Revaleson 1:9 - Vato Vari Vakameka Voru Ia Batu Ne

⁹ Era Jon qa kaki kameka toga qamu ramu, qata vaogote go Jesu Kristo, qata pala taru vanadua go ia patavolomo iri va vokara qitae de ikoego too vari miasoka ia God. Iago era iri taruve kameka ṉugu suka vitoṉona Patmos, go tuna tarama vasadake seko ia God mana seko ogoto na Jesu Kristo.

Revaleson 1:9 ပူးပေါင်းရင်းမြစ်များ

Matiu 20:23

Jesu i sine ne qiru, “Pata ogoto raburu taburu na besi napua so kapu era. Do vine na kaki tina koloku e go tepa matauqu ba tepa gede qu gogo ne, iki era kaega tuna vine go. Mamae so tina teke ne qira de koko igogo ne, de iri koego basoero ivine bana qira tanuna.”

Maka 10:39

Riru iru go, “Ove qaru mazala so.” Jesu vane qiru dena, “Pata ogoto sivala to raburu taburu na pala go vokara igere go vokara rera, mana bapitemae zuka na le tuna pala go era.

Tarama Velaka Ia Jesu Kristo I Karo Go Jon 16:33

Qa sine ne qamu pataro dena, go tamuna ko vanadue de qa koego era ko tamuna vae go kolabana pua dena, ramu tamuna soba topuna makuru. Do muna karaputa! Tanego era qa va qoqoro bana karaputa na kolabana pua dena!”

Zazu Ria Apostoloro 1:15

I sivala kavia musaqara vano iri vaogote go Jesu iri teṉo go, torana kameka vasa karabete ria, mana Pita i degere i seko.

Zazu Ria Apostoloro 14:22

Iru seko vakaraputa qira basoero iri vaogoto go mana iru seko vatalasara qira, go mara ria vanadua vaogoto ria, iru va rove qira e basoero ne, “Ita tatana soba topu na makuru, go tatana ra keba za go de i koe go vari miasoka ia God.”

Leta Ia Pol I Karo Ne Qira Basoero Na Rom 8:17

Ita qata salero ia God, iago ita tatana toṉove go pataro i toṉove go God ni soti ne qita go ita basoero ia, go tina vamakaolo qita, mana ita napu tatana soti tavisi ze Kristo pataro ni soti bana go ia. Tanego ṉalu ita qata pala tavise go vokara ro ia Kristo, ita napu tatana tonovo tavise kulakula na rani ne.

Leta Ia Pol I Karo Ne Qira Basoero Na Rom 8:25

Do ruruqe ogoto nae i reqeme pata qatiki mia go kaega. Iato nae gogo qata ko piri vanadu ne go so ita.

Karua Korinti 1:7

Qi rove ramu qamu pala tavise vokara ro qi pala go remu, mana qamu pala tavisi napu so vari vatatavisi qi pala go remu, iago nanao qemu remu deqamu koego ramu iara nadu so.

Pilipae 1:7

Ramu qamu ko tarue so puṉuqu era osina ṉalu, iago itora era ma nanao vane qamu ramu dena. Tanego ramu to qamu tavisi navae go era zazu mazala dena i teke nava go God, patavolomo ninidena qa koego bara dena mana ṉalu qa ko talupasa bana go, era qa degere ne tarama velaka dena go tina sadakae de iri koego basoero sauna vanadu na vaogoto ria.

Pilipae 4:14

Do i lete velaka sivala, ramu tamuna tavisi nava era, loborona makuru ro era.

Karua Tesalonika 3:5

Go Batu ne mara kenaqa ne qamue rove velaka na mamaligara ia God, mana pala taru vanadu ramu sauna karaputa ia Kristo go.

Karua Timoti 1:8

Oniki agava ne tarama ne Tarama Velaka ne, ba agava nava era qa koego bara ne tanego i sauna Kristo. Do aro ne, ono pala tavise vokara sauna vasadake na Iarama Velaka ne, tanego God i teke bana nigo karaputa go tono zazu ne go.

Iburu 10:36

Ramu muna degere vanadu taru so, go tamuna zazu nego pataro i soko go God, go tamuna toṉove go pata i pui bana nego God.

Kameka Pita 5:1

Era qa kakia batu lotu, mana qa mia ṉalu Kristo i pala go vokara. Iago era do tuna pala karaputa mazala ia Jesu Kristo ṉalu tina za ule mego. Iago qa pene va karaputa qamu vano batu lotu,

Revaleson 1:1

Zazaona buka dena, i vasadaka me pataro iri kokopika bana me go, do Jesu Kristo i vasadaka me. God i teke ne Jesu Kristo go tina vamia qirae basoero iri zazu nego ia, sauna pataro tiniki umata kaega tina lama doka go. Iago Kristo iturine me aqelo iago tina vamia ze Jon, valeke zazu ia.

