Revaleson 20:4 - Vato Vari Vakameka Voru Ia Batu Ne

⁴ Qa mia napua kakiaro de kolokoloku ro ia batu ne. Ria iri kolokue go ne, ria to iri pala go karaputa go tarina varitanae ne qira go basoero ne. Qa mia napua madau qira vano iri kodaka bana go kuzuku qira, tanego iri sine vasadake go ogotona seko ia God i tarama nego Jesu. Basoero dena iriki vazaka kaega pata qaraqara piru ne ba beku na go. Iriki taru ze kaega lala ia pata piru ne rae qira ba karisi qira. Ṉalu nae iri too napu me tepa le mana iri lama batu lavata tavise Kristo torana kameka mao masirani.

Revaleson 20:4 ပူးပေါင်းရင်းမြစ်များ

Matiu 19:28

Jesu i vataule ne qira, “Ma sine ne qamu pata ogoto, ṉalu God tina va voru lupo osina pata, era Tuna basoe tuna koloku e de koko batubatu ne mana vatovato e loborona karaputa ia God. Ṉalu nae ramu manoga karua qamu lulu ava go era, tamuna koloku napue de kolokoloku batubatu mana kenaqa ne qira manoga karua sinaqe na Izirel go.

Matiu 24:10

Ṉalu nae topu basoero tarina vana ne vaogoto ria mana va besa ne kene basoe mana tariniki soko kaega kene basoe go.

Maka 6:16

Ṉalu Erode i gata go tarama ro ria basoero ne, igo dena, “Jon na bapitema qa kodaka bana go era kuzuku nane i too napu meto!”

Maka 6:27

Iago Erode i tun ne kaki kameka soldia ia, go mara za pala me kuzuku na Jon igo. Valeke soldia ne izae loborona pade bara ne mana iza kodake kuzuku na Jon,

Maka 9:11

Gonae ria tarapisa iri tana ne Jesu, “Avigo tane vano vari vatatana na Tamana iri go. Ilaiza to tina lama kenaqa iri gogo?”

Luka 1:17

Ia tina za kenaqa ne Batu ne, moqere mana lavata gerena propeta Ilaiza. Tina va kameka napu ne qira, salero de iri koego tamaqira ro, mana tina vatabali va totoloṉo qira vano legulegu tarina nanao totoloṉo. Jon tina vanama ne qira basoero ia Batu ne, sauna lama na ia.”

Luka 14:14

Aro tono pala makaolo, tanego ria tina makuru qira soka vaule nigo, do God tina soka vaule nigo aro ṉalu basoero velaka tarina too napu mego tepa le ne.”

Luka 22:30

Ramu tamuna ṉaṉa mana besi tavisi e tevolo na vari miasoka era mana ramu tamuna koloku e de kolokoloku ria batu ro, mana tamuna kenaqa, ne qira manoga karua sinaqe na Izirel.”

Tarama Velaka Ia Jesu Kristo I Karo Go Jon 14:19

Kavia to musaqara i ko basoero na vudu pua dena, tariniki mia va kaega era, do ramu tamuna miava era, tanego era to qa too, iago ramu tamuna too go.

Leta Ia Pol I Karo Ne Qira Basoero Na Rom 11:15

Tanego ṉalu God iki soko qira go kaega vano Jiu, God i va kameka napu ze tanuna de iri koe go vano na vudu pua. Iago avana to tina sadaka go ṉalu tina toqe napu ne qira go?

Leta Ia Pol I Karo Ne Qira Basoero Na Rom 8:17

Ita qata salero ia God, iago ita tatana toṉove go pataro i toṉove go God ni soti ne qita go ita basoero ia, go tina vamakaolo qita, mana ita napu tatana soti tavisi ze Kristo pataro ni soti bana go ia. Tanego ṉalu ita qata pala tavise go vokara ro ia Kristo, ita napu tatana tonovo tavise kulakula na rani ne.

Karua Timoti 2:12

Ṉalu qatiki pela ne kaega vaogoto na ia, tatana vatovato tavise ia. Ṉalu qata go, qatiki rove kaega ia, Ia tina go napu so, iki rove qita kaega.

Revaleson 1:2

Iago Jon i karo to osina pataro i mia go. Iato dena pataro i reqe mego seko ia God, i seko ogoto reqe mego Jesu Kristo.

Revaleson 1:9

Era Jon qa kaki kameka toga qamu ramu, qata vaogote go Jesu Kristo, qata pala taru vanadua go ia patavolomo iri va vokara qitae de ikoego too vari miasoka ia God. Iago era iri taruve kameka ṉugu suka vitoṉona Patmos, go tuna tarama vasadake seko ia God mana seko ogoto na Jesu Kristo.

