Revaleson 15:2 - Vato Vari Vakameka Voru Ia Batu Ne

² Gonae qa mia zaqe kaki pata i mimia gere duviduvi na masi i palua go nako ne. Qa mia napu qira basoero iri vapela bana go karaputa ia pata qaraqara piru ne mana beku na mana lala i gere go vitoṉo na ia. Ria dena iri degere garogaro na masi duviduvi ne mana iri pala tarua pata nakinaki i teke ne qira go God.

Revaleson 15:2 ပူးပေါင်းရင်းမြစ်များ

Matiu 3:11

Era qa bapitema qamue ramu besi go tina vasadake ramu qamu manava sakata ne vasakata pataro ramu. Do valeke tinara lama taramuziqu era i lete karaputa sivala nava era. Patavolomo makebotu ia do era ki torava kaega tuna pala ne go. Ia tina bapitema qamue ramu Spirit tabo mana nako.

Kameka Pita 1:7

Lavatana pataro dena go mara vasadake mazala na vaogoto ramu i nadu go. Qolu do iri subi ze nako ṉalu iri pada nego, go iri vadalo go, do qolu nae i mazala so za kaega, ba vaogoto raramu go i sivala ne qolu. Iago God tina pada napu ne vaogoto raramu go tinara nadu, mana tamuna toṉove vazaka, mana va popoka na vitoṉo qamu, mana va mazala qamu ṉalu musaqara Jesu tina sadaka mego.

Kameka Pita 4:12

Ramu turaquro, muniki poloso ne vokara tamuna pala go ninidena mana muniki nanao pataro dena tiniki doka qamu kaega go.

Revaleson 12:11

Do ria turaqita ro ne iri vapela ze ia karaputa na parasana Sipi ne, mana karaputa na seko ia iri vasadake go. Iri toqe ne soso na too ria, mana iriki sareki ne kaega le go.

Revaleson 13:1

Gonae qa reṉa ne kameka pata piru i sadaka me masi ne, pata qaraqara dena, i manoga kiso na mana kavitu kuzuku na go. Nogotona kuzuku ne, iko ne qira topatopa ro ria, mana kuzuku ro dena, ikoe seko sakata ro iri seko vasakata ze go God.

Revaleson 13:14

Mazala i vasadake go varuana pata qaraqara piru de, i vasadaka ze tarakenaqana pata piru kenaqa ne, mana i va bulaṉoi qira basoero na vudu pua go. I sine ne qira basoero ne mara zazu ne beku mana vagere ze tatalina pata piru kenaqa niri vae vale bana ze go peqi loda ne do i too ule napu me.

Revaleson 13:17

Ṉalu basoe i kaega nego lala dena, ia tiniki volivoli ne kaega kaki pata ba za voli na kapata go.

Revaleson 21:18

Bari na komala lavata dena iri zazu neze ipaka dulikana menomeno. Mana lavata na to komala lavata dena ne iri zazu lupo zeso qolu. Iago i damara gere sirosiro ne.

Revaleson 4:6

Vari liqitu napu na de kolokoloku ia batu ne, i gere sirosiro na loka na masi ne i lete tatavata sivala. Kavasi tepa na de kolokoloku ia Batu ne, iri koe kavasi pata qaraqara too i topu go mata qira, i koe tarakenaqana qira mana taramuzi qira go.

Revaleson 5:8

Torana i za pala go vivolo pepa ne Tunana Sipi ne, kavasi pata qaraqara too ne mana karabete kavasi kazigatata ro ne, iri soru kapate tarakenaqana Tunana Sipi ne. Osiqira iri vabatua ia mana iri pala pata nakinaki ro ria mana iri pala tarua ebata qolu ro iri vapuraka ze insenisi, ia dena i sauna to pepene ro ria basoero ia God.