Revaleson 16:14 - Vato Vari Vakameka Voru Ia Batu Ne

¹⁴ Kapisa manuru sakata dena, iri lete sakata sivala, iri zazu ne pata vari vapoloso. Kapisa manuru sakata dena, iri zae de iri koego batu lavata na vudu pua, iri za teṉo qira go tarina varitarae de ikoego God Batu ni lete moqere sivala nego musaqara muzimuzi.

Revaleson 16:14 ပူးပေါင်းရင်းမြစ်များ

Matiu 24:14

Mana Tarama Velaka na Too ikoego vari miasoka ia God, tarina sine vasadaka ze kolabana pua ne, go osina basoero tarina gata. Mana taramuzina tina dokae to lupo na vudu pua dena.”

Matiu 24:24

Tanego Mesia poqepoqe ro mana propeta poqepoqe ro tarina lama, mana tarina zazu ne topu na zazu mazalaro mana zazu vari vapoloso ro go, go tarina pada ne vosoru qirae basoero tavine ia God i vine bana qira go.

Maka 13:22

Tanego Mesia poqepoqe ro mana propeta ro go, tarina lama sadaka mana zazu ne topuna ro pata van vapoloso mana lala ro, go tarina vasoru qirae basoero tavine ia God.

Luka 2:1

Torana ṉalu nae batu lavata Aqustus i vazao seko ne qira, osiqira basoero iri koego deni miasoka go, go tarina karo vitoṉo qira mana tina qana qira go.

Tarama Velaka Ia Jesu Kristo I Karo Go Jon 8:44

Vatovato qamu lulua go i gere so vatovato ia tamaqamu Satana, mana osina ṉalu qamu soko so zazu ne na pata i soko go ia. Zazu i zazu kenaqa ne Satana ne, vae vale na basoe, mana iki soko kaega pata ni ogoto go, tanego i kaega pata ogoto ikoego ia. Ṉalu ia i sine pata ni poqe go, i luluato pata i soko go, tanego i basoe poqepoqe mana i tamana to poqe ro go.

Leta Ia Pol I Karo Ne Qira Basoero Na Rom 1:8

Kenaqana pata loborona vitoṉona Jesu Kristo, era qa seko velake God sau qamu osiqamu, tanego vaogoto ramu sauna Kristo iri gata bana ze osina dia kolabana vudu pua.

Karua Tesalonika 2:9

Do tarakenaqana go tinara lama go Jesu, basoe vae tamana nae tina za lama palua karaputa ia satana, mana tina zazu ne topu na pata mazala, mana pata vari vapoloso ro tina vanureke qirae basoero.

Kameka Timoti 4:1

Spirit tabo i sine vatatavata velake, kakiaro basoero tarina vana ne vaogoto ṉalu iara ko mego. Mana tarina vaogote Spirit poqepoqe, mana tarina lulua vari vatatana ia Satana go.

Jemisi 3:15

Tarove igogo nae iki ireqeme kaega rani ne, do ireqeme so pua dena, mana iki ke ia kaega madau, do ike ia so Satana.

Kameka Jon 5:19

Ita qata rove qata basoero ia God, do basoero na vudu pua dena irikoe to polana karaputa ia Satana.

Revaleson 12:9

Gonae dole ratovo lavata ne mana aqelo ro ia ne, iri kakale vakuziki ne qira to. Dole ratovo dena to, iato i ko bana mego ṉalu bana ne, iato qata vitoṉo zego Satana, iato i poqe qira go basoero na vudu pua go iri vasakata pata go.

Revaleson 13:3

Kaki kameka kuzukuna pata qaraqara piru dena, i mimia gerena pata i paleka bana go, do paleka na ne i saqau bana to. Osina basoero na vudu pua ne iri lete nureke ne pata qaraqara piru dena iago iri lulua to pata qaraqara piru dena.

Revaleson 16:16

Gonae kapisa manuru sakata ne iri koru teṉo qirae kameka dia batu lavata ro ne, de iri vitoṉo ze seko va Iburu Amagedoni.

Revaleson 16:7

Gonae qa gata kameka ovaṉa i seko me sara ne, igo dena, “God Batu qo moqere sivala. Aro so ikoego osina karaputa, iago varitanae aro de koe basoero ne, i velaka mana i totoloṉo go!”

Revaleson 17:14

go tarina varitarae de ikoego Tunana Sipi ne iri go. Do Tunana Sipi ne mana basoero ia tarina vaqoqoro qira batu ro dena, tanego Tunana Sipi ne i batu sivala ne qira osiqira batu ro, mana i batu lavata sivala ne qira batu lavata ro. Tunana Sipi ne i koru bana qira basoero ia mana iri vanadue de ikoego iago.”

Revaleson 20:8

Ia tina za mana vaqoqo qira basoero na kolabana pua ne, iri vitoṉo qirae go sinaqe na Gog mana Megog. Satana ne tina pala qoqoṉo qira basoero de mana tarina varitarae de ikoego God. Basoero ia Satana ne tarina gere topuna karikoni ne.

Revaleson 3:10

Tanego ramu qamu lulua vari vatatana era mana qamu vanadue go, era tuna miasoka qamu ṉalu kaki makuru tina pada ne qira go basoero na vudu pua de.

Revaleson 6:17

Pata ogoto, musaqara ṉalu God mana Tunana Sipi tiruna vakimata qira go osiqira basoero ne i lama doka to, iago akena to tina mazala go vakavele na too ia na?”