Revaleson 13:6 - Vato Vari Vakameka Voru Ia Batu Ne

⁶ Iago pata qaraqara piru dena, i dadamua God, vitoṉo na, de koko ia mana osiqira to basoero iri ko tavisi ze go ia rani ne.

Revaleson 13:6 ပူးပေါင်းရင်းမြစ်များ

Matiu 12:34

Qamu gere dole ne, i makuru qamu to sine na kaki pata velaka tanego nanao qamu i purake nanao sakata. Pataro i purake go puṉuna basoe tane i vasadake go ṉalu i seko go.

Matiu 15:19

Tanego loborona nanao na basoe i tupi mego nanao sakata ro, gerena vae vale na basoe, taunata, zazu sakata de koe kene basoe, siko, poqe mana pepeu valu qira basoero ne go.

Tarama Velaka Ia Jesu Kristo I Karo Go Jon 1:14

‘Seko’ dena i lama taitana mana i basoe, i purake Mana mana seko ogoto mana iko tavisi qita go. Remu qi mia karaputa mazala ia, ia to i kameka so Tuna go i pala go karaputa mazala nae de ikoego Tamana.

Leta Ia Pol I Karo Ne Qira Basoero Na Rom 3:13

Pata iri sine go iri le ne basoero ne soso sinaqe na pata poqe i siporo mego kalamia qira, mana seko sakata sivala ireqe mego saqe qira, i gere panina dole pani ne.

Kolosia 1:19

Tanego i sauna vivine ia God, sale ia tanuna i gere ogote dego God.

Kolosia 2:9

Tanego Kristo i lama basoe gere qita so ita, mana too ia God i koe de ikoego ia, ko i vae go vudu pua dena,

Iburu 9:2

Iri zazu ne kameka pade iri pala zazao ne, kova kenaqa ne iri vitoṉo ze, “Kova tabo.” Loboro igogo i koe pazi, tevolo mana bureri iri sosovolomo ne zaqe God go.

Iburu 9:24

Kristo iki keba za kaega kova tabo, i zazu ne go basoe i vapadapada zego ke ogoto ne. Do Jesu i keba za rani tanuna, de go ninidena i sadake tarakenaqa na God sauqita ita.

Revaleson 11:12

Gonae karua basoe tarama dena, iru gata kameka ovaṉa lavata i qoqoro me tepa rani ne igo de, “Popoka me dena raburu!” Vano iri kana ne qiru go, iri reṉareṉa ne qiru, iru goe kameka toba mana popoka za rani go.

Revaleson 12:12

Iago rani ne, mana osiqamu qamu koego rani ne go, muna kula vudu pua ne mana masi ne go. Tanego Satana i lama qoqoro me de qamu koego. I lete muma sasakata, tanego i rove, ṉalu ia i lete pusi.”

Revaleson 15:5

Taramuzina pata dena qa mia Pade Lotu ikoego rani ne i papaqa mana qa mia napua pade suka vavarere iago.

Revaleson 18:20

Kula, ramu vano na rani ne mana basoero ia God, apostoloro mana propetaro ne tanego God i pero vanaqe komala lavata Babiloni! God i vasakate komala dena, tanego i sauna to pataro izazu bana qamue go ramu.

Revaleson 21:3

Qa gata kameka ovaṉa i seko me de kolokoloku batubatu me, ogi dena, “Ninidena komala ia God i kotavisi qira to vano basoe. Ia tina ko tavisi qira mana ria tarina basoero ia, mana God tina God ria go.

Revaleson 4:1

Taranumna pataro dena, qa mia napua siporaṉa na rani ne i papaqa. Mana ovaṉa i gere go naki na koqo i seko tabe banava go, igo de, “Lamae zakazaka dena go ma vamia zigoe pataro tinara lama sadaka napu go.”

Revaleson 4:4

Liqutu na de kolokoloku ia batu ne iri koe karabete kavasi kazigarata ro ne, mana iri vakeba ne roku kakasa loda, topatopa iri vakeba nego i qolu.

Revaleson 5:13

Gonae qa gata osina pata too i vazaria go God, iri koego vudu rani, vudu pua mana vudu ria vano le, loborona masi ne mana osina dia kolaba ne go. Osiqira dena iri kera, iri go’ “De i koego ia i kolokue go de kolokoloku batubatu ia mana Tunana Sipi gogo ne, mata vazaka mana vabatu qirue sauna menomeno mazala mana karaputa riru i ko osina ṉalu topu ro ne.”

Revaleson 7:15

Iato go iri degere go tarakenaqana de kolokoloku batubatu ia God mana vazaka ia kuse mana musaqara loborona pade tabo ia. Ia i koloku ego de kolokoloku batubatu ia tina miasoka mana ko tavisi qira go.

Revaleson 7:9

Taramuzina pata dena, qa mia zaqe topu sasakata basoero i makuru go qana qira, basoero dena iri reqe me soso sinaqe na basoero, soso vuduro mana soso sekoro go, iri va roku kakasa mana iri pala ubi, gonae iri za degere tarakenaqana de kolokoloku ia Batu ne mana Tunana Sipi go.