Revaleson 11:7 - Vato Vari Vakameka Voru Ia Batu Ne

⁷ Ṉalu tiruna valupo to tarama nena seko ia God, pata piru lavata, i sipore boluna ulana ne tina lama vari tarae de iru koego. Ia tina vaqoqoro qiru mana vae vale qiru go.

Revaleson 11:7 ပူးပေါင်းရင်းမြစ်များ

Luka 13:32

Jesu iva taule ne qira igo, “Muna za sine ne sika piru nae, ‘Era tuna kakale qira manuru sakata ro mana vole qira basoero, ninidena bakubaku, mana vapisana musaqara so tunara valupo go zazu era muna za sine ne.’

Luka 8:31

Manuru ro ne iri pene va moqere Jesu go mara kasi vana qira qe nako lavata ne.

Tarama Velaka Ia Jesu Kristo I Karo Go Jon 17:4

Era qa vasadaka bana ze karaputa mazala aro, kolabana pua dena, mana zazu qo teke nava go, era qa valupo to.

Tarama Velaka Ia Jesu Kristo I Karo Go Jon 19:30

Ṉalu Jesu i besi lupo vino pani dena, igo dena, “Era qa va lupo to zazu dena.” Goto nae i tudu mana i le go.

Zazu Ria Apostoloro 20:24

Do era qa nanao rove, too era i patavolomo so, era qa soko so vavotona zazu ni turi nave Batu ita Jesu ni teke nava, go tuna zazu ne, zazu igogo ne, era tuna vatatavata go Tarama Velaka na dego velaka ia God.

Karua Timoti 4:7

Qa lete pada ne teteṉe vavelake na vari vose dena. Pasi dena qa dokae to valupolupo na de vari vose ne, mana qara pala taru vanadua so vaogoto era go.

Revaleson 11:3

Torana kameka mao karua vasa onomoṉaulu musaqara nae, era tuna turi ne qiru karua basoe era, tiruna va keba ne poga mode, mana tiruna tarama vasadaka seko ia God.”

Revaleson 12:17

Gonae dole ratovo ne i lete muma sasakata ne qole ne, mana i za varitarae de iri koego ria sinaqe ia qole ne. Ria basoero nae to, ria to vano iri vaogote go seko tamana ro ia God, mana iri ruqe go seko ogoto i vasadake go Jesu Kristo.

Revaleson 13:11

Gonae qa reṉa napu ne kaki kameka pata piru iza sadaka me pua ne. Karua kiso na i gere kiso na sipi suka ne, mana i gere sekoseko na ratovo ne.

Revaleson 13:7

Iago, i malumu napu neso ia varitarae na de iri koego basoe ro ia God, mana ivaqoqoro qira go. Ia i pala napua karaputa go tina kenaqa ne qira go osina ro sinaqe mana osina ro vudu mana soso adoado na vano basoe go.