Revaleson 17:8 - Vato Vari Vakameka Voru Ia Batu Ne

⁸ Pata qaraqara piru nae i too bana, do ninidena iki too kaega tiniki umata kaega tina za siporo me boluna ulana ne, mana ṉalu karaputa ia tina za lupo, ia tina za kaega napu so. Basoero iri koego vudu pua ne, do vitoṉo qira iki koe kaega buka na too tarakenaqana God i vazaria go vudu pua ne tarina lete poloso sasakata ṉalu tarina reṉa paqala ne go pata piru nae. Tanego i too bana do ninidena iki too kaega, do taramuzina ia tinara lama sadaka napu.

Revaleson 17:8 ပူးပေါင်းရင်းမြစ်များ

Matiu 25:34

Goto nae ia, tunara sine ne qira basoero iri koego tepa matauqu, ‘Ramu to qamu pala go makaolo ia Mamae, lama mana pala pataro ikoego Too ikoego vari miasoka ia God, ni vanama bana ne qamu go vazari i vae nego kolabana pua dena.

Luka 10:20

Muniki kula ne manuru sakata ro iri vaogoto qamu, do muna kula ne vitoṉo qamu i karo banae rani ne.”

Luka 8:31

Manuru ro ne iri pene va moqere Jesu go mara kasi vana qira qe nako lavata ne.

Tarama Velaka Ia Jesu Kristo I Karo Go Jon 17:24

Mamae! Era qa soko basoero qo teke nava go tarina ko tavisi ve de qa koego, go tarina mia karaputa mazala era, karaputa mazala qo teke bana nava go, tanego qo mamaligara nava tarakenaqana qo ara vazaria go kolabana pua de.

Zazu Ria Apostoloro 15:18

Iato dena seko ia God, i vasadaka bana me pataro dena ṉalu bana ne.”

Epesus 1:4

Tarakenaqana go iara vazaria go vudu pua, God i vine bana qita de ikoego Jesu Kristo go mata ko totoloṉo mana tabo, go mara kaega ne qita kebu tarakenaqana tanuna sauna mamaligara ia.

Taetusi 1:2

Seko ogoto ne, i zazao na too iki rove go kaega lupo. God iki rove go kaega poqe, i pui bana qita e too dena, tarakenaqana iara va zaria go kolabana pua ne.

Kameka Pita 1:20

Tarakenaqana me God iara va zaria go vudu pua, ia i vine bana Kristo go tina vakavele qamu, mana torana dena go tina za mamanava go vudu pua, Kristo i lama bana, i zazu ne go pata dena sau qamu ramu.

Revaleson 11:7

Ṉalu tiruna valupo to tarama nena seko ia God, pata piru lavata, i sipore boluna ulana ne tina lama vari tarae de iru koego. Ia tina vaqoqoro qiru mana vae vale qiru go.

Revaleson 17:11

Pata qaraqara piru itoo bana go ne, ninidena iki too kaega, iato tina vazaluna go kavitu batu ro dena, do ṉalu nae tarina vae vale ogote too ia mana va kuziki ne too iago.

Revaleson 17:2

Batu lavata na ro vudu pua iri lama varivagabu bana to ia, mana basoero na vudu pua ne iri bulaṉoi lupo neto loka na varivagabu ia ne.”

Revaleson 20:10

Gonae Satana ni vaqoqo qira go basoero ne, iri vanaqe zaqe bolu na nako i poto sadaka mego loborona pua ne, de igogo to iri vanaqe bana qiru aqe go pata qaraqara piru mana propeta poqepoqe ne, de go tarina vokara kuse mana musaqara mana tiniki rove kaega lupo go.

Revaleson 20:12

Mana qa mia qira vano iri le bana go, vano iri pala mazala mana vano volomo, iri lama degere tarakenaqana de kolokoloku ia Batu ne. Iri papaqa buka na too, mana iri papaqa napu buka i koego osina pataro iri zazu nego vano basoe ara too iri vaego. Valeke ne i zazu ne varitanae ia, lulua so pataro iri zazu nego basoero ne, ikoego loborona buka ne.

Revaleson 20:15

Basoero iki karo ego kaega vitoṉo qira buka na too dena, ria to nae tarina vana qira qe go bolu na nako ne.

Revaleson 3:10

Tanego ramu qamu lulua vari vatatana era mana qamu vanadue go, era tuna miasoka qamu ṉalu kaki makuru tina pada ne qira go basoero na vudu pua de.

Revaleson 3:5

Basoero iri karaputa ego varitara dena, tarina vakeba ne roku kakasa, mana tuniki vakuziki ne qirae kaega vitoṉo qira i koego buka na too. De koe tarakenaqana Mamae mana aqelo ro ia, era tuna sine vasadake basoero nae to iri ke ogoto era.