Revaleson 12:9 - Vato Vari Vakameka Voru Ia Batu Ne

⁹ Gonae dole ratovo lavata ne mana aqelo ro ia ne, iri kakale vakuziki ne qira to. Dole ratovo dena to, iato i ko bana mego ṉalu bana ne, iato qata vitoṉo zego Satana, iato i poqe qira go basoero na vudu pua go iri vasakata pata go.

Revaleson 12:9 ပူးပေါင်းရင်းမြစ်များ

Matiu 13:39

Mana basoe vari kanae i leba go seuseu sakata ne, Satana. Ṉalu vuiti i ṉara go, iato ṉalu musaqara muzimuzi, mana vano tarina vaego urena vuiti ne ria to aqeloro ne.

Matiu 24:24

Tanego Mesia poqepoqe ro mana propeta poqepoqe ro tarina lama, mana tarina zazu ne topu na zazu mazalaro mana zazu vari vapoloso ro go, go tarina pada ne vosoru qirae basoero tavine ia God i vine bana qira go.

Matiu 25:41

Taramuzina tuna sine ne qira vano iri koego tepa gede qu, ‘God tina va kimata qamu, kasi nava era mana za koego nako iki rove go kaega le i vanama bana go God, ni keia Satana mana aqelo sakata ro iago.

Matiu 4:1

Spirit tabo i kenaqa ne Jesu i vazao ze de i kaega pata podopodo lavata naro, go Satana tina padane ia.

Matiu 4:10

Do Jesu i sine ne ia, “Kasi ne de qa koe go era, aro Satana! Tanego Buka tabo i sine, ‘Ono vabatua God Batu aro, mana ono osaka neso tanuna God.’ ”

Matiu 4:5

Satana go nae i lulu vazao ze Jesu Jerusalema komala tabo ne mana i za vadegere ze Jesu zakazaka sivala na padelotu ne mana i sine ne,

Matiu 4:8

Gonae Satana i lulu vazao napu ze Jesu kubolo i lete zakazaka sivala go. Satana iva mia ze Jesu osina kolabana pua mana pata velaka ro iri koego.

Luka 10:18

Jesu i vataule ne qira igo, “Era qa mia bana Satana i soru me rani ne, i gere kapi.

Luka 13:16

Do qole dena i podoe sinaqe ia Abra-am mana Satana i qolo ia manoga kazalu ave. Iago avigo i sakata lukase na mokoso ia ṉalu Sabat?”

Luka 22:3

Gonae Satana i kebae puṉu na Jiudas iri vitoṉo ze Iskariot, ia ikaki kameka ria manoga karua disipolo ro ne.

Luka 22:31

Jesu i sine ne qira, “Saimon, Saimon, ono gata! God iva mao Satana go tina pada ne qamu osiqamu, i taqia akena tane i degere vanadu go tina vota vakakavata ne velaka mana sakata, gere so valeke zazu barui i soso taru ne qiru go de velaka na vuiti, mana de sakata na go.

Luka 8:12

Keni sorue go zuka ne, ria to basoero iri gata go seko ia God do ṉalu i lama Satana, i lama pala vakuziki ne ze puṉuqira, go tariniki vaogoto mana za kavele go kaega.

Tarama Velaka Ia Jesu Kristo I Karo Go Jon 12:31

Torana to ṉalu dena, God ina zazu ne vivine ia dekoe kolabana pua dena, mana karaputa ia Satana ni kenaqa ne zego kolabana pua dena, tina vanaqe.

Tarama Velaka Ia Jesu Kristo I Karo Go Jon 14:30

I makuru ava tuna seko tabe vaumata qamu go, tanego Satana ni kenaqa nego vudu pua dena i za lama. I kaega ne karaputa de qa koego era,

Tarama Velaka Ia Jesu Kristo I Karo Go Jon 16:11

Mana iri kebue dego akena tina zazu ne ze vivine ia God, tanego God i zazu bana ze vivine ia de ikoego Satana ni kenaqa ne go kolabana pua dena.

Tarama Velaka Ia Jesu Kristo I Karo Go Jon 8:44

Vatovato qamu lulua go i gere so vatovato ia tamaqamu Satana, mana osina ṉalu qamu soko so zazu ne na pata i soko go ia. Zazu i zazu kenaqa ne Satana ne, vae vale na basoe, mana iki soko kaega pata ni ogoto go, tanego i kaega pata ogoto ikoego ia. Ṉalu ia i sine pata ni poqe go, i luluato pata i soko go, tanego i basoe poqepoqe mana i tamana to poqe ro go.

Zazu Ria Apostoloro 26:18

Aro tono papaqa mataqira mana vatabali vatotoloṉo qira, go tarina kasi ne rodoko mana lama e tatavata, mana mara ria kasi ne karaputa ia Satana, go mara ria lama e de ikoego God, go ṉalu tarina vaogoto ava go era, God tina nanao ule ne vasakata pata ro ria mana tarina tonovo napua de koko ni vanama bana go God tarina koego basoero ia ni vine bana go tanuna.’

