Revaleson 16:15 - Vato Vari Vakameka Voru Ia Batu Ne

¹⁵ “Gata! Era tuna gere basoe sikosiko ne! Kula basoe i dogara taru mana i vanadua baribari ia osina ṉalu, go tiniki za sisinaqa go kaega.”

Revaleson 16:15 ပူးပေါင်းရင်းမြစ်များ

Matiu 25:13

Valupolupo na Jesu igo, “Muna miasoka, tanego qamuki rove kaega ka musaqara na mana ka torana ṉalu era Tuna basoe tuna ule mego.”

Matiu 26:41

Muna koe dena mana pene, go kaega kaki pata pada tina vasoru qamu go. Pata ogoto, nanao qamu i karaputa do, tokama qamu i pela.”

Maka 14:38

I sine ne qira, “Muna miasoka mana pene, go tamuniki sorue go kaega vasakata pata, tanego nanao qamu i soko me, do tokama qamu i pela.”

Luka 21:36

Ko dogara taru so mana pene osina ṉalu, go tamuna pala karaputa go tamuna mazala go zaza va velakae loborona pataro tina sadaka go. Go tamuna mazala go degere na tarakenaqa qu era Tuna basoe.”

Zazu Ria Apostoloro 20:31

Muna miasoka basoero gere qira ria nae, mana nanao tarua, era qa lete ko makuru kuse, mana musaqara qa vatatana qamu go osiqamu loborona kapisa ave.

Karua Korinti 5:3

Tanego ṉalu qata le, i gere pata qata sisinaqa go, ṉalu qata ki toṉove go kaega tokama voru igogo ne.

Kameka Tesalonika 5:4

Do ramu vakitaka ro era, qamuki koe kaega rodoko, iago musaqara nae tiniki lama vapoloso qamu kaega, gere valeke sikosiko ilama mana vapoloso qamu go.

Kameka Tesalonika 5:6

Iago, ita mata kasi kamuku gere qira vano iriki vaogote go kaega Kristo. Mata dogara, mana vazazao ze nanao ro ita pata ni velaka go.

Kameka Pita 4:7

Osina pata ro i garogaro to tina lupo. Iago ramu muna miasoka va velaka qamu, mana ko vanamanama, mana pene taru osina ṉalu go.

Karua Pita 3:10

Do musaqara ṉalu Batu ita na ule mego, tina gere lama na valeke sikosiko, qatiki rove go kaega ita lama na. Ṉalu nae varioka ne tina zaga lulua kameka naki lavata. Osina pata ikoego varioka ne mana osina pata ikoego vudu pua tina subi lupo nako ne.

Revaleson 22:7

Jesu igo, “Gata! Era tiniki umata kaega tuna lama napu! Kula de iri koego basoero iri vaogote mana lulua seko ia God, i koego loborona buka dena!”

Revaleson 3:11

Tiniki umata kaega era tuna lama napu, iago ramu muna palataru vanadua too velaka qamu pala bana go nae, niki go lama vakuziki ne qamue kaki basoe sakata, sasarapa velaka qamu pala bana go.

Revaleson 3:18

Iago ma sine ne qamu pata ogoto, muna voli zavae era qolu ilete velaka sivala, go tamunara vavagado ogoto go. Muna voli palu ze poga tamuna vakeba nego, go tina sapua go tokamaqamu ni sisinaqa go, go tamuniki agava go kaega. Muna voli napua sumuku tamuna alu zego mata qamu, go tamuna mimia velaka go.