Revaleson 2:1 - Vato Vari Vakameka Voru Ia Batu Ne

¹ Valeke ne i sine napu nava era igo dena, “Ono karo ne zaqe Aqelo ni koego Epesus. Iato dena sekoro era, valeke qa pala taru zego kavitu domiri ne karisi matauqu, mana qa goe go vari lobori qira pazi qolu ro ne go.

Revaleson 2:1 ပူးပေါင်းရင်းမြစ်များ

Matiu 18:20

Tanego ṉalu karua ba kapisa basoe iri kameka qoqoṉo ego loborona vitoṉoqu era, era qa koe loboro qira.”

Matiu 28:20

Vatatana qira, go tarina vaogote mana lulua osina ro pata qa sine bana ne qamu go. Mana era tuna ko tavisi qamu osina ṉalu, go tina za doka so ṉalu kolabana pua dena tina za lupo.”

Tarama Velaka Ia Jesu Kristo I Karo Go Jon 5:35

Jon i gere pazi, i kamu taru mana i tatavata go, do desuka so ṉalu ramu qamu kula ne go seko ro ia.

Zazu Ria Apostoloro 18:19

Iri lama doka e Epesus, Pol i taru qirue Pirisila mana Akuila de go. Pol i zae Pade Lotu ria vano Jiu, mana i va pepeu qira vano Jiu go.

Zazu Ria Apostoloro 18:21

Do ṉalu i vele kasi ne qira, i sine ne qira, “Ṉalu tina vamao go God, era tunara lama napu e de qamu koego,” Goto nae i age koluka ne i kasi ne Epesus mana i toka za Kaesaria.

Zazu Ria Apostoloro 19:1

Torana iara koe Korint, Apolosi, Pol i piqata za sasaniqa na kolabana Praeqia mana i za sipore Epesus, de go i soba qira kavia ro disipoloro,

Karua Korinti 6:16

Pade Lotu ia God i makuru tina vakameka ne pade manumanuru, tanego ita to qata Pade Lotu ia God! Gerena God tanuna i sine, “Era na zazu ze komala era, de iri koego basobasoero era mana tuna ko tavisi qira. Era tuna God ria mana ria tarina basobasoero era go.”

Revaleson 1:16

Karisi matauna i pala taru ze kavitu domiri, saqe nane i siporo me kameka pegi loda, i zogoto go karua tepa na, mana tarakenaqana i gere damara na saṉa ne ṉalu ni kikinaka go.

Revaleson 1:20

Qo mia kavitu domiri qa pala taru zego karisi matauqu mana kavitu pazi qolu dena gogo ne, iri pata ko pipika bana so mana i ko talupasana ro go. Kavitu domiri dena iri talukase kavitu aqelo na kavitu eklesia ro dena.”

Revaleson 12:1

Gonae kameka pata vari vapoloso lavata sivala, i sadaka me varioka ne, kameka qole kazigarata dena, saṉa i damare go ia ne, igere baribari ia, mana inaqa ne i kube poka ze makena. Manoga karua domiri iri ko kolokolo e kuzukuna ne, i gerena topatopa ia ne.

Revaleson 2:12

Ia i seko, igo napu de, “Ono karo napu ne zaqe Aqelo na eklesia na Peqamam. Iato dena seko era, valeke qa pala tarua go pegi loda i zogoto go karua tepana ne.

Revaleson 2:18

Ia i seko, igo napu de, “Ono karo ne zaqe aqelo na eklesia na Taetira. Iato dena seko era Tuna God, mataqu i uqulu gere go nako ne, mana makequ i damara gere go barasi ne.

Revaleson 2:8

Ia i seko, igo napu dena, “Ono karo ne zaqe aqelo na eklesia na simina. Iato dena seko era, valeke qa kenaqana mana lupolupo nago osina ro pata. Qa le bana mana qa too napu mana tuniki ara le kaega go.

Revaleson 3:1

Valeke ne igo napu de, “Ono karo ne zaqe aqelo na eklesia na Sadisi. Iato dena seko era, valeke qa pala go kavitu spirit velaka ia God mana domiri ne go. Basoero ne iri go ramu qamu too, do ramu qamu le bana tanae.

Revaleson 3:14

Ia i seko, igo napu dena, “Ono karo napu ne zaqe aqelo na eklesia na Laodisia. Iato dena seko era, valeke vitoṉoqu iri koru zego, ‘Amen!’ Era to qa tarama totoloṉo mana qa ogoto taru mego kokosona me osina ro pata i vazaria go God.

Revaleson 3:7

Ia i seko, igo napu dena, “Ono karo ne zaqe aqelo na eklesia na Piladelpia. Iato dena seko era, qa valeke tabo mana qa ogoto osina ṉalu, mana qa pala kii gere kii ia Davita, mana ṉalu qa papaqa go, i kaega ka basoe i mazala go kokoqu na, mana ṉalu qa kokoqua go, i kaega ka basoe tina papaqa go.