go ia patavolomo iri va vokara qitae de ikoego too vari miasoka ia God. Iago era iri taruve kameka ṉugu suka vitoṉona Patmos, go tuna tarama vasadake seko ia God mana seko ogoto na Jesu Kristo.

Revaleson 11:2

Do oniki pada tepa peka na pade ne, tanego iri teke bana ne qira vano rodoko, mana ria tarina kube vasakate osina pata loborona komala tabo Jerusalema nae torana vasiṉaulu karua inaqa.

Revaleson 21:10

Spirit tabo ne i lamae de qa koego era, gonae aqelo ne i sua vazao ve era popokona kameka kubolo zakazaka sivala ne, i va mia ve komala lavata Jerusalema i kasi ne me God tepa rani ne mana i qoqoro me vudu pua go,

Revaleson 21:9

Kaki kameka aqelo i za lamae de qa koego era, aqelo dena iato vavituna go aqelo i pala bana go ebata lavata i purake go vavituna pata vari va makuru ne. Gonae igo dena, “Lama go ma vamia goe era qole ia Tunana Sipi niara busia go.”

Revaleson 22:17

Spirit tabo mana qole busi ne iru go, “Lama!” Basoero iri gata go seko dena, mara sine napua, “Lama!” Lama, ramu qamu konoso go mana besia, besi na too ikaega go volina.

Revaleson 22:19

Mana ṉalu kaki basoe i vakuziki ne seko ia God ikoego buka dena, God tina pala vakuziki ne todo na basoe nae mana tiniki ge kaega urena moki na too mana tiniki keba e kaega komala tabo, i karoe go buka dena go.

Revaleson 3:12

Basoe i karaputa nego varitara nae, era tuna vagere ze ia kameka turu maqa i degere go vari loborina Pade Lotu ia God era, mana tina ko taru osina ṉalu. Turu nae ne, tuna karo ze vitoṉo voru qu tanuqu, vitoṉo na God era mana vitoṉona komala lavata ia God, iato Jerusalema voru, tina za vaqoqoro me ze rani ne God era.