Revaleson 1:7 - Vato Vari Vakameka Voru Ia Batu Ne

⁷ Muna rove Jesu tina za reqe me popokona toba ro ne. Osina basoero mana ria iri paqo bana go ia, do, tarina reṉa napu neso, osiqira basoero iri koego kolabana pua ne, tarina maqata mana dae va lavata sivala, ṉalu tarina reṉa paqale ia. Iato nae de tina za gogo.

Revaleson 1:7 ပူးပေါင်းရင်းမြစ်များ

Matiu 16:27

Tanego era Tuna basoe tuna ule me loborona karaputa mazala ia Mamae mana ria aqeloro iago, ṉalu nae tuna voli qira basoero ne lulua so pataro iri zazu ne go.

Matiu 16:28

Ma sine ne qamu pata ogoto, kakiaro ria iri kogo dena, tariniki le kaega go na doka go ṉalu tarina miava era Tuna basoe na lama Batu lavata go.”

Matiu 24:30

Torana to nae, lala i vasadake go lama qu era Tuna basoe tina sadake toba ne, mana osiqira basoero na kolabana pua ne, tarina dae va lavata ṉalu tarina miava era Tuna basoe tuna goe mego toba ro ne mana lulu me moqere mana tatavata na karaputa mazala ia God go.

Matiu 25:31

Jesu i sine napua, “Ṉalu era Tuna basoe na lama Batu lavata go mana aqelo ro ne tarina luluava, tuna kolokue de ko batubatu era.

Matiu 26:64

Jesu i vataule ne ia, “Iato qo sine go nae. Do masine ne qamu, pasi de popoka za go ne, tamuna mia va era Tuna basoe, tuna kolokue tepa matauna God i lete karaputa sivala go, mana tuna za sadaka me toba zakazaka ne!”

Maka 13:26

Ṉalu nae era Tuna basoe, tuna sadaka lulume popokona toba ne, tina lulua go karaputa mazala ia God.

Maka 14:62

“Era to,” igo Jesu, “osiqamu tamuna miava era Tuna basoe tuna kolokue tepa matauna God ni lete moqere sivala mana tuna za lulume toba ikoego rani ne.”

Luka 21:27

Mana ramu tamuna mia sobava era Tuna basoe, tuna za goe me toba ne, lulu ne karaputa mana tatavata ia God.

Tarama Velaka Ia Jesu Kristo I Karo Go Jon 19:34

Do kaki kameka ria soldia ne, i paqo zaqe bele ne orapana Jesu, katikili so parasa mana besi iru siporo me.

Tarama Velaka Ia Jesu Kristo I Karo Go Jon 19:37

Mana kaki dia napu loborona Buka tabo ne, igo, ‘Osiqira basoero ne tarinara mia zaqe valeke iri paqo zego bele ne.’

Kameka Tesalonika 1:10

Mana de go ramu qamu piri ne go lama napu na sale ia tina reqe mego rani ne. God i vatoo napu mego ia tepa le ne, mana Jesu to tina vakavele qitae go ita muna mana varitanae ia God kene ṉalu.

Kameka Tesalonika 4:17

Taramuzina nae, ita qata too go, mana ria iri le bana gogo ne, God tina kameka teṉo qitae osiqita zakazaka na toba ne, nae to tatana soba ze go ita Batu ne. De go tatana ko tavisi ze go ia osina ṉalu topu ne.

Iburu 10:29

Ṉalu igogo nae, ava na tina doka go ṉalu