Revaleson 2:26 - Vato Vari Vakameka Voru Ia Batu Ne

²⁶ Basoero iri karaputa nego varitara dena, mana pala soma so zazu velaka era, go za dokae ṉalu vudu pua tina za lupo gogo ne, era tuna teke ne qira karaputa go tarina kenaqa ne ze go sinaqe na vudu pua ne.

Revaleson 2:26 ပူးပေါင်းရင်းမြစ်များ

Matiu 10:22

Basoero ne tariniki soko qamu kaega tanego i sauqu era. Do ka basoe i degere vanadu ne vaogoto ia deqa koego era, go tina za doka go valupolupo na, God tina vakavele ia.

Matiu 19:28

Jesu i vataule ne qira, “Ma sine ne qamu pata ogoto, ṉalu God tina va voru lupo osina pata, era Tuna basoe tuna koloku e de koko batubatu ne mana vatovato e loborona karaputa ia God. Ṉalu nae ramu manoga karua qamu lulu ava go era, tamuna koloku napue de kolokoloku batubatu mana kenaqa ne qira manoga karua sinaqe na Izirel go.

Matiu 24:13

Do basoe i pala taru vanadu go, mana za doka go valupolupo na ne, tina za kavale.

Tarama Velaka Ia Jesu Kristo I Karo Go Jon 6:29

Jesu i vataule ne qira, “Pata i soko God ne, muna vaogoto ava era, tanego God i turi nava go era.”

Leta Ia Pol I Karo Ne Qira Basoero Na Rom 2:7

Kakiaro basoe iri vanadue zazu ne na zazu velaka, mana iri taqi ze God menomeno, vamazala, mana too i too sivala go. De iri koe basoero nae God tina teke ne qira too gado kutona i kaega.

Leta Ia Pol I Karo Ne Qira Basoero Na Rom 8:37

Do ita mata kasi pela nena pataro dena. Kristo i mamaligara ne qita go qata karaputa ne go pataro dena osina ṉalu.

Kameka Tesalonika 3:5

Ia to nae tago qa turine zatu go Timoti go mara garetu rove vaogoto raramu. Era qa nanao vokara ne, Satana niki pada ne qamu ramu, niki go osina zazu ro reremu za patavolomo so go.

Iburu 3:6

Do loborona osaka i vae go Kristo i tuna go God, iato i kenaqa ne miasoka na basoero ia. Ita to qata basoero ia ṉalu qata va nadua go vaogoto ita mana vanadu ze nanao qita de ikoego God.

Jemisi 2:20

Qamu bulaṉoe, qamuki mia rove kaega ramu tane vaogoto iki zazu ne go kaega kaki pata ipatavolomo so.

Kameka Jon 2:19

Basoero dena iriki basoero ita to kaega, iato go iri kasi ne qita go ita vano qata vaogote go Kristo. Ṉalu ria tarakasi ne qita go kaega, ria tara ke ita to. Do tanego iri kasi ne qita, iato go i sadaka va velaka me to iriki ke ita go kaega.

Kameka Jon 3:23

Tamana ro ia i sine ne qita go igo dena, mata vaogote sale ia Jesu Kristo mana vari mamaligarae napu tanuqita, gere Kristo i sine bana ne qita go.

Kameka Jon 5:5

Iago, akena to i mazala go vasivala nena vatovato sakatana vudu pua dena? Tanuqira to ria iri vaogote go Jesu i Tuna ogoto go God iri mazala go.

Revaleson 2:11

Ramu i ko ne qamu go qeqele muna qata seko ia Spirit tabo iri sine ne go eklesia ro ianae. Ia i karaputa ego varitara dena, tiniki ara za vokare kaega nako ne, taramuzina le ia.”

Revaleson 2:17

Ramu iko go qeqele qamu, muna gata seko ia Spirit tabo iri sine ne qira go eklesia ro ianae. Basoe i karaputa ego varitara nae, era tuna teke ne ia mana tina gego. Mana dena i patagege i ko pipika bana meso ṉalu bana ne. Nogoto qira basoero nae era tuna teke ne qira ipaka kakasa. Ipaka kakasa nae i karoe kameka vitoṉo voru. Tanuna so basoe i pala go ipaka nae, tina rove go vitoṉo nae, basoe kakavata niki rove kaega.”

Revaleson 2:7

Iago ṉalu i kone qamu go qeqele, muna gata seko ia Spirit tabo i sinene qira go eklesia ro ne. Basoero iri kasia go too mana vatovato sakata ro ne, era tuna teke ne qira velaka, mana tuna vamao ne qira ge na moki na too i podo ego barue ia God.”

Revaleson 20:4

Qa mia napua kakiaro de kolokoloku ro ia batu ne. Ria iri kolokue go ne, ria to iri pala go karaputa go tarina varitanae ne qira go basoero ne. Qa mia napua madau qira vano iri kodaka bana go kuzuku qira, tanego iri sine vasadake go ogotona seko ia God i tarama nego Jesu. Basoero dena iriki vazaka kaega pata qaraqara piru ne ba beku na go. Iriki taru ze kaega lala ia pata piru ne rae qira ba karisi qira. Ṉalu nae iri too napu me tepa le mana iri lama batu lavata tavise Kristo torana kameka mao masirani.

Revaleson 21:7

Basoe i karaputa nego varitara ia ne, tina pala go pataro dena. Era qa God ia mana ia i sale ia.

Revaleson 22:5

Komala dena tina kaega kuse na, iago iriki soko ze kaega tatavatana pazi ba saṉa go tina vatatavata ne go. Tanego tanuna God Batu ne tina tatavata ria, mana ria tarina batu lavata osina ṉalu topu ro ne.

Revaleson 3:12

Basoe i karaputa nego varitara nae, era tuna vagere ze ia kameka turu maqa i degere go vari loborina Pade Lotu ia God era, mana tina ko taru osina ṉalu. Turu nae ne, tuna karo ze vitoṉo voru qu tanuqu, vitoṉo na God era mana vitoṉona komala lavata ia God, iato Jerusalema voru, tina za vaqoqoro me ze rani ne God era.

Revaleson 3:21

Basoe i karaputa nego varitara dena, tina lama koloku tavisi ve era de koloku batubatu era, gere ava so era qa karaputa bana ne go varitara ne, mana ninidena qa za kolokue, de koloku batubatu ia Mamae.

Revaleson 3:5

Basoero iri karaputa ego varitara dena, tarina vakeba ne roku kakasa, mana tuniki vakuziki ne qirae kaega vitoṉo qira i koego buka na too. De koe tarakenaqana Mamae mana aqelo ro ia, era tuna sine vasadake basoero nae to iri ke ogoto era.