Revaleson 11:11

Taramuzina kapisa mana takabana musaqara dena, marapuga na too i teke ne qiru go God, i vatoo napu qiru, iru degere mana iru zaza, osiqira basoero iri mia qiru go, iri lete sareki sivala.

Revaleson 11:15

Vavituna aqelo ne i puqo kuvili ia, mana qa gata ovaṉa lavata i naki me tepa rani ne, iri go, “Karaputa tina kenaqa ne ze go kolabana pua ne i ke iato Batu God ita mana Mesia iago, mana iato tina kenaqa go osina ṉalu topuro ne!”

Revaleson 11:3

Torana kameka mao karua vasa onomoṉaulu musaqara nae, era tuna turi ne qiru karua basoe era, tiruna va keba ne poga mode, mana tiruna tarama vasadaka seko ia God.”

Revaleson 11:7

Ṉalu tiruna valupo to tarama nena seko ia God, pata piru lavata, i sipore boluna ulana ne tina lama vari tarae de iru koego. Ia tina vaqoqoro qiru mana vae vale qiru go.

Revaleson 12:11

Do ria turaqita ro ne iri vapela ze ia karaputa na parasana Sipi ne, mana karaputa na seko ia iri vasadake go. Iri toqe ne soso na too ria, mana iriki sareki ne kaega le go.

Revaleson 14:11

Kauku na nako na vokara ne i too taru za dokae so ka ṉalu gado kutona i kaega, osiqira ria iri vazaka go pata piru ne mana beku na ne mana lala ia gogo ne, ria nae tarina koe loborona kimata osina musaqara mana kuse go.”

Revaleson 15:2

Gonae qa mia zaqe kaki pata i mimia gere duviduvi na masi i palua go nako ne. Qa mia napu qira basoero iri vapela bana go karaputa ia pata qaraqara piru ne mana beku na mana lala i gere go vitoṉo na ia. Ria dena iri degere garogaro na masi duviduvi ne mana iri pala tarua pata nakinaki i teke ne qira go God.

Revaleson 17:8

Pata qaraqara piru nae i too bana, do ninidena iki too kaega tiniki umata kaega tina za siporo me boluna ulana ne, mana ṉalu karaputa ia tina za lupo, ia tina za kaega napu so. Basoero iri koego vudu pua ne, do vitoṉo qira iki koe kaega buka na too tarakenaqana God i vazaria go vudu pua ne tarina lete poloso sasakata ṉalu tarina reṉa paqala ne go pata piru nae. Tanego i too bana do ninidena iki too kaega, do taramuzina ia tinara lama sadaka napu.

Revaleson 2:26

Basoero iri karaputa nego varitara dena, mana pala soma so zazu velaka era, go za dokae ṉalu vudu pua tina za lupo gogo ne, era tuna teke ne qira karaputa go tarina kenaqa ne ze go sinaqe na vudu pua ne.

Revaleson 20:6

Kula mana makaolo i ke ria to vano iri pala go vari vatoo kenaqa dena. Tanego varuana le i kaega ne karaputa de iri koego ria. Ria tarina patere ia God mana Kristo, ria tarina batu lavata tavise ia torana kameka mao masirani.

Revaleson 22:5

Komala dena tina kaega kuse na, iago iriki soko ze kaega tatavatana pazi ba saṉa go tina vatatavata ne go. Tanego tanuna God Batu ne tina tatavata ria, mana ria tarina batu lavata osina ṉalu topu ro ne.

Revaleson 3:21

Basoe i karaputa nego varitara dena, tina lama koloku tavisi ve era de koloku batubatu era, gere ava so era qa karaputa bana ne go varitara ne, mana ninidena qa za kolokue, de koloku batubatu ia Mamae.

Revaleson 4:4

Liqutu na de kolokoloku ia batu ne iri koe karabete kavasi kazigarata ro ne, mana iri vakeba ne roku kakasa loda, topatopa iri vakeba nego i qolu.

Revaleson 6:9

Gonae Tunana Sipi ne i kaqolo vakuziki napua vivolona pepa ne. Ṉalu qa reṉa ne zaqe qa mia polana sara ne, mana qa mia madau qira vano iri vae vale bana qira go, tanego ria dena to iri vaogote mana tarama ne seko ia God.

Revaleson 7:3

Aqelo ne igo, “Kasi vasakatena tekere vudu, masi ba moki ro go, remu mi taru ze tekere kameka lala rae qira basoero zazu ia God.”