Revaleson 20:10 - Vato Vari Vakameka Voru Ia Batu Ne

¹⁰ Gonae Satana ni vaqoqo qira go basoero ne, iri vanaqe zaqe bolu na nako i poto sadaka mego loborona pua ne, de igogo to iri vanaqe bana qiru aqe go pata qaraqara piru mana propeta poqepoqe ne, de go tarina vokara kuse mana musaqara mana tiniki rove kaega lupo go.

Revaleson 20:10 ပူးပေါင်းရင်းမြစ်များ

Matiu 25:41

Taramuzina tuna sine ne qira vano iri koego tepa gede qu, ‘God tina va kimata qamu, kasi nava era mana za koego nako iki rove go kaega le i vanama bana go God, ni keia Satana mana aqelo sakata ro iago.

Matiu 25:46

Basoero dena tarina pala to kimata iki rove go kaega lupo, do ria basoero totoloṉo tarina zae de ikoego too iki rove go kaega lupo go.”

Matiu 7:15

Jesu igo napu dena, “Muna mia velaka qira basoero, tanuqira iri propeta ia God iri go do iki ogoto kaega. Tanego ṉalu iri lamae de qamu koego ramu, iri gere basoe ki mimia vari vasareki kaega. Do dego loborona too ogoto ria i vari vasareki, iri gere qira sikapiru ro.

Revaleson 16:13

Gonae qa mia napua kapisa manuru sakata iri mimia gere pori ne, iri siporo me saqena propeta poqepoqe ne go.

Revaleson 19:20

Valeke i age go ose ne i pala pata qaraqara piru ne mana propeta poqepoqe ne mana i qolo vanadu qiru go. Propeta poqepoqe dena i zazu neze pata vari vapoloso ro tarakenaqana pata piru ne. Sauna to zazu vari vapoloso ro nae, iva qoqo qirae go basoero iri pala go lala ia mana iri vazaka go beku na go. Pata piru ne mana propeta poqepoqe ne iru vana va too too qiru aqe nako i poto sadaka mego loborona pua ne.

Revaleson 20:8

Ia tina za mana vaqoqo qira basoero na kolabana pua ne, iri vitoṉo qirae go sinaqe na Gog mana Megog. Satana ne tina pala qoqoṉo qira basoero de mana tarina varitarae de ikoego God. Basoero ia Satana ne tarina gere topuna karikoni ne.

Revaleson 9:17

Mana qa miadua napua ose ro mana vano iri age go. Basoero nae iri vakeba ne roku varitara i mesara gere nako ne, i kuri mana i noba. Kuzuku qira ose ro ne i gere kuzuku qira laioni ro ne, mana saqe qira iza siporo me nako i gere go nako kamu i poto sadaka mego loborona pua ne.