Revaleson 20:3 - Vato Vari Vakameka Voru Ia Batu Ne

³ Gonae aqelo ne i vanaqe zaqe Satana ne bolu na uṉaṉa ne, mana iva roroto vanadua siporaṉa na. Go Satana ne tiniki va soru qirae kaega vasakata pata basoero ne. Do taramuzina kameka mao masirani, ria tarina va sipore Satana desuka so ṉalu.

Revaleson 20:3 ပူးပေါင်းရင်းမြစ်များ

Matiu 24:24

Tanego Mesia poqepoqe ro mana propeta poqepoqe ro tarina lama, mana tarina zazu ne topu na zazu mazalaro mana zazu vari vapoloso ro go, go tarina pada ne vosoru qirae basoero tavine ia God i vine bana qira go.

Matiu 27:66

Iago iri zae leṉa ne, iri za vanadu velake kokoquna mana iri taru ze lala go kaega ka basoe tina paqapaqa go leṉa ne, mana iri vamiasoka qirae vano soldia ro go.

Maka 4:15

Paturu ro iri sorue go zuka ne iri gere qira to basoero iri gata go seko ia God, do kameka lama so Satana pala vakuziki ne ze so nanao qira ne igo,

Luka 8:31

Manuru ro ne iri pene va moqere Jesu go mara kasi vana qira qe nako lavata ne.

Karua Korinti 11:3

Do qa sareki ne pata i doka bana go Eva niki doka qamu ramu. Dole ne ilete tarove, ia i va soru ze vasakata pata Eva. Iago tina gere napua so, nanaoqamu ramu ṉalu tamuna za riro mana tamuniki nanao vamazale kaega Kristo go.

Karua Pita 3:8

Do muniki nanao kasupe ne kameka pata lavata sivala dena turaquro. De ikoego God, kameka musaqara mana kameka mao ave ivari pada so, i kaega kade i vari vakakavatae nego.

Revaleson 12:9

Gonae dole ratovo lavata ne mana aqelo ro ia ne, iri kakale vakuziki ne qira to. Dole ratovo dena to, iato i ko bana mego ṉalu bana ne, iato qata vitoṉo zego Satana, iato i poqe qira go basoero na vudu pua go iri vasakata pata go.

Revaleson 13:14

Mazala i vasadake go varuana pata qaraqara piru de, i vasadaka ze tarakenaqana pata piru kenaqa ne, mana i va bulaṉoi qira basoero na vudu pua go. I sine ne qira basoero ne mara zazu ne beku mana vagere ze tatalina pata piru kenaqa niri vae vale bana ze go peqi loda ne do i too ule napu me.

Revaleson 17:2

Batu lavata na ro vudu pua iri lama varivagabu bana to ia, mana basoero na vudu pua ne iri bulaṉoi lupo neto loka na varivagabu ia ne.”

Revaleson 17:8

Pata qaraqara piru nae i too bana, do ninidena iki too kaega tiniki umata kaega tina za siporo me boluna ulana ne, mana ṉalu karaputa ia tina za lupo, ia tina za kaega napu so. Basoero iri koego vudu pua ne, do vitoṉo qira iki koe kaega buka na too tarakenaqana God i vazaria go vudu pua ne tarina lete poloso sasakata ṉalu tarina reṉa paqala ne go pata piru nae. Tanego i too bana do ninidena iki too kaega, do taramuzina ia tinara lama sadaka napu.

Revaleson 20:1

Gonae qa mia napua kameka aqelo i za qoqoro me rani ne mana karisi na i pala taru ze bolu na ulana ne, mana kameka seni maqata go.