Revaleson 11:19 - Vato Vari Vakameka Voru Ia Batu Ne

¹⁹ Gonae pade tabo ia God ikoego rani ne i papaqa mana dolo i koego seko vari toqe voru ia God i sadaka me loborona pade tabo nae. Torana so nae kameka naki lavata i lama, gonae kapi i tatavata me, pakala i poto mana kameka nunu i vizua pua ne, mana ipaka na aisi ne i tazele me.

Revaleson 11:19 ပူးပေါင်းရင်းမြစ်များ

Revaleson 11:13

Torana so nae kameka nunu lavata sivala i vizua pua ne, mana va manoga tokoboro na komala lavata ne i tapero, mana vitumao basoero iri le. Do ria iriki le go kaega, iri lete sareki, iago iri vazaka vitoṉona God ikoego rani ne.

Revaleson 11:15

Vavituna aqelo ne i puqo kuvili ia, mana qa gata ovaṉa lavata i naki me tepa rani ne, iri go, “Karaputa tina kenaqa ne ze go kolabana pua ne i ke iato Batu God ita mana Mesia iago, mana iato tina kenaqa go osina ṉalu topuro ne!”

Revaleson 12:1

Gonae kameka pata vari vapoloso lavata sivala, i sadaka me varioka ne, kameka qole kazigarata dena, saṉa i damare go ia ne, igere baribari ia, mana inaqa ne i kube poka ze makena. Manoga karua domiri iri ko kolokolo e kuzukuna ne, i gerena topatopa ia ne.

Revaleson 16:1

Gonae qa qata zaqe kaki naki lavata i reqe me loborona pade lotu ne, i seko tabe qira aqelo ro ne, i vane qira dena, “Pala kavitu ebata ikoego muna ia God dena mana za zele ze vudu pua go!”

Revaleson 16:18

Torana so nae qumara lavata i naki, kapi i tatavata mana pakala i soru. Kameka nunu lavata i vizua pua ne. Pasi god i vazaria go basoe mana i taru zego vudu pua, i kaega to kaki nunu i gere go nunu lavata igogo ne.

Revaleson 16:21

Tapasina ipaka lavata na aisi i soru me rani ne, maqatana ne i torana neqo kilo, i vae qira basoero ne. Gonae basoero ne iri tulaṉa ne God, tanego pata vari vakimata dena, i lete sakata sivala.

Revaleson 19:11

Gonae qa reṉa ne rani ne i papaqa, mana qa mia kameka ose kakasa. Basoe i age go iri vitoṉo ze, “Vanadue de ikoego God mana i vaogoto go,” varitanae ia mana varitara ia gogo ne i totoloṉo lupo so.

Revaleson 4:1

Taranumna pataro dena, qa mia napua siporaṉa na rani ne i papaqa. Mana ovaṉa i gere go naki na koqo i seko tabe banava go, igo de, “Lamae zakazaka dena go ma vamia zigoe pataro tinara lama sadaka napu go.”

Revaleson 4:5

De kolokoloku ia batu ne, i za reqe me tatavatana ro kapi. Nae ne qa gata zaqe qumara na ro pakala i sorue go. Tarakenaqana de kolokoloku ia batu ne, i kamue kavitu pazi, ria nae kavitu Spirit velaka ia God.

Revaleson 7:15

Iato go iri degere go tarakenaqana de kolokoloku batubatu ia God mana vazaka ia kuse mana musaqara loborona pade tabo ia. Ia i koloku ego de kolokoloku batubatu ia tina miasoka mana ko tavisi qira go.

Revaleson 8:5

Goto nae aqelo ne i pala nako na sara ne, mana i vapuraka zaqe insenisi ne mana i vana zaqe kolabana pua ne. Pasi nae i qumara me, i kapi, pakala i poto mana kameka nunu lavata i vizua vudu pua ne.

Revaleson 8:7

Aqelo kenaqa ne i puqoto kuvili ia, gonae aisi mana nako i lomire go parasa i tazele me vudu pua igere nare ne. Mana takoboro na vudu pua ne, i subi palua to takoborona moki ro, mana osina to seuseu kurikuri iri koego.