Revaleson 13:15 - Vato Vari Vakameka Voru Ia Batu Ne

¹⁵ Varuana pata qaraqara piru ne i pala vatoqe, go tina kiuru zaqe marapugana too loborona beku iri zazu vagere zego pata piru kenaqa ne. Ṉalu nae to beku nae tina ko ne karaputa na seko mana tina vae vale qira basoero iriki vazaka go kaega tanuna.

Revaleson 13:15 ပူးပေါင်းရင်းမြစ်များ

Jemisi 2:26

Iago igerena napu so tokama, ṉalu madau ikasi ne go ia, tokama i le to. Mana qerena napu so vaogoto iki vasadake go kaega zazu velaka, vaogoto nae ile napu so go.

Revaleson 13:1

Gonae qa reṉa ne kameka pata piru i sadaka me masi ne, pata qaraqara dena, i manoga kiso na mana kavitu kuzuku na go. Nogotona kuzuku ne, iko ne qira topatopa ro ria, mana kuzuku ro dena, ikoe seko sakata ro iri seko vasakata ze go God.

Revaleson 13:12

Varuana pata piru dena, iko tavise pata piru kenaqa ne. Gonae i vazazua osina mazala ia pata qaraqara piru sakata dena. I vatutubo qirae basoero iri koego vudu pua ne go tarina vazaka pata qaraqara piru kenaqa ni paleka bana go, do paleka na ne i saqau mana i velaka to go.

Revaleson 13:14

Mazala i vasadake go varuana pata qaraqara piru de, i vasadaka ze tarakenaqana pata piru kenaqa ne, mana i va bulaṉoi qira basoero na vudu pua go. I sine ne qira basoero ne mara zazu ne beku mana vagere ze tatalina pata piru kenaqa niri vae vale bana ze go peqi loda ne do i too ule napu me.

Revaleson 14:11

Kauku na nako na vokara ne i too taru za dokae so ka ṉalu gado kutona i kaega, osiqira ria iri vazaka go pata piru ne mana beku na ne mana lala ia gogo ne, ria nae tarina koe loborona kimata osina musaqara mana kuse go.”

Revaleson 14:9

Vapisana aqelo ne, imuzi napu ne me so karua aqelo iru kenaqa bana mego, i koru valavata me igo dena, “Ka basoe i vazaka go pata qaraqara piru kenaqa ne, mana beku na ne mana lala ia pata qaraqara piru ne i koe rae na ba karisi matauna gogo ne.

Revaleson 16:2

Aqelo kenaqa ne i za zele ze ebata ia vudu pua ne. Gonae ria iri pala bana go lala ia pata qaraqara piru ne mana iri vazaka go beku na gogo ne, i pala qira topuna kukuru i lete vokara sivala go, mana i va sasakata ne qira go.

Revaleson 16:5

Gonae qa gata zaqe aqelo ni miasoka go besi ro ne, igo dena, “God, aro qo lete tabo sivala, qo ko bana me, mana qo ko taru ninidena go, kimata ro qo valame go ne itotoloṉo lupo so.

Revaleson 17:14

go tarina varitarae de ikoego Tunana Sipi ne iri go. Do Tunana Sipi ne mana basoero ia tarina vaqoqoro qira batu ro dena, tanego Tunana Sipi ne i batu sivala ne qira osiqira batu ro, mana i batu lavata sivala ne qira batu lavata ro. Tunana Sipi ne i koru bana qira basoero ia mana iri vanadue de ikoego iago.”

Revaleson 17:17

Manoga batu lavata, tarina zazu bana ne pata igogo ne, tanego God tane i teke ne qira go nanao nae, go tarina zazu nego pataro i soko go. Iva kameka ne nanao qira, go iri teke go karaputa ria pata qaraqara piru ne. Tarina zazu ne so ia igogo ne, go tina za doka so ṉalu seko ia God tina lama sadaka ogoto.

Revaleson 17:6

Mana qa reṉa ne qole ne i ge loka bulaṉoe ne, tanego i ge parasa qira basoero ia God, mana parasa qira basoero iri lulua go Jesu. Qa lete poloso sasakata, ṉalu qa reṉa nego ia igogo.

Revaleson 18:20

Kula, ramu vano na rani ne mana basoero ia God, apostoloro mana propetaro ne tanego God i pero vanaqe komala lavata Babiloni! God i vasakate komala dena, tanego i sauna to pataro izazu bana qamue go ramu.

Revaleson 18:24

Iago kimata nae i pala go aro Babiloni, tanego i sauna parasa qira vano propeta ro ne mana basoero ia God iri soba ze go komala lavata ne, ove to, parasa qira basoero iri vae vale qirae go vudu pua ne.

Revaleson 19:20

Valeke i age go ose ne i pala pata qaraqara piru ne mana propeta poqepoqe ne mana i qolo vanadu qiru go. Propeta poqepoqe dena i zazu neze pata vari vapoloso ro tarakenaqana pata piru ne. Sauna to zazu vari vapoloso ro nae, iva qoqo qirae go basoero iri pala go lala ia mana iri vazaka go beku na go. Pata piru ne mana propeta poqepoqe ne iru vana va too too qiru aqe nako i poto sadaka mego loborona pua ne.

Revaleson 20:4

Qa mia napua kakiaro de kolokoloku ro ia batu ne. Ria iri kolokue go ne, ria to iri pala go karaputa go tarina varitanae ne qira go basoero ne. Qa mia napua madau qira vano iri kodaka bana go kuzuku qira, tanego iri sine vasadake go ogotona seko ia God i tarama nego Jesu. Basoero dena iriki vazaka kaega pata qaraqara piru ne ba beku na go. Iriki taru ze kaega lala ia pata piru ne rae qira ba karisi qira. Ṉalu nae iri too napu me tepa le mana iri lama batu lavata tavise Kristo torana kameka mao masirani.