Revaleson 20:14 - Vato Vari Vakameka Voru Ia Batu Ne

¹⁴ Gonae le mana vudu na uṉaṉa ne iri vanaqe qiru aqe bolu na nako ne. Bolu na nako dena to i varuana go le ne.

Revaleson 20:14 ပူးပေါင်းရင်းမြစ်များ

Kameka Korinti 15:26

Valupolupo na kana ia tina vaqoqoro go ne, le.

Kameka Korinti 15:53

Tokama i mazala noli, do tina kavala mana tiniki ara noli napu kaega. Tokama i rove le, do tina kavala mana tiniki ara le kaega.

Revaleson 1:18

Era to, basoe qa too ogoto go, era to qa le bana go ninidena qa too, mana tuniki ara le napu kaega, doka to ṉalu gado kutona i kaega go. Era to qa pala go karaputa i sivala nego le, mana qa pala karaputa i sivala ne go komala ria vano le go.

Revaleson 14:10

Basoe nae God tina vakimate ia, basoe nae tina besia kapuna vino ikoego osina karaputa na muma ia God. Basoe nae tina lete vokara ne ilana nako, i gere go nako kamu i poto sadaka mego loborona pua ne, tarakenaqa qira aqelo tabo ro ne mana Tunana Sipi ne go.

Revaleson 19:20

Valeke i age go ose ne i pala pata qaraqara piru ne mana propeta poqepoqe ne mana i qolo vanadu qiru go. Propeta poqepoqe dena i zazu neze pata vari vapoloso ro tarakenaqana pata piru ne. Sauna to zazu vari vapoloso ro nae, iva qoqo qirae go basoero iri pala go lala ia mana iri vazaka go beku na go. Pata piru ne mana propeta poqepoqe ne iru vana va too too qiru aqe nako i poto sadaka mego loborona pua ne.

Revaleson 2:11

Ramu i ko ne qamu go qeqele muna qata seko ia Spirit tabo iri sine ne go eklesia ro ianae. Ia i karaputa ego varitara dena, tiniki ara za vokare kaega nako ne, taramuzina le ia.”

Revaleson 20:10

Gonae Satana ni vaqoqo qira go basoero ne, iri vanaqe zaqe bolu na nako i poto sadaka mego loborona pua ne, de igogo to iri vanaqe bana qiru aqe go pata qaraqara piru mana propeta poqepoqe ne, de go tarina vokara kuse mana musaqara mana tiniki rove kaega lupo go.

Revaleson 20:13

Vano iri le go loborona masi iri zae de ikoego God go tina varitanae ne qira go. Le mana komala uṉaṉa ne iru va malumu ne me qira vano le riru, go God tina varitanae ne pataro iri zazu bana nego.

Revaleson 20:15

Basoero iki karo ego kaega vitoṉo qira buka na too dena, ria to nae tarina vana qira qe go bolu na nako ne.

Revaleson 20:6

Kula mana makaolo i ke ria to vano iri pala go vari vatoo kenaqa dena. Tanego varuana le i kaega ne karaputa de iri koego ria. Ria tarina patere ia God mana Kristo, ria tarina batu lavata tavise ia torana kameka mao masirani.

Revaleson 21:4

Ia tina qulasa vakadale sone na mataqira. Kaega napu ka basoe tinara za le ba maqata ba dae mana vokara go. Tanego osina pata bana ro i kaega lupo to.”

Revaleson 21:8

Do basoero i kaega ne qira padapada, vano iri vabesa nego vakitaka ro ria, vano iriki agava ne kaega vasadake na vatovato sakata ria, vano iri vae vale basoe, mana vano iri zazu nego zazu tatakiu mana vari vagabu, ria iri vazaka qira go beku poqepoqe ro gogo ne, varuana le ria ne, iato bolu na nako i poto sadaka mego loborona pua ne.”

Revaleson 6:8

Ṉalu qa reṉa za qe mia kameka ose i lete mimia sakata, valeke i age go, iri vitoṉo ze le. Basoe i muzi ne go ia iri vitoṉo ze uṉaṉa osiqiru i ko ne qiru karaputa vae vale ne takoborona basoero na vudu pua, tiruna vari va vae ne pataro dena, saqo, kana, mokoso mana pata qaraqara piru ro go.