Revaleson 12:17 - Vato Vari Vakameka Voru Ia Batu Ne

¹⁷ Gonae dole ratovo ne i lete muma sasakata ne qole ne, mana i za varitarae de iri koego ria sinaqe ia qole ne. Ria basoero nae to, ria to vano iri vaogote go seko tamana ro ia God, mana iri ruqe go seko ogoto i vasadake go Jesu Kristo.

Revaleson 12:17 ပူးပေါင်းရင်းမြစ်များ

Matiu 28:20

Vatatana qira, go tarina vaogote mana lulua osina ro pata qa sine bana ne qamu go. Mana era tuna ko tavisi qamu osina ṉalu, go tina za doka so ṉalu kolabana pua dena tina za lupo.”

Tarama Velaka Ia Jesu Kristo I Karo Go Jon 8:44

Vatovato qamu lulua go i gere so vatovato ia tamaqamu Satana, mana osina ṉalu qamu soko so zazu ne na pata i soko go ia. Zazu i zazu kenaqa ne Satana ne, vae vale na basoe, mana iki soko kaega pata ni ogoto go, tanego i kaega pata ogoto ikoego ia. Ṉalu ia i sine pata ni poqe go, i luluato pata i soko go, tanego i basoe poqepoqe mana i tamana to poqe ro go.

Kameka Korinti 2:1

Vakitaka ro era, ṉalu qa lama ego de qamu koego ramu go tuna sine vasadake go ogoto ia God ni ko pupuika go, era qaki vazazua kaega seko lavata ro ba tarove lavata ro.

Kameka Pita 5:8

Muna ko vanamanama, mana miasoka va velaka qamu. Tanego kana ramu Satana i liqutu kolo qamu go mara vasakata qamu igo, i gere laioni ni lete muma i taqia basoe go mara kalakunu vatoo ne igo.

Kameka Jon 2:3

Ṉalu kakia basoe igo, era qarove velake God igo do iki lulua go kaega Tamana igogo ne, basoe nae i poqe mana i kaega ne so ka seko ogoto de ikoego.

Kameka Jon 5:10

Iago basoe i vaogote go Tuna God i nanao vamazale ia tane seko ro ia God ikoego loborona puṉuna. Do basoe iki vaogote go kaega God, iva poqe seko ia God ni sine go sauna sale ia ne. Iago basoe igogo nae ivagere ze so God basoe poqepoqe.

Kameka Jon 5:2

Ṉalu ita qata mamaligara ne God, mana lulua tamana ro ia gogo ne, ita qata rove qata mamaligara ne salero ia.

Revaleson 1:2

Iago Jon i karo to osina pataro i mia go. Iato dena pataro i reqe mego seko ia God, i seko ogoto reqe mego Jesu Kristo.

Revaleson 1:9

Era Jon qa kaki kameka toga qamu ramu, qata vaogote go Jesu Kristo, qata pala taru vanadua go ia patavolomo iri va vokara qitae de ikoego too vari miasoka ia God. Iago era iri taruve kameka ṉugu suka vitoṉona Patmos, go tuna tarama vasadake seko ia God mana seko ogoto na Jesu Kristo.

Revaleson 11:7

Ṉalu tiruna valupo to tarama nena seko ia God, pata piru lavata, i sipore boluna ulana ne tina lama vari tarae de iru koego. Ia tina vaqoqoro qiru mana vae vale qiru go.

Revaleson 12:16

Do pua ne i tavisi ne qole ne, i papaqa mana i zazu ne kameka bolu lavata sivala, iago osina to besi i lua ne go dole ratovo ne i qoqoro lupo za so bolu lavata nae.

Revaleson 13:7

Iago, i malumu napu neso ia varitarae na de iri koego basoe ro ia God, mana ivaqoqoro qira go. Ia i pala napua karaputa go tina kenaqa ne qira go osina ro sinaqe mana osina ro vudu mana soso adoado na vano basoe go.

Revaleson 14:12

Sauna pataro dena ramu basoero ia God qamu lulua go tamana ro ia ne, mana qamu vaogote Jesu Kristo gogo ne, muna ko vanadue de ikoego ia osina ṉalu.

Revaleson 17:14

go tarina varitarae de ikoego Tunana Sipi ne iri go. Do Tunana Sipi ne mana basoero ia tarina vaqoqoro qira batu ro dena, tanego Tunana Sipi ne i batu sivala ne qira osiqira batu ro, mana i batu lavata sivala ne qira batu lavata ro. Tunana Sipi ne i koru bana qira basoero ia mana iri vanadue de ikoego iago.”

Revaleson 17:6

Mana qa reṉa ne qole ne i ge loka bulaṉoe ne, tanego i ge parasa qira basoero ia God, mana parasa qira basoero iri lulua go Jesu. Qa lete poloso sasakata, ṉalu qa reṉa nego ia igogo.

Revaleson 18:20

Kula, ramu vano na rani ne mana basoero ia God, apostoloro mana propetaro ne tanego God i pero vanaqe komala lavata Babiloni! God i vasakate komala dena, tanego i sauna to pataro izazu bana qamue go ramu.

Revaleson 19:10

Era qa koloku tutuṉu mana qa vabatua aqelo ne, do i sine nava, “Oniki vabatu ava era, tanego era qa basoe zazu gere go so aro, mana ria turamu ro iri pala taru vanadua go seko ogoto ni vasadake go Jesu. Iago ono vabatua so God.” Tanego seko ogoto i vasadake go Jesu, iato nae karaputa i tavisi ne qira go propetaro ne.

Revaleson 19:19

Gonae qa mia napu zaqe pata qaraqara piru ne mana vano batu lavata na vudu pua ne mana degara varitara ro ria go, iri vanama ne za varitara ena de ikoego valeke i age go ose kakasa ne mana degara iago.

Revaleson 20:4

Qa mia napua kakiaro de kolokoloku ro ia batu ne. Ria iri kolokue go ne, ria to iri pala go karaputa go tarina varitanae ne qira go basoero ne. Qa mia napua madau qira vano iri kodaka bana go kuzuku qira, tanego iri sine vasadake go ogotona seko ia God i tarama nego Jesu. Basoero dena iriki vazaka kaega pata qaraqara piru ne ba beku na go. Iriki taru ze kaega lala ia pata piru ne rae qira ba karisi qira. Ṉalu nae iri too napu me tepa le mana iri lama batu lavata tavise Kristo torana kameka mao masirani.

Revaleson 22:14

Kula sivala ria vano iri saboro vadalo go roku ria. Tanego ria nae tarina ge go urena moki na too mana tarina za kebae go siporaṉa na komala lavata ne.

Revaleson 6:9

Gonae Tunana Sipi ne i kaqolo vakuziki napua vivolona pepa ne. Ṉalu qa reṉa ne zaqe qa mia polana sara ne, mana qa mia madau qira vano iri vae vale bana qira go, tanego ria dena to iri vaogote mana tarama ne seko ia God.