Revaleson 20:2 - Vato Vari Vakameka Voru Ia Batu Ne

² Ia i qolo vanadua dole ratovo i ko bana mego ṉalu bana ne, iato qata vitoṉo zego Satana, mana i qolo taru ze ia seni lavata torana kameka mao masirani.

Revaleson 20:2 ပူးပေါင်းရင်းမြစ်များ

Matiu 19:29

Mana osiqira ria iri kasi ne pade ria, togaqira ba vavaniqira, tamaqira, sinaqira, ba salero ria ba barue ro ria sauqu era, tarina pala vatopu napua kameka vasa sivala ne de iri kasi bana nego, mana tarina toṉove too iki rove go kaega lupo go.

Matiu 8:29

Ṉalu iru mia Jesu, iru koru va lavata, “Ava na tane qo soko qemue go remu Tuna God? Iara kaebo doka ṉalu ia do, qo lama go do vakimata bana qemu to remu qo go?”

Maka 4:15

Paturu ro iri sorue go zuka ne iri gere qira to basoero iri gata go seko ia God, do kameka lama so Satana pala vakuziki ne ze so nanao qira ne igo,

Maka 5:7

“Jesu Tuna God ikoego zakazaka! Ava tono vane ava era aro? Loborona vitoṉona God, era qa peni go oniki vakimata va!”

Tarama Velaka Ia Jesu Kristo I Karo Go Jon 12:31

Torana to ṉalu dena, God ina zazu ne vivine ia dekoe kolabana pua dena, mana karaputa ia Satana ni kenaqa ne zego kolabana pua dena, tina vanaqe.

Tarama Velaka Ia Jesu Kristo I Karo Go Jon 16:11

Mana iri kebue dego akena tina zazu ne ze vivine ia God, tanego God i zazu bana ze vivine ia de ikoego Satana ni kenaqa ne go kolabana pua dena.

Leta Ia Pol I Karo Ne Qira Basoero Na Rom 16:20

Tiniki umata kaega God na bule tina teke ne qamu karaputa go tamuna vaqoqore go Satana. Mana ia Batu ita Jesu Kristo tina kotavisi qamu.

Iburu 2:14

Salero iri vane qira go ne, basoero i ko go manu mana parasa qira, Jesu tanuna i basoe napu so mana i podo napue so vudu pua go. I lama basoe, go le i vae go koluse ne, i vasakate Satana i kone go karaputa tepa ia le, karaputa i mazala go vae vale na basoe.

Kameka Pita 5:8

Muna ko vanamanama, mana miasoka va velaka qamu. Tanego kana ramu Satana i liqutu kolo qamu go mara vasakata qamu igo, i gere laioni ni lete muma i taqia basoe go mara kalakunu vatoo ne igo.

Karua Pita 2:4

God i vakimata qira aqeloro ne ṉalu iri legulegua go. I vana qira qe nako de i rodoko go, go tina doka go ṉalu tina varitanae ne qira go osina basoero ne.

Judi 1:6

Muna nanao taru napua, aqeloro ne God iteke napu ne qira so karaputa mazala ro ria, do kakiaro ria iriki soko kaega, gonae i va kasi ne qirae de koko velaka ro ria. God i doki taru qira e seni mana taru qira qe bolu i rodoko, go tina za doka so ṉalu musaqara lavata God tina varitanae ne qira go osina basoero ne.

Revaleson 12:13

Ṉalu dole ratovo ne i rove iri kakale vaqoqoro me ze vudu pua ne, ia i tupi napua to kale na qole kazigarata ni vapodo go sale valeke ne.

Revaleson 12:15

Iago dole ratovo ne, i lua ne zaqe besi ikoego saqena i gere go kiale ne, go mara za gazo vanaqe qole ne, igo.

Revaleson 12:17

Gonae dole ratovo ne i lete muma sasakata ne qole ne, mana i za varitarae de iri koego ria sinaqe ia qole ne. Ria basoero nae to, ria to vano iri vaogote go seko tamana ro ia God, mana iri ruqe go seko ogoto i vasadake go Jesu Kristo.

Revaleson 12:3

Kaki kameka pata vari vapoloso i sadaka napu me varioka ne. Kameka dole ratovo lavata sivala i mesara, i kavitu kuzukuku na mana i manoga kiso na go, kavitu kuzuku na iri nogoto topatopa lupo.

Revaleson 12:4

Kupele na ne i sima vasoru zaqe takoborona domiri ro iri koego varioka ne, mana i vana vasoru meze pua ne go. Ia i za degere tarakenaqana qole kazigarata ne i vanama ne ge na sale ia qole ne ṉalu tina podo go.

Revaleson 12:9

Gonae dole ratovo lavata ne mana aqelo ro ia ne, iri kakale vakuziki ne qira to. Dole ratovo dena to, iato i ko bana mego ṉalu bana ne, iato qata vitoṉo zego Satana, iato i poqe qira go basoero na vudu pua go iri vasakata pata go.

Revaleson 13:2

Pata piru dena i mimia gere leopati mana makena ne i mimia gere bea, saqena ne i mimia gere laioni ne. Ratovo lavata ne i teke ne pata qaraqara piru dena karaputa ia tanuna, go tina kolokue de koko batubatu ia, mana mazala iago tina vazazua go.

Revaleson 13:4

Osiqira basoero ne iri vazaka ratovo dena. Tanego i teke ne karaputa ia de ikoego pata piru ne, mana iri vazaka napua so pata qaraqara piru dena go. Iago iri go dena, “I kaega to ka basoe i gere go pata qaraqara piru dena, mana kaega ka basoe i mazala go varitara ena de ikoego iago.”

Revaleson 20:10

Gonae Satana ni vaqoqo qira go basoero ne, iri vanaqe zaqe bolu na nako i poto sadaka mego loborona pua ne, de igogo to iri vanaqe bana qiru aqe go pata qaraqara piru mana propeta poqepoqe ne, de go tarina vokara kuse mana musaqara mana tiniki rove kaega lupo go.

Revaleson 20:7

Ṉalu tina sivala to kameka mao masirani, tarina lukasa ze Satana de iri qolo taru zego.

Revaleson 9:11

Iko ne qira batu lavata ria, mana ianae ne aqelo i miasoka go ununa ne. Seko va Iburu iri koru ze Abadoni, vano Qrik iri koru ze Apolina, talupasana, valeke i vasakate go osina ro pata.