Revaleson 11:8 - Vato Vari Vakameka Voru Ia Batu Ne

⁸ Mana sinara na tokama qiru tina kekele loboro zuka na komala lavata Jerusalema, de go i vae vale bana ze koluse ne Batu riru; vitona iri vapada ze komala lavata nae ne Sodom, ba Izipito.

Revaleson 11:8 ပူးပေါင်းရင်းမြစ်များ

Matiu 10:15

Masine ne qamu pata ogoto, ṉalu na musaqara varitanae ia God, kimata tarina pala go basoero na komala nae tina sivala ne kimata ria vano na komala Sodom mana Qomora.”

Zazu Ria Apostoloro 9:4

Ia i sorue pua ne, mana i gata kameka ovaṉa igo dena, “Sol, Sol, avigo tane qo lete vasasakata nava go era?”

Iburu 13:12

Gerena napu so, Jesu i le taramuzina komala lavata ne, go tina vadalo qirae basoero ne parasana tanuna.

Iburu 6:6

Mana iri tabali kakamu ne vaogoto ria de ikoego Kristo. I makuru kaki basoe tina tavisi ne qira, go tarina nanao ule napu go, tanego igere iri paqi paqi napu ze koluse ne Tuna God mana iri va agava ze ia tarakenaqa qira basoero topu.

Karua Pita 2:6

God i tulaṉa ze nako komala Sodom mana Qomora, go nae isubi lupo qira nako ne. I zazu ne pata dena va padapada na to pata tina sadaka qira go basoero iriki vaogote go kaega ia.

Judi 1:7

Muna nanao napu zaqe karua komala dena, Sodom mana Qomora mana komala ro iri ko garogaro qiru go. Vano iri koe go iri gere napu qira so aqelo ro dena, iri vari vagabu, mana taunata go, iago vokara ria to nako lavata iki rove go kaega za le. Iato nae to vari va bana bana titita mata nanao tarua go.

Revaleson 11:13

Torana so nae kameka nunu lavata sivala i vizua pua ne, mana va manoga tokoboro na komala lavata ne i tapero, mana vitumao basoero iri le. Do ria iriki le go kaega, iri lete sareki, iago iri vazaka vitoṉona God ikoego rani ne.

Revaleson 11:9

Torana kapisa mana takabana musaqara basoero na vuduvudu ro, soso sinaqe ro mana vano soso seko ro go, tarina mia tokama qiru, do iriki vamao kaega tarina vou qiru.

Revaleson 14:20

Gonae iri kube naqili ze de iri puqopuqo zego vaini ne rikisina komala lavata ne, mana parasa i sipore go de puqopuqo vaini ne i kiale za torana pisaṉaulu kiiomita loda na mana karua mita muqa na go.

Revaleson 14:8

Varuana aqelo ne i za muzi napu ne me aqelo kenaqa ne, mana i koru me igo, “Komala lavata Babiloni, i tapero mana i sakata lupo go. Tanego i va ge bana qirae basoero ne loka karaputa sakata na varivagabu.”

Revaleson 16:19

Komala lavata ne i kapisa tavota, mana komala suka ro na rudu pua iri tapero lupo. God iki nanao kasupe ne kaega komala lavata Babiloni, do i vage ze ia loka na vaini ikoego muma lavata ia God.

Revaleson 17:1

Gonae kaki kameka ria kavitu aqelo ro iri pala go vavituna ebata ne, i lamae de qa koego era, igo dena, “Lama go ma va mia zigo era kimata tuna teke go era komala lavata igere go qole vari va gabu iri vadegere ze go rikisina na topuna uguru ro.

Revaleson 17:18

Mana qole qo mia go ne, iato i komala lavata i batu lavata sivala ne qira osiqira batu lavata ro mana kolabana pua go.”

Revaleson 17:5

Rae na ne i karoe vitoṉona, do talupasana i ko pipika, talupasana igo dena, “Komala lavata Babiloni i sinaqira go osina too varivagabu mana vatovato sakataro go.”

Revaleson 18:10

Iri degere valaqalaqa me so, tanego iri sareki ne vokara i pala go ia, mana iri go dena, “Ke Babiloni, ono miasoka! Aro komala lavata go lete karaputa go, do loborona so kameka aoa qo pala to kimata aro!”

Revaleson 18:18

Ṉalu iri mia zaqe kauku na nako, i subia go komala lavata ne, tarina dae mana go dena, “Kaega to kaki komala i gere go komala lavata dena!”

Revaleson 18:2

I seko vakaraputa me, igo dena, “Komala lavata Babiloni i tapero mana i sakata lupo to. Ninidena manuru sakataro, mana pale sakata ro to iri va komalae go.

Revaleson 18:21

Gonae kameka aqelo mazala i soqe kameka ipaka kokodokulu lavata mana i vana aqe loka kuri ne, mana igo dena, “Tina goto dena vanaqe tarina vae nigo aro, komala lavata Babiloni, mana tiniki ara miasoba goto kaega go.

Revaleson 18:24

Iago kimata nae i pala go aro Babiloni, tanego i sauna parasa qira vano propeta ro ne mana basoero ia God iri soba ze go komala lavata ne, ove to, parasa qira basoero iri vae vale qirae go vudu pua ne.