Revaleson 13:10 - Vato Vari Vakameka Voru Ia Batu Ne

¹⁰ Basoe iri pala vaseka go ne, tina ko basoe seka to, basoe i tavine nego tina le ne pegi loda, tarina vae vale ze to pegi loda. Ṉalu pataro dena tina doka, ramu basoero ia God muna ko vanadu eso vaogoto ramu de ikoego God.”

Revaleson 13:10 ပူးပေါင်းရင်းမြစ်များ

Matiu 26:52

Do Jesu i sine ne ia, “Roku vaule pegi loda aro nae, tanego ka basoe i vazazua pegi loda, tarina vae vale napu ze so pegi loda.

Matiu 7:2

Tanego pataro qamu toere qirae basoero ne, God tina toere napu qamue ramu mana avana ka vatovato qamu zazune ze ramu dekoe basoero ne, iato vatovato nae to God tina teke napu qamu ramu.

Luka 21:19

Degere vanadu, go tamuna vakavele tanuqamu.”

Kolosia 1:11

Remu qi pene God go mara va moqere qamu e, osina karaputa i reqe mego Karaputa mazala ro ia, go laborona zazu ramu tamuna mazala vasivala nena osina pata makuru ro loborona nanao velaka ramu.

Iburu 6:12

Remu qiki soko kaega ramu tamuna muaka, do muna gere qira vano iri vaogoto go mana iriki pela ne go kaega piri, mana loborona to zuka dena iri pala ze go pata i pui bana nego God tina teke ne qira go.

Revaleson 1:9

Era Jon qa kaki kameka toga qamu ramu, qata vaogote go Jesu Kristo, qata pala taru vanadua go ia patavolomo iri va vokara qitae de ikoego too vari miasoka ia God. Iago era iri taruve kameka ṉugu suka vitoṉona Patmos, go tuna tarama vasadake seko ia God mana seko ogoto na Jesu Kristo.

Revaleson 11:18

Vano rodoko ne iri lete ṉiṉiri, tanego ṉalu muma raro i lama doka to. I ṉalu aro tono varitanae ne qira go vano le bana, mana i ṉalu na napu to tono teke ne qira sasarapa vano zazu aro, ria propeta ro mana osiqira vano iri vamazali go. Patavolomo vano i kone qira mazala mana vano ikaega ne qira ka mazala go. Ṉalu dena to i ṉalu raro to tono pero qira go vano iri pero go vudu pua ne!”

Revaleson 14:12

Sauna pataro dena ramu basoero ia God qamu lulua go tamana ro ia ne, mana qamu vaogote Jesu Kristo gogo ne, muna ko vanadue de ikoego ia osina ṉalu.

Revaleson 16:6

Iago, ria iri vae vale qira go propeta ro ne mana basoero aro gogo ne, aro qo va besi qirae to parasa, ianae i volina to pataro iri zazu nego!”

Revaleson 17:11

Pata qaraqara piru itoo bana go ne, ninidena iki too kaega, iato tina vazaluna go kavitu batu ro dena, do ṉalu nae tarina vae vale ogote too ia mana va kuziki ne too iago.

Revaleson 17:8

Pata qaraqara piru nae i too bana, do ninidena iki too kaega tiniki umata kaega tina za siporo me boluna ulana ne, mana ṉalu karaputa ia tina za lupo, ia tina za kaega napu so. Basoero iri koego vudu pua ne, do vitoṉo qira iki koe kaega buka na too tarakenaqana God i vazaria go vudu pua ne tarina lete poloso sasakata ṉalu tarina reṉa paqala ne go pata piru nae. Tanego i too bana do ninidena iki too kaega, do taramuzina ia tinara lama sadaka napu.

Revaleson 2:19

Era qa rove pataro qamu zazu ne go, mana qa rove qamu mamaligara ne qira basoero, mana qamu mamaligara nava era go. Qa rove qamu tavisi ne qira basoero ne mana ko vanadu ramu go. Qa rove, zazu ramu ninidena i lete sivala ne de igo bana me kokoso na ne go.

Revaleson 2:2

Era qa rove de igogo zazu ramu, mana qa rove de igogo zazu vokara ramu sauna karaputa ramu. Qa rove era tane qamuki soko qira kaega vano sakata. Mana qa rove era tane qamu padane qira vano iri apostoloro iri gogo, do taramuzina ramu qamu rove to, iri vano poqepoqe bana go.

Revaleson 3:10

Tanego ramu qamu lulua vari vatatana era mana qamu vanadue go, era tuna miasoka qamu ṉalu kaki makuru tina pada ne qira go basoero na vudu pua de.

Revaleson 3:3

Muna nanao tarua pataro iri vatatana qamue go, mana qamu gata go. Muna vaogote mana vana ne vatovato sakata ro ramu. Ba ṉalu qamuki dogara mego kaega, era tuna lamae deqamu koego gerena valeke sikosiko, mana ramu tamuniki rove kaega ṉalu era tuna doka qamu go.