Revaleson 11:9 - Vato Vari Vakameka Voru Ia Batu Ne

⁹ Torana kapisa mana takabana musaqara basoero na vuduvudu ro, soso sinaqe ro mana vano soso seko ro go, tarina mia tokama qiru, do iriki vamao kaega tarina vou qiru.

Revaleson 11:9 ပူးပေါင်းရင်းမြစ်များ

Matiu 7:2

Tanego pataro qamu toere qirae basoero ne, God tina toere napu qamue ramu mana avana ka vatovato qamu zazune ze ramu dekoe basoero ne, iato vatovato nae to God tina teke napu qamu ramu.

Revaleson 10:11

Iri sine nava, iri go, “Ono sine vasadake seko ro dena, i seko ia God sau qira basoero na vuduvudu ro, soso sinaqe ro, soso sekoro mana batu lavata ro go.”

Revaleson 11:11

Taramuzina kapisa mana takabana musaqara dena, marapuga na too i teke ne qiru go God, i vatoo napu qiru, iru degere mana iru zaza, osiqira basoero iri mia qiru go, iri lete sareki sivala.

Revaleson 13:7

Iago, i malumu napu neso ia varitarae na de iri koego basoe ro ia God, mana ivaqoqoro qira go. Ia i pala napua karaputa go tina kenaqa ne qira go osina ro sinaqe mana osina ro vudu mana soso adoado na vano basoe go.

Revaleson 17:15

Aqelo ne i sine nava, igo de, “Besi ro qo mia go ni kolokue go qole vari vagabu ne, ria to basoero na vuduvudu ro, osina sinaqe na basoe, osina tatalina basoe mana soso seko na vudu pua go.

Revaleson 5:8

Torana i za pala go vivolo pepa ne Tunana Sipi ne, kavasi pata qaraqara too ne mana karabete kavasi kazigatata ro ne, iri soru kapate tarakenaqana Tunana Sipi ne. Osiqira iri vabatua ia mana iri pala pata nakinaki ro ria mana iri pala tarua ebata qolu ro iri vapuraka ze insenisi, ia dena i sauna to pepene ro ria basoero ia God.

Revaleson 5:9

Iri vae kera voru, iri go, “Aro bana so i tora go tono pala go pepa vivolo nae, mana papaqana de iri varoroto vanadua go. Tanego iri vae vale bana go, le aro ne i gere tavatavara i bauru ne basoero ia God iri reqe me osina ro sinaqe ro, soso seko ro, soso vudu ro, mana soso tatalina basoero go.