Revaleson 17:17 - Vato Vari Vakameka Voru Ia Batu Ne

¹⁷ Manoga batu lavata, tarina zazu bana ne pata igogo ne, tanego God tane i teke ne qira go nanao nae, go tarina zazu nego pataro i soko go. Iva kameka ne nanao qira, go iri teke go karaputa ria pata qaraqara piru ne. Tarina zazu ne so ia igogo ne, go tina za doka so ṉalu seko ia God tina lama sadaka ogoto.

Revaleson 17:17 ပူးပေါင်းရင်းမြစ်များ

Luka 22:22

Do Tuna basoe tina le, gerena God i vine taru bana go, do manava sakata sivala de ikoego valeke iva besa ne, go ia!”

Luka 22:3

Gonae Satana i kebae puṉu na Jiudas iri vitoṉo ze Iskariot, ia ikaki kameka ria manoga karua disipolo ro ne.

Luka 22:37

Go qa sine ne qamu go pata dena, mara votoe, de qa koe era seko dena, Buka tabo ne i sine bana igo, Tri vapala tavisi ze ia basoero sakata iri vae tamana.’ Iago osina pataro dena mara lama ogote de qa koe era.”

Tarama Velaka Ia Jesu Kristo I Karo Go Jon 10:35

Ita qata rove seko na Buka tabo ne, i pata ogoto, God i koru qirae basoero nae god ro, ria to basoero i teke ne qira go tarama ro ia.

Tarama Velaka Ia Jesu Kristo I Karo Go Jon 13:18

Era qaki seko ne kaega osiqamu, tanego ria qa vine qira go, qa rove velaka qira. Do go tina voto go seko na Buka tabo ne, ‘Basoe qaru kameka ṉaṉa go, iato tina vasakatava go era!’

Tarama Velaka Ia Jesu Kristo I Karo Go Jon 13:2

Raravi na ṉalu nae, Jesu mana disipoloro ia iri za ṉaṉa go, Satana i keba banae nanao na Jiudas sale ia Saimon Iskariot go tina va besa nego Jesu.

Tarama Velaka Ia Jesu Kristo I Karo Go Jon 19:24

Vano soldia ne iri vari sine ne, “Mata kasi ridake na, do mata va qiso daisi, go mata mia akena tina pala go.” Iadena i sadaka, go seko i sine bana go Buka tabo ne tina lama ogoto, igo, “Iri vari kena kena ne poqaro era, iri va qiso daisi ne roku loda era.” Pataro dena soldia ro iri zazu neto.

Tarama Velaka Ia Jesu Kristo I Karo Go Jon 19:28

Taramuzina nae Jesu i rove osina zazu ia ivalupo to. Mana go tina voto go seko na Buka tabo ne, ia igo, “Era qa kaṉoso!”

Karua Korinti 8:16

Remu qi seko velaka ne God, i teke go Taetusi nanao go i soko go tavisi ne qamu, gerena so remu qi soko go tavisi ne qamu.

Revaleson 10:7

Ṉalu vavituna aqelo ne tina puqoto kuvili ia ne, God tina valupo to osina pataro, ivanama bana mego, gerena so iri sine bana go vano zazu ia mana propeta ro iago.”

Revaleson 15:1

Gonae qa mia zaqe kameka pata vavagazama i sadake go varioka ne, i lete vapoloso ava. Kavitu aqelo ro ne iri pala me kavitu pata vari vakimata. Kavitu kimata nae to i valupolupo na muma ia God, tanego ṉalu kimata ro dena tina lupo, muma ia God do tina lupo napu to go.

Revaleson 17:13

Manoga batu lavata ro dena, iri vakameka ne nanao qira mana iri teke ne pata qaraqara piru ne osina karaputa mana mazala ro ria go,

Revaleson 19:9

Gonae aqelo ne i sine nava, igo, “Ono karo pataro dena, vano iri rave qira mego kelo na busi ia Tunana Sipi ne, iri pala to kula ria.” Aqelo ne i sine napua, “Seko dena i seko ogoto ia God.”

Revaleson 6:11

Nogoto qira iri teke ne qira roku kakasa mana iri sine ne qira, muna noto tekere ramu, na doka so ṉalu tarina vaevale lupo qira basoero velaka ne, taramuzina God tina vae vale lupo qira basoero sakata ro taramuzina God tinara velo qira vano velaka ro iri le bana go.