Zazu Ria Apostoloro 5:3

Pita i sine ne ia, “Ananaisi, avigo tane qo vamalumu ne Satana ni lama kenaqa nigo, mana qo poqe nego Spirit tabo, tanego qo sotia go kakia ro kesa qo pala ze go patapata ro aro?

Leta Ia Pol I Karo Ne Qira Basoero Na Rom 16:18

tanego basoero iri gogo nae ne iriki zazu tavise kaega Batu ita Kristo. Do ria nae iri lulua so nanao sakata ro ria tanuqira. Iago iri zazu ne so seko vari vagasi ro mana poqe vale qira so basoero velaka iriki rove go kaega vatovato tatakiu ro iri zazu ne go ria nae.

Leta Ia Pol I Karo Ne Qira Basoero Na Rom 16:20

Tiniki umata kaega God na bule tina teke ne qamu karaputa go tamuna vaqoqore go Satana. Mana ia Batu ita Jesu Kristo tina kotavisi qamu.

Karua Korinti 11:14

Iago iki pata vari vanureke kaega, tanuna Satana i mazala so vamimia gere ze tanuna agelo na tatavata.

Karua Korinti 11:3

Do qa sareki ne pata i doka bana go Eva niki doka qamu ramu. Dole ne ilete tarove, ia i va soru ze vasakata pata Eva. Iago tina gere napua so, nanaoqamu ramu ṉalu tamuna za riro mana tamuniki nanao vamazale kaega Kristo go.

Karua Korinti 12:7

Do pata go tina va noto ava go era go tuniki poro nanao sivala go kaega sauna osina pata velaka ro qa mia go, God i teke nava era kaki pata i paqo vokara me loborona tokamaqu, i gere so kaki basoe zazu ia Satana i sima va era, go era, tuniki poro vazakanapu kaega.

Karua Korinti 2:11

Era qa zazu ne iadena, go Satana tina kaega ne karaputa de qata koego ita, tanego ita qata rove bana pata i vanama go Satana tina zazu ne.

Karua Korinti 4:4

Ria ne iriki vaogote kaega Tarama Velaka ne, tanego Satana, god sakata na kolabana pua de, i lete va kodo qira. Iriki miasoba kaega tatavata i damara poka qira go, tatavata dena i vazazao go Tarama Velaka na tatavata mazala ia Kristo, ia i gere napua so God.

Epesus 4:14

Iago, ita mata kasi gere qira salero iri teteṉe ne go za gata na vari vatatana poqepoqero iri gere go pupuakana masi i lama kiuru pero vanaqe go sokoro ne. Iago ita mata kasi lulu qira vano vari vatatana poqepoqe ro, iri soko go vazazao vasakata qitae pata tatakiu ro iri zazu ne go.

Karua Tesalonika 2:3

Muniki vamao ne qira basoero ne mara poqe qamu, tanego musaqara muzimuzi tiniki lama volomo kaega. Kenaqana ne basoero ne tarina varitarae de ikoego God, mana basoe iri vitoṉo ze, “Basoe vae tamana”, tina za lama kenaqa napu go. Basoe nae to, God tina lete vasakate go.

Kameka Timoti 2:14

Mana dole ne iki poqe kaega Adamo, do i poqe Eva, mana Eva to i vaego tamana ia God.

Karua Timoti 3:13

basoero sakata iri zazu tatakiu go, iri poqe taru qira basoero ne, mana tanuqira do tarina vaogoto napua seko poqe ro iri zazu ne go.

Iburu 2:14

Salero iri vane qira go ne, basoero i ko go manu mana parasa qira, Jesu tanuna i basoe napu so mana i podo napue so vudu pua go. I lama basoe, go le i vae go koluse ne, i vasakate Satana i kone go karaputa tepa ia le, karaputa i mazala go vae vale na basoe.

Kameka Pita 5:8

Muna ko vanamanama, mana miasoka va velaka qamu. Tanego kana ramu Satana i liqutu kolo qamu go mara vasakata qamu igo, i gere laioni ni lete muma i taqia basoe go mara kalakunu vatoo ne igo.

Kameka Jon 5:19

Ita qata rove qata basoero ia God, do basoero na vudu pua dena irikoe to polana karaputa ia Satana.

Judi 1:9

Aqelo Maekolo batu ria aqeloro ne do iki sine ne kaega Satana seko sakata ṉalu iru pera ne go pala na sinara na Mosese do ia i seko go so dena, “Batu ne so ṉara rovi go aro.”

Revaleson 12:12

Iago rani ne, mana osiqamu qamu koego rani ne go, muna kula vudu pua ne mana masi ne go. Tanego Satana i lama qoqoro me de qamu koego. I lete muma sasakata, tanego i rove, ṉalu ia i lete pusi.”

Revaleson 12:3

Kaki kameka pata vari vapoloso i sadaka napu me varioka ne. Kameka dole ratovo lavata sivala i mesara, i kavitu kuzukuku na mana i manoga kiso na go, kavitu kuzuku na iri nogoto topatopa lupo.

