Revaleson 14:2 - Vato Vari Vakameka Voru Ia Batu Ne

² Mana qa gata kameka ovaṉa i nakie rani ne i gere qumara na besi ni kiale go, mana qumara na pakala go. Naki na ovaṉa ne i gere pata nakinaki iri vaego topu ria basoero ne.

Revaleson 14:2 ပူးပေါင်းရင်းမြစ်များ

Kameka Korinti 13:1

Qa mazala so seko ne, seko ria basoero mana seko ria aqelo ro, do ṉalu qaki mamaligara ne qira kaega basoero ne, seko ro era i vari vaiqi gere so naki na kuvili, ba moki lubilubi iri lubia go.

Revaleson 1:10

Musaqara ia Batu ne, karaputana Spirit tabo i lamae de qa koego era. Gonae qa gata kameka ovaṉa lavata, i naki me taramuziqu i gere naki na kuvili.

Revaleson 1:15

Makena ne i gere barasi i damara go. Ovaṉana naki na saqena ne i gere ququtalana besi ne.

Revaleson 11:12

Gonae karua basoe tarama dena, iru gata kameka ovaṉa lavata i qoqoro me tepa rani ne igo de, “Popoka me dena raburu!” Vano iri kana ne qiru go, iri reṉareṉa ne qiru, iru goe kameka toba mana popoka za rani go.

Revaleson 11:15

Vavituna aqelo ne i puqo kuvili ia, mana qa gata ovaṉa lavata i naki me tepa rani ne, iri go, “Karaputa tina kenaqa ne ze go kolabana pua ne i ke iato Batu God ita mana Mesia iago, mana iato tina kenaqa go osina ṉalu topuro ne!”

Revaleson 15:2

Gonae qa mia zaqe kaki pata i mimia gere duviduvi na masi i palua go nako ne. Qa mia napu qira basoero iri vapela bana go karaputa ia pata qaraqara piru ne mana beku na mana lala i gere go vitoṉo na ia. Ria dena iri degere garogaro na masi duviduvi ne mana iri pala tarua pata nakinaki i teke ne qira go God.

Revaleson 18:22

Vano iri vae go pata nakinaki, vano kerakera, vano iri vaqiso go seqo ne mana puqo go laqama ne tariniki ara naki napue to kaega. Tina kaega to vano zazu, vano iri zazu nego volivoli tinara reṉa ne qirae go nae. Mana naki na ipaka kokodokulu nae, tiniki ara ovaṉa to kaega.

Revaleson 5:8

Torana i za pala go vivolo pepa ne Tunana Sipi ne, kavasi pata qaraqara too ne mana karabete kavasi kazigatata ro ne, iri soru kapate tarakenaqana Tunana Sipi ne. Osiqira iri vabatua ia mana iri pala pata nakinaki ro ria mana iri pala tarua ebata qolu ro iri vapuraka ze insenisi, ia dena i sauna to pepene ro ria basoero ia God.

Revaleson 6:1

Gonae qa reṉa ne zaqe Tunana Sipi ne i kaqole vakuziki kameka ke kenaqana va vitu na pata varoroto ne, mana qa gata kaki kameka ria kavasi pata qaraqara too ne, i ovaṉa valavata me i gere naki na pakala, igo, “Lama!”

Revaleson 8:7

Aqelo kenaqa ne i puqoto kuvili ia, gonae aisi mana nako i lomire go parasa i tazele me vudu pua igere nare ne. Mana takoboro na vudu pua ne, i subi palua to takoborona moki ro, mana osina to seuseu kurikuri iri koego.