Revaleson 2:7 - Vato Vari Vakameka Voru Ia Batu Ne

⁷ Iago ṉalu i kone qamu go qeqele, muna gata seko ia Spirit tabo i sinene qira go eklesia ro ne. Basoero iri kasia go too mana vatovato sakata ro ne, era tuna teke ne qira velaka, mana tuna vamao ne qira ge na moki na too i podo ego barue ia God.”

Revaleson 2:7 ပူးပေါင်းရင်းမြစ်များ

Matiu 11:15

Ka basoe i ko qeqele na mara gata seko ro dena.

Matiu 13:43

Do basoero iri totoloṉe tarakenaqa na God, tarina damara gere saṉa ne loborona too voru de koego vari miasoka ia God. Ka basoe i zari go qeqelena mara gata seko ro era dena!”

Matiu 13:9

Mana Jesu i sine napua igo, “Gata ṉalu go iko qeqele qamu.”

Maka 4:9

Valupolupona nae Jesu i sine ne qira igo, “Osiqamu ikone qamu qeqele muna gata va velake to.”

Maka 7:15

Pataro i reqe go tepa peka dena mana keba za loborona basoe gogo ne, iki vakore kaega basoe. Do pataro i reqe me loborona basoe mana siporo me peka dena, tane ivakore go basoe.

Maka 7:16

Ka basoe i ko qeqele na mara gata seko ro dena.”

Luka 23:43

Jesu i sine ne valeke ne, “Masine nigo pata ogoto, ninidena aro tono ko tavisi ve era Paradiso.”

Luka 8:8

Mana kakiaro iri sorue pua velaka, iri podo velaka mana iri ure velaka go, kakiaro i kameka vasa to urena.” Mana Jesu i sine napua igo, “Gata! Ṉalu go iko qeqele qamu.”

Tarama Velaka Ia Jesu Kristo I Karo Go Jon 16:33

Qa sine ne qamu pataro dena, go tamuna ko vanadue de qa koego era ko tamuna vae go kolabana pua dena, ramu tamuna soba topuna makuru. Do muna karaputa! Tanego era qa va qoqoro bana karaputa na kolabana pua dena!”

Kameka Korinti 2:10

Seko dena to i ko pipika go, do loborona zazu ia Spirit ia God i vamia qemue remu, Ove to Spirit i mazala miana pataro i pupuika ego tanuna God.

Karua Korinti 12:4

De gogo ne, i za gata ze pataro i tabo go pepeu na, mana seko do i makuru seko ne ze go.

Kameka Jon 2:13

Qa karo ne qamu kazigarataro tanego qamu rove bana ia iko bana mego tarakenaqana go iara vazariago vudu pua. Qa karo ne qamu vano voru, tanego qamu vaqoqoro bana vatovato sakata ia Satana.

Revaleson 13:9

“Ramu i ko ne qamu go qeqele ne, muna gata!

Revaleson 14:13

Gonae qa gata napua ovaṉa i reqe me rani ne, igo dena, “Ono karo osina pataro dena pasi ninidena popoka gogo ne, ria iri le ne go vaogoto ria sauna Jesu tarina lete kula sivala.” Spirit tabo ne igo napu de, “I pata ogoto sivala, ria tarina kula ne ziṉo, sauna zazu vokara ro ria tanego tarina pala vazao napua so zazu velaka ro ria go.”

Revaleson 15:2

Gonae qa mia zaqe kaki pata i mimia gere duviduvi na masi i palua go nako ne. Qa mia napu qira basoero iri vapela bana go karaputa ia pata qaraqara piru ne mana beku na mana lala i gere go vitoṉo na ia. Ria dena iri degere garogaro na masi duviduvi ne mana iri pala tarua pata nakinaki i teke ne qira go God.

Revaleson 2:11

Ramu i ko ne qamu go qeqele muna qata seko ia Spirit tabo iri sine ne go eklesia ro ianae. Ia i karaputa ego varitara dena, tiniki ara za vokare kaega nako ne, taramuzina le ia.”

Revaleson 2:17

Ramu iko go qeqele qamu, muna gata seko ia Spirit tabo iri sine ne qira go eklesia ro ianae. Basoe i karaputa ego varitara nae, era tuna teke ne ia mana tina gego. Mana dena i patagege i ko pipika bana meso ṉalu bana ne. Nogoto qira basoero nae era tuna teke ne qira ipaka kakasa. Ipaka kakasa nae i karoe kameka vitoṉo voru. Tanuna so basoe i pala go ipaka nae, tina rove go vitoṉo nae, basoe kakavata niki rove kaega.”

Revaleson 21:7

Basoe i karaputa nego varitara ia ne, tina pala go pataro dena. Era qa God ia mana ia i sale ia.

Revaleson 22:14

Kula sivala ria vano iri saboro vadalo go roku ria. Tanego ria nae tarina ge go urena moki na too mana tarina za kebae go siporaṉa na komala lavata ne.

Revaleson 22:17

Spirit tabo mana qole busi ne iru go, “Lama!” Basoero iri gata go seko dena, mara sine napua, “Lama!” Lama, ramu qamu konoso go mana besia, besi na too ikaega go volina.

Revaleson 22:2

besi nae i zazaraṉa qoqoro za variloborina zuka lavata na komala lavata ne. Karua rikisina uguru ne, i podo e moki na too i ure taru kameka ṉalu nogotonaro inaqa torana manoga karua ṉalu kameka masirani. Uguru qira moki ro dena i vole vavelaka ze mokoso qira basoero na kolabana pua ne.