Revaleson 12:7

Gonae kana lavata i tupi me rani ne. Maekolo mana aqelo ro ia iri varitarae de ikoego dole ratavo ne, dole ratavo ne mana aqelo ro ia iri varitara ule napu go.

Revaleson 12:8

Do dole ratovo ne mana aqelo ro ia ne iri qoqoro, iago iriki vamao ne qira to kaega tarinara koego rani ne.

Revaleson 13:14

Mazala i vasadake go varuana pata qaraqara piru de, i vasadaka ze tarakenaqana pata piru kenaqa ne, mana i va bulaṉoi qira basoero na vudu pua go. I sine ne qira basoero ne mara zazu ne beku mana vagere ze tatalina pata piru kenaqa niri vae vale bana ze go peqi loda ne do i too ule napu me.

Revaleson 16:14

Kapisa manuru sakata dena, iri lete sakata sivala, iri zazu ne pata vari vapoloso. Kapisa manuru sakata dena, iri zae de iri koego batu lavata na vudu pua, iri za teṉo qira go tarina varitarae de ikoego God Batu ni lete moqere sivala nego musaqara muzimuzi.

Revaleson 18:2

I seko vakaraputa me, igo dena, “Komala lavata Babiloni i tapero mana i sakata lupo to. Ninidena manuru sakataro, mana pale sakata ro to iri va komalae go.

Revaleson 18:23

Kaega kaki tatavatana pazi tinara mia zego nae, kaega ka valeke mana qole tiruna busi ego nae. De bana neto vano iri zazu nego volivoli ro nae, ria to iri mazala mana karaputa ego kolabana pua ne, mana zazu tatakiu ro aro nae, iato qo poqe qirae go basoero na vudu pua ne.”

Revaleson 19:20

Valeke i age go ose ne i pala pata qaraqara piru ne mana propeta poqepoqe ne mana i qolo vanadu qiru go. Propeta poqepoqe dena i zazu neze pata vari vapoloso ro tarakenaqana pata piru ne. Sauna to zazu vari vapoloso ro nae, iva qoqo qirae go basoero iri pala go lala ia mana iri vazaka go beku na go. Pata piru ne mana propeta poqepoqe ne iru vana va too too qiru aqe nako i poto sadaka mego loborona pua ne.

Revaleson 2:13

Era qa rove, ramu qamu koe loborona vari miasoka ia Satana, do ramu, qamu ara pala taru vanadua so vitoṉoqu era, mana qamuki vana ne kaega vaogoto ramu de qa koego era go, patavolomo iri vae vale go Antipasi vasadake go too mana vatovato velaka ia, tanego i vaogoto ava era.

Revaleson 2:24

Do osiqamu vano qamu koego komala Taetira qamuki lulua go kaega vari vatatana sakata dena mana qamuki nanao rove kaega pata iri vitoṉo ze go ‘seko pipika ia Satana’. Era tuniki tekene qamu kaega kaki pata makuru.

Revaleson 2:9

Era qa rove napua qamu ramu soba makuru mana qamu situ go, do qamu vavagado napu so. Qa rove basoero iri seko vasakata qamu go nae ne, iriki vano Jiu ogoto kaega, basoero nae ne iri vano zazu ia so Satana.

Revaleson 20:10

Gonae Satana ni vaqoqo qira go basoero ne, iri vanaqe zaqe bolu na nako i poto sadaka mego loborona pua ne, de igogo to iri vanaqe bana qiru aqe go pata qaraqara piru mana propeta poqepoqe ne, de go tarina vokara kuse mana musaqara mana tiniki rove kaega lupo go.

Revaleson 20:8

Ia tina za mana vaqoqo qira basoero na kolabana pua ne, iri vitoṉo qirae go sinaqe na Gog mana Megog. Satana ne tina pala qoqoṉo qira basoero de mana tarina varitarae de ikoego God. Basoero ia Satana ne tarina gere topuna karikoni ne.

Revaleson 3:9

Muna gata! Tautau iri vazaka go Satana nae, iri go iri vano Jiu, do iki ogoto kaega, iri poqe so, era tuna va rabatavakapata qirae make qamu ramu, ṉalu nae tarinara mia rove era qa lete mamaligara ne qamu ramu.

Revaleson 9:1

Gonae valima na aqelo ne i puqo kuvili ia. Ṉalu qa reṉa qa mia zaqe kameka domiri, i kasi ne rani ne i soru me vudu pua. Domiri dena iri teke ne ia kii na bolu na uṉaṉa ne.

Revaleson 9:20

Ria iri ko sivala ego vudu pua ne, iriki le ne kaega pata makuru ro dena ne, iriki mamanava so kaega vazaka na pataro iri zazu nego tanuqira, iri vazaka manuru sakata ro, beku ro iri zazu neze qolu, siliva, boronizi, ipaka, mana moki go tanego beku ro dena iriki mimia kaega, iriki gata pata kaega mana iriki zaza kaega go.