Revaleson 1:2

Iago Jon i karo to osina pataro i mia go. Iato dena pataro i reqe mego seko ia God, i seko ogoto reqe mego Jesu Kristo.

Revaleson 1:4

Era qa Karo ne qamu ramu kavitu eklesia qamu koego kena Esia. Pepene era, qa pene Mana ia Batu ne, mana bule ia mara ko tavisi qamu ramu, tina za reqeme de ikoego God, i ko bana, i ko ninidena mana tinara lama napu go. Mana ia Batu ne mana bule dena i reqe napu meso kavitu spirit velaka iri koego tarakenaqana de koloku batubatu ia God.

Revaleson 1:6

Ia i lama batu lavata ne qita mana i teke ne qita zazu patere go tatana osaka ne God tamana. Iago ita mata vazaka Jesu Kristo ikoego osina karaputa mana menomeno, osina ṉalu topu ro ne. Amen.

Revaleson 11:7

Ṉalu tiruna valupo to tarama nena seko ia God, pata piru lavata, i sipore boluna ulana ne tina lama vari tarae de iru koego. Ia tina vaqoqoro qiru mana vae vale qiru go.

Revaleson 12:11

Do ria turaqita ro ne iri vapela ze ia karaputa na parasana Sipi ne, mana karaputa na seko ia iri vasadake go. Iri toqe ne soso na too ria, mana iriki sareki ne kaega le go.

Revaleson 12:17

Gonae dole ratovo ne i lete muma sasakata ne qole ne, mana i za varitarae de iri koego ria sinaqe ia qole ne. Ria basoero nae to, ria to vano iri vaogote go seko tamana ro ia God, mana iri ruqe go seko ogoto i vasadake go Jesu Kristo.

Revaleson 13:10

Basoe iri pala vaseka go ne, tina ko basoe seka to, basoe i tavine nego tina le ne pegi loda, tarina vae vale ze to pegi loda. Ṉalu pataro dena tina doka, ramu basoero ia God muna ko vanadu eso vaogoto ramu de ikoego God.”

Revaleson 14:12

Sauna pataro dena ramu basoero ia God qamu lulua go tamana ro ia ne, mana qamu vaogote Jesu Kristo gogo ne, muna ko vanadue de ikoego ia osina ṉalu.

Revaleson 19:10

Era qa koloku tutuṉu mana qa vabatua aqelo ne, do i sine nava, “Oniki vabatu ava era, tanego era qa basoe zazu gere go so aro, mana ria turamu ro iri pala taru vanadua go seko ogoto ni vasadake go Jesu. Iago ono vabatua so God.” Tanego seko ogoto i vasadake go Jesu, iato nae karaputa i tavisi ne qira go propetaro ne.

Revaleson 20:4

Qa mia napua kakiaro de kolokoloku ro ia batu ne. Ria iri kolokue go ne, ria to iri pala go karaputa go tarina varitanae ne qira go basoero ne. Qa mia napua madau qira vano iri kodaka bana go kuzuku qira, tanego iri sine vasadake go ogotona seko ia God i tarama nego Jesu. Basoero dena iriki vazaka kaega pata qaraqara piru ne ba beku na go. Iriki taru ze kaega lala ia pata piru ne rae qira ba karisi qira. Ṉalu nae iri too napu me tepa le mana iri lama batu lavata tavise Kristo torana kameka mao masirani.

Revaleson 3:10

Tanego ramu qamu lulua vari vatatana era mana qamu vanadue go, era tuna miasoka qamu ṉalu kaki makuru tina pada ne qira go basoero na vudu pua de.

Revaleson 6:9

Gonae Tunana Sipi ne i kaqolo vakuziki napua vivolona pepa ne. Ṉalu qa reṉa ne zaqe qa mia polana sara ne, mana qa mia madau qira vano iri vae vale bana qira go, tanego ria dena to iri vaogote mana tarama ne seko ia God.

Revaleson 7:14

Era qa go, “Qaki rove kaega, kadigo aro tane qo rove go”. Gonae i sine nava igo, “Basoero dena to iri vasivala ne go makuru lavata iri zazu ne qira e go. Iago ninidena iri lama saboro vadalo roku ria mana iri vakakasa ze parasana tunana sipi ne.