Revaleson 15:1 - Vato Vari Vakameka Voru Ia Batu Ne

¹ Gonae qa mia zaqe kameka pata vavagazama i sadake go varioka ne, i lete vapoloso ava. Kavitu aqelo ro ne iri pala me kavitu pata vari vakimata. Kavitu kimata nae to i valupolupo na muma ia God, tanego ṉalu kimata ro dena tina lupo, muma ia God do tina lupo napu to go.

Revaleson 15:1 ပူးပေါင်းရင်းမြစ်များ

Revaleson 10:3

mana i koru va lavata, ovaṉa na ne i gere naki na laioni ne. Taramuzina koru ivae go ne, kavitu pakala iri toqe ne ia.

Revaleson 11:14

Varuana pata makuru ne i sivala zato. Do vapisana tiniki umata kaega, tina lama doka napu!

Revaleson 14:10

Basoe nae God tina vakimate ia, basoe nae tina besia kapuna vino ikoego osina karaputa na muma ia God. Basoe nae tina lete vokara ne ilana nako, i gere go nako kamu i poto sadaka mego loborona pua ne, tarakenaqa qira aqelo tabo ro ne mana Tunana Sipi ne go.

Revaleson 14:19

Iago aqelo ne i pala pegi eqoqo zogoto ia ne mana i puta urena ro vaini na vudu pua ne, mana i vana qira qe de iri puqopuqo zaqe vaini ne. Nae to ikoego muma lavata ia God.

Revaleson 16:1

Gonae qa qata zaqe kaki naki lavata i reqe me loborona pade lotu ne, i seko tabe qira aqelo ro ne, i vane qira dena, “Pala kavitu ebata ikoego muna ia God dena mana za zele ze vudu pua go!”

Revaleson 17:1

Gonae kaki kameka ria kavitu aqelo ro iri pala go vavituna ebata ne, i lamae de qa koego era, igo dena, “Lama go ma va mia zigo era kimata tuna teke go era komala lavata igere go qole vari va gabu iri vadegere ze go rikisina na topuna uguru ro.

Revaleson 19:15

Kameka pegi loda i zogoto go karua tepa na, i siporo me saqena. Pegi nae to tina vae vaqoqoro ze go ia osina sinaqe ro ne. Ia tina kenaqa qirae tamana i lete tabo sivala go, tina vadoka ne qira basoero ne muma lavata ia God i moqere sivala go, tina gere ṉalu basoe i kube zagale go urena grep, go osina besi na i siporo lupo go.

Revaleson 21:9

Kaki kameka aqelo i za lamae de qa koego era, aqelo dena iato vavituna go aqelo i pala bana go ebata lavata i purake go vavituna pata vari va makuru ne. Gonae igo dena, “Lama go ma vamia goe era qole ia Tunana Sipi niara busia go.”

Revaleson 8:13

Gonae qa reṉa qa go, qa mia kameka kamaqa lavata i bauke zakazaka ne igo dena, “Ke makuru lavata sivala tina dokae go basoero na vudu pua ṉalu tarina gata go kuvili iri puqo go kapisa aqelo ne!”

Revaleson 8:2

Taramuzina ianae, era qa mia kavitu aqelo iri teke ne qira kuvili mana iri degere tarakenaqana na God go.

Revaleson 8:6

Gonae kavitu aqelo ne iri pala tarua kuvili ria, iri vanama neto puqona.

Revaleson 9:20

Ria iri ko sivala ego vudu pua ne, iriki le ne kaega pata makuru ro dena ne, iriki mamanava so kaega vazaka na pataro iri zazu nego tanuqira, iri vazaka manuru sakata ro, beku ro iri zazu neze qolu, siliva, boronizi, ipaka, mana moki go tanego beku ro dena iriki mimia kaega, iriki gata pata kaega mana iriki zaza kaega go.