Revaleson 2:9 - Vato Vari Vakameka Voru Ia Batu Ne

⁹ Era qa rove napua qamu ramu soba makuru mana qamu situ go, do qamu vavagado napu so. Qa rove basoero iri seko vasakata qamu go nae ne, iriki vano Jiu ogoto kaega, basoero nae ne iri vano zazu ia so Satana.

Revaleson 2:9 ပူးပေါင်းရင်းမြစ်များ

Matiu 4:10

Do Jesu i sine ne ia, “Kasi ne de qa koe go era, aro Satana! Tanego Buka tabo i sine, ‘Ono vabatua God Batu aro, mana ono osaka neso tanuna God.’ ”

Luka 12:21

Mana valupo lupona Jesu igo, “Iato nae de tina gogo basoe i teṉo ne go vavagado ia tanuna. Do tepa ia God, i kaega neso kaki vavagado ia.”

Luka 22:65

Mana topu seko sakata ro iri sine ne mana iri damua go.

Luka 4:18

“Spirit ia Batu ne ikoe de qa koego era tanego ivine bana ava era tuna pala me Tarama Velaka de iri koego vano situ. I turi nava era tuna sine ne qira vano iri koego bara ne tarina siporo! Talupasa, mana ria iri kodo go tarina mimia napu mana va velaka qira ria iri va sasakata ne qira go.

Luka 6:20

Jesu i reṉa ne qira disipoloro ia mana igo dena, “Kula ramu qamu situ go, Too ikoego vari miasoka ia God i ke ramu.

Tarama Velaka Ia Jesu Kristo I Karo Go Jon 16:33

Qa sine ne qamu pataro dena, go tamuna ko vanadue de qa koego era ko tamuna vae go kolabana pua dena, ramu tamuna soba topuna makuru. Do muna karaputa! Tanego era qa va qoqoro bana karaputa na kolabana pua dena!”

Zazu Ria Apostoloro 14:22

Iru seko vakaraputa qira basoero iri vaogoto go mana iru seko vatalasara qira, go mara ria vanadua vaogoto ria, iru va rove qira e basoero ne, “Ita tatana soba topu na makuru, go tatana ra keba za go de i koe go vari miasoka ia God.”

Zazu Ria Apostoloro 26:11

Topu na ṉalu era qa va kimata qira e Pade Lotu ria vano Jiu, mana qa sine ne qira, tarina mamanava vaogote na God. Era qa lete muma sivala ne qira, qa zae kero ne vudu ro, komala ro, mana qa vasasakata ne qira basoero iri vaogoto go.

Leta Ia Pol I Karo Ne Qira Basoero Na Rom 12:12

Ruruqe ramu to mara vakula qamu go osina ṉalu. Kasi nonopa ne na ṉalu i lama doka qamu go kaki pata makuru mana ko ramu muna pene so osina ṉalu.

Leta Ia Pol I Karo Ne Qira Basoero Na Rom 2:17

Iago, ava qamu go ramu? Ramu qamu degere ne tepa ia Tamana mana qamu vazaka napu ne tanuqamu, qamu basoero ia God.

Leta Ia Pol I Karo Ne Qira Basoero Na Rom 5:3

Ita mata kula napu ne ita tane makuru ro qata soba go dena, tanego ita gata rove makuru ro dena to tinara vanadu qita go ita,

Leta Ia Pol I Karo Ne Qira Basoero Na Rom 8:35

Iago, ava patana to tina vakuziki ne qitae go ita mamaligara ia Kristo? Bana go kaki pata i lama vatutua qita, ba basoero iri lama vasasakata qita ba ṉalu qata ko saqo, ba ṉalu i doka ko sarakutu, ba ṉalu na sareki, ba ṉalu i doka qita go pata tina vae vale qita go?

Leta Ia Pol I Karo Ne Qira Basoero Na Rom 9:6

Era qaki sine kaega pui ia God i kebu. Kaega! Do pui ia God i voto lupo, tanego osina basoero na Izirel iriki basoe lupo ia kaega God,

Karua Korinti 6:10

Patavolomo ṉalu qi maqata, remu qi kula taru so, qi gere qira vano situ, do qi teke qira pata vavagado topu ria basoero, i gerena i kaega ne qemu kapata, do remu i kone qemu topu na pata.

Karua Korinti 8:2

Topu na makuru iri soba, i lete pada ne vaogoto ria, do loborona makuru ro nae, ria iri lete kulakula. Iri vano situ, do iri vasadake kula ria, iri teke qira basoero kakavata sosovolomo ro ria.

Karua Korinti 8:9

Qamu rove bana Mana ia Batu ita Jesu Kristo de qata koego, i lete vavagado sivala, do i vaqoqore tanuna tanego i sauqamu ramu, i zazu ne pata dena go ramu tamuna pala vavagado ia.

Kameka Tesalonika 3:4

Tanego ṉalu remu qimu ko tavisi qamu go, qimu sine bana ne qamu, ita tatana soba makuru de iri koego basoe ro ne, muna rove, pataro dena tina sadaka ogoto me.

Kameka Timoti 1:13

patavolomo de bana ne, era qa sine seko sakataro de ikoego ia, qa vasasakata ne qira vano iri vaogote go ia, mana qa vae vavokara qira tanego i sauna ia. Do God i nanao ule nava era, tanego ṉalu nae iara kaega nava era vaogoto de ikoego ia, mana qaki rove kaega pataro qa zazu ne go.

Kameka Timoti 6:18

Sine ne qira mara zazu ne pata velaka ro, mara vavagado ne zazu velaka ro, nanao qira basoero mana soso ne patapata ro ria de iri koego kero ne basoero go.

Revaleson 1:9

Era Jon qa kaki kameka toga qamu ramu, qata vaogote go Jesu Kristo, qata pala taru vanadua go ia patavolomo iri va vokara qitae de ikoego too vari miasoka ia God. Iago era iri taruve kameka ṉugu suka vitoṉona Patmos, go tuna tarama vasadake seko ia God mana seko ogoto na Jesu Kristo.

Revaleson 2:13

Era qa rove, ramu qamu koe loborona vari miasoka ia Satana, do ramu, qamu ara pala taru vanadua so vitoṉoqu era, mana qamuki vana ne kaega vaogoto ramu de qa koego era go, patavolomo iri vae vale go Antipasi vasadake go too mana vatovato velaka ia, tanego i vaogoto ava era.

Revaleson 2:2

Era qa rove de igogo zazu ramu, mana qa rove de igogo zazu vokara ramu sauna karaputa ramu. Qa rove era tane qamuki soko qira kaega vano sakata. Mana qa rove era tane qamu padane qira vano iri apostoloro iri gogo, do taramuzina ramu qamu rove to, iri vano poqepoqe bana go.

Revaleson 2:24

Do osiqamu vano qamu koego komala Taetira qamuki lulua go kaega vari vatatana sakata dena mana qamuki nanao rove kaega pata iri vitoṉo ze go ‘seko pipika ia Satana’. Era tuniki tekene qamu kaega kaki pata makuru.

Revaleson 3:9

Muna gata! Tautau iri vazaka go Satana nae, iri go iri vano Jiu, do iki ogoto kaega, iri poqe so, era tuna va rabatavakapata qirae make qamu ramu, ṉalu nae tarinara mia rove era qa lete mamaligara ne qamu ramu.

Revaleson 7:14

Era qa go, “Qaki rove kaega, kadigo aro tane qo rove go”. Gonae i sine nava igo, “Basoero dena to iri vasivala ne go makuru lavata iri zazu ne qira e go. Iago ninidena iri lama saboro vadalo roku ria mana iri vakakasa ze parasana tunana sipi ne.