Revaleson 19:9 - Vato Vari Vakameka Voru Ia Batu Ne

⁹ Gonae aqelo ne i sine nava, igo, “Ono karo pataro dena, vano iri rave qira mego kelo na busi ia Tunana Sipi ne, iri pala to kula ria.” Aqelo ne i sine napua, “Seko dena i seko ogoto ia God.”

Revaleson 19:9 ပူးပေါင်းရင်းမြစ်များ

Luka 22:16

Tanego qa sine ne qamu go, tuniki ara ge napua kaega pata gege na Pasova dena, go tina za ogoto go talupasa, Too ikoego vari miasoka ia God.”

Kameka Timoti 1:15

Jesu Kristo i lamae go kolabana pua dena, go tina vakavele qira vano iri vasakata pata go, seko dena i pata ogoto mana osina basoero mara vaogote. Era tanuqu to qa lete sakata sivala ne qira basoero iri vasakata pata ego kolabana pua dena,

Kameka Timoti 4:9

Seko dena ipata ogoto mana itora basoero ne mara gata mana lulua go.

Karua Timoti 2:11

Seko dena i seko ogoto, “Ṉalu qata le tavise Kristo tatana too palua ia.

Revaleson 1:1

Zazaona buka dena, i vasadaka me pataro iri kokopika bana me go, do Jesu Kristo i vasadaka me. God i teke ne Jesu Kristo go tina vamia qirae basoero iri zazu nego ia, sauna pataro tiniki umata kaega tina lama doka go. Iago Kristo iturine me aqelo iago tina vamia ze Jon, valeke zazu ia.

Revaleson 1:19

Ono karo qira pataro qo mia go iri sadaka go ninidena, mana pataro tinara za sadaka mego ṉalu muzi go.

Revaleson 10:4

Muzina so seko iri vae go ria, era qa vanama to karo na pataro iri sine go. Do qa gata kameka ovaṉa i seko me tepa rani ne, “Ono pika vanadua pata iri sine go kavitu pakala ro ne, oniki karo!”

Revaleson 14:13

Gonae qa gata napua ovaṉa i reqe me rani ne, igo dena, “Ono karo osina pataro dena pasi ninidena popoka gogo ne, ria iri le ne go vaogoto ria sauna Jesu tarina lete kula sivala.” Spirit tabo ne igo napu de, “I pata ogoto sivala, ria tarina kula ne ziṉo, sauna zazu vokara ro ria tanego tarina pala vazao napua so zazu velaka ro ria go.”

Revaleson 17:1

Gonae kaki kameka ria kavitu aqelo ro iri pala go vavituna ebata ne, i lamae de qa koego era, igo dena, “Lama go ma va mia zigo era kimata tuna teke go era komala lavata igere go qole vari va gabu iri vadegere ze go rikisina na topuna uguru ro.

Revaleson 17:17

Manoga batu lavata, tarina zazu bana ne pata igogo ne, tanego God tane i teke ne qira go nanao nae, go tarina zazu nego pataro i soko go. Iva kameka ne nanao qira, go iri teke go karaputa ria pata qaraqara piru ne. Tarina zazu ne so ia igogo ne, go tina za doka so ṉalu seko ia God tina lama sadaka ogoto.

Revaleson 2:1

Valeke ne i sine napu nava era igo dena, “Ono karo ne zaqe Aqelo ni koego Epesus. Iato dena sekoro era, valeke qa pala taru zego kavitu domiri ne karisi matauqu, mana qa goe go vari lobori qira pazi qolu ro ne go.

Revaleson 2:12

Ia i seko, igo napu de, “Ono karo napu ne zaqe Aqelo na eklesia na Peqamam. Iato dena seko era, valeke qa pala tarua go pegi loda i zogoto go karua tepana ne.

Revaleson 2:18

Ia i seko, igo napu de, “Ono karo ne zaqe aqelo na eklesia na Taetira. Iato dena seko era Tuna God, mataqu i uqulu gere go nako ne, mana makequ i damara gere go barasi ne.

Revaleson 2:8

Ia i seko, igo napu dena, “Ono karo ne zaqe aqelo na eklesia na simina. Iato dena seko era, valeke qa kenaqana mana lupolupo nago osina ro pata. Qa le bana mana qa too napu mana tuniki ara le kaega go.

Revaleson 21:5

Gonae ia i kolokue go de kolokoloku batubatu ne igo dena, “Era qa va vorua to osina pata,” mana i sine napua, “Ono karo pataro dena, tanego sekoro dena i ogoto mana taru ze ruruqe aro go.”

Revaleson 22:6

Gonae aqelo ne i sine napu nava, igo dena, “Seko ro dena i pata ogoto mana ono ruqe go. God Batu ne i valame go Spirit ia de iri koego propetaro ia. Ia i turi nava era go tuna vamia qirae go vano zazu ia, pataro tiniki umata kaega tina lama sadaka go.”

Revaleson 3:1

Valeke ne igo napu de, “Ono karo ne zaqe aqelo na eklesia na Sadisi. Iato dena seko era, valeke qa pala go kavitu spirit velaka ia God mana domiri ne go. Basoero ne iri go ramu qamu too, do ramu qamu le bana tanae.

Revaleson 3:14

Ia i seko, igo napu dena, “Ono karo napu ne zaqe aqelo na eklesia na Laodisia. Iato dena seko era, valeke vitoṉoqu iri koru zego, ‘Amen!’ Era to qa tarama totoloṉo mana qa ogoto taru mego kokosona me osina ro pata i vazaria go God.

Revaleson 3:20

Muna gata! Era qa degere tarakenaqana siporaṉa ne mana qa tetedeke, ṉalu ka basoe i gata go seko ro era, mana i paqapaqa siporaṉa ia gogo ne, era tuna kebae loborona pade ia mana ṉaṉa tavise iago.

Revaleson 3:7

Ia i seko, igo napu dena, “Ono karo ne zaqe aqelo na eklesia na Piladelpia. Iato dena seko era, qa valeke tabo mana qa ogoto osina ṉalu, mana qa pala kii gere kii ia Davita, mana ṉalu qa papaqa go, i kaega ka basoe i mazala go kokoqu na, mana ṉalu qa kokoqua go, i kaega ka basoe tina papaqa go.