Revaleson 13:16 - Vato Vari Vakameka Voru Ia Batu Ne

¹⁶ Iago pata piru dena i vatutubo qira basoero ne. Vano mazamazala vano vavagado, vano situ, vano seka, mana vano iri ko talukasa go. Osiqira basoero dena mara koe kameka lala tepa karisi matau qira ba rae qira go.

Revaleson 13:16 ပူးပေါင်းရင်းမြစ်များ

Zazu Ria Apostoloro 26:22

Ba torana musaqara ninidena, God i tavisi nava era, mana iato go ninidena era qa degere go dena, qa sine pata ogoto sauqu tanuqu, de qamu koego ramu vano qamuki mazamazala go kaega mana vano qamu mazamazala go. Pata qa sine go era ne, i vari pada so pataro iri sine bana go ria propetaro mana Mosese, pataro tinara lama sadaka go.

Kameka Korinti 12:13

Varipada na so osiqita, vano Jiu, ba vano iriki Jiu go kaega, vano seka, ba vano iri ko talupasa, osiqita qata bapitema bana e kameka tokama loborona kameka Spirit tabo. Mana Spirit tabo dena to i va karaputa go too ita.

Qalesia 3:28

Iago ikaega so kaki pata i varivakakatae ne de iri koego vano Jiu ba vano iriki Jiu go kaega, vano seka ba vano ko talukasa, valekero ba qolero go, osiqira pataro dena iri kameka pata so de ikoego Kristo.

Qalesia 6:17

Valupolupona, kaega napu kakia basoe mara teke napu nava era kaki makuru, tanego kilipa i koe go tokamaqu dena i vasadake era qa basoe seka ia Jesu.

Epesus 6:8

Muna nanao tarua, Batu ne tinara teke ne qira voli basoero iri zazu velaka go, patavolomo i basoe seka ba basoe talukasa.

Kolosia 3:11

Sauna to ianae, i kaega so kapata iri vari vakakavatae ne vano Jiu ba vano iriki Jiu go kaega, vano iri kosi ba vano iriki kosi go kaega, vano iri pala vari vatatana ba iri ko piru, vano iri seka ba vano iri ko talukasa go. Tanego Kristo i sapu lupo qira mana Kristo i koe loboro qira, iago osiqira iri kameka basoe lupo so.

Karua Timoti 3:8

Valekero iri zazu nego ia igogo ne de iri koego qolero ne, iriki soko kaega luluna seko ogoto ne, gere qiru Janis mana Jabresi, iruki soko go kaega Mosese. Basoero nae ne, i kaega ne qira nanao velaka, mana vaogoto ria i zaza sakata go.

Revaleson 11:18

Vano rodoko ne iri lete ṉiṉiri, tanego ṉalu muma raro i lama doka to. I ṉalu aro tono varitanae ne qira go vano le bana, mana i ṉalu na napu to tono teke ne qira sasarapa vano zazu aro, ria propeta ro mana osiqira vano iri vamazali go. Patavolomo vano i kone qira mazala mana vano ikaega ne qira ka mazala go. Ṉalu dena to i ṉalu raro to tono pero qira go vano iri pero go vudu pua ne!”

Revaleson 15:2

Gonae qa mia zaqe kaki pata i mimia gere duviduvi na masi i palua go nako ne. Qa mia napu qira basoero iri vapela bana go karaputa ia pata qaraqara piru ne mana beku na mana lala i gere go vitoṉo na ia. Ria dena iri degere garogaro na masi duviduvi ne mana iri pala tarua pata nakinaki i teke ne qira go God.

Revaleson 19:18

Lama go muna ge qira soso sinaqe na manu ro dena, manu qira batu lavata ro, batu ria vano varitara ro, vano soldia ro, manu qira ose ro mana vano iri age go, manu qira basoero, vano seka, vano ko talupasa, vano mazamazala mana vano volovolomo go!”

Revaleson 19:20

Valeke i age go ose ne i pala pata qaraqara piru ne mana propeta poqepoqe ne mana i qolo vanadu qiru go. Propeta poqepoqe dena i zazu neze pata vari vapoloso ro tarakenaqana pata piru ne. Sauna to zazu vari vapoloso ro nae, iva qoqo qirae go basoero iri pala go lala ia mana iri vazaka go beku na go. Pata piru ne mana propeta poqepoqe ne iru vana va too too qiru aqe nako i poto sadaka mego loborona pua ne.

Revaleson 19:5

Gonae qa gata napua kaki seko i ovaṉa me, i reqe me de kolokoloku batubatu ne, igo dena, “Osiqamu vano zazu ia God, vano qamu pala mazala mana vano i kaega ne qamu mazala gogo ne, muna vazaka God!”

Revaleson 20:12

Mana qa mia qira vano iri le bana go, vano iri pala mazala mana vano volomo, iri lama degere tarakenaqana de kolokoloku ia Batu ne. Iri papaqa buka na too, mana iri papaqa napu buka i koego osina pataro iri zazu nego vano basoe ara too iri vaego. Valeke ne i zazu ne varitanae ia, lulua so pataro iri zazu nego basoero ne, ikoego loborona buka ne.

Revaleson 20:4

Qa mia napua kakiaro de kolokoloku ro ia batu ne. Ria iri kolokue go ne, ria to iri pala go karaputa go tarina varitanae ne qira go basoero ne. Qa mia napua madau qira vano iri kodaka bana go kuzuku qira, tanego iri sine vasadake go ogotona seko ia God i tarama nego Jesu. Basoero dena iriki vazaka kaega pata qaraqara piru ne ba beku na go. Iriki taru ze kaega lala ia pata piru ne rae qira ba karisi qira. Ṉalu nae iri too napu me tepa le mana iri lama batu lavata tavise Kristo torana kameka mao masirani.

Revaleson 6:15

Gonae osiqira batu lavata na vudu pua ne, vano kenakenaro, batu ro ria vano soldia ro, vano vavagado, vano iko ne qira karaputa vano seka ro mana vano basoe volomo ro gogo ne, iri paqa mana za pipikae loborona leṉa ro mana polana baba ro na kubolo go.

Revaleson 7:3

Aqelo ne igo, “Kasi vasakatena tekere vudu, masi ba moki ro go, remu mi taru ze tekere kameka lala rae qira basoero zazu ia God.”