Revaleson 14:15 - Vato Vari Vakameka Voru Ia Batu Ne

¹⁵ Gonae kameka napu aqelo ne i siporo me Pade Lotu ne, mana i seko valavata zaqe basoe i kolokue go popoko na toba ne, igo dena, “Pala pegi eqoqo zogoto aro nae mana puta qira urena pata lebaleba ro nae, tanego torana dena i ṉara to pata gege iri koego vudu pua ne.”

Revaleson 14:15 ပူးပေါင်းရင်းမြစ်များ

Matiu 13:30

Taru qiru mara riru podo so, go na doka so ṉalu tina ṉara go ure na vuiti ne. Ṉalu nae to tuna ara sine ne qira go vano zazu era, tarina rapusu kenaqe seuseu sakata ne mana kameka poke ne qira mana subi zaqe nako ne, taramuzina ṉara vae vuiti ne mana babana ze pade tarutaru pata gege era go.’ ”

Matiu 13:39

Mana basoe vari kanae i leba go seuseu sakata ne, Satana. Ṉalu vuiti i ṉara go, iato ṉalu musaqara muzimuzi, mana vano tarina vaego urena vuiti ne ria to aqeloro ne.

Matiu 23:32

Iago, zazu soma ne mana valupo pata iri zazu bana mego vanovano bana ro ramu!

Maka 4:29

Ṉalu iṉara to ure na, valeke ne i pala pegi ia mana i puta urena, tanego i doka to ṉalu velaka na.”

Kameka Tesalonika 2:16

Mana iri lete pada ne to vamamanava qemue remu, za tamana qirae vano iriki Jiu go kaega Tarama Velaka ia God, go tina vakavele qirae go vatovato dena iri lama vakube taru ze to osina vasakata pata ro ria. Iago muna ia God i lama dokae to de iri koego.

Revaleson 11:19

Gonae pade tabo ia God ikoego rani ne i papaqa mana dolo i koego seko vari toqe voru ia God i sadaka me loborona pade tabo nae. Torana so nae kameka naki lavata i lama, gonae kapi i tatavata me, pakala i poto mana kameka nunu i vizua pua ne, mana ipaka na aisi ne i tazele me.

Revaleson 13:12

Varuana pata piru dena, iko tavise pata piru kenaqa ne. Gonae i vazazua osina mazala ia pata qaraqara piru sakata dena. I vatutubo qirae basoero iri koego vudu pua ne go tarina vazaka pata qaraqara piru kenaqa ni paleka bana go, do paleka na ne i saqau mana i velaka to go.

Revaleson 14:14

Gonae qa reṉa qe qa mia kameka toba kakasa mana toba nae i kolokue kaki pata i gere basoe i vatopatopa ne qolu mana i pala taru ze karisina peqi eqoqo i zogoto go.

Revaleson 14:16

Iago valeke i koloku ego popoka na toba ne i puputa neto peqi eqoqo zogoto ia, de koe urena ro pata gege ro iri ṉara banae go vudu pua ne.

Revaleson 14:17

Gonae qa reṉa napu ne zaqe kakia aqelo i siporo me pade lotu na rani ne, i puputa napu ne peqi eqoqo zogoto ia.

Revaleson 14:18

Gonae kakia napua aqelo i miasoka go nako ne, i za siporo me sara ne. I seko valavata me de ikoego aqelo ipala go pegi eqoqo zogoto ia ne, “Ono vazazua pegi eqoqo zogoto aro mana puta ze pata lebaleba ro iri koego barue na vudu pua, tanego urena ro ne i ṉara lupo to.”

Revaleson 15:6

Kavitu aqelo ne iri pala mego kavitu pata vari vakimata ne, iri za siporo me Pade Lotu ne, mana roku iri vakeba nego i dalo mana lete damara go, mana barabara qira iri poke ze qolu go.

Revaleson 16:17

Gonae vavituna aqelo ne i zele zaqe ebata ia varioka ne. Kameka ovaṉa lavata i seko me de kolokoloku batubatu ikoego Pade Lotu ne, igo dena, “Osina pata i lupo to!”

Revaleson 6:10

Madau qira ria dena iri seko valavata me iri go, “Batu qo lete tabo sivala mana qo moqere go, aro i purake vavaogoto, kasi vaumate na varitanae aro de iri koego basoero na vudu pua, ono vakimata qira tanego iri vae vale qemu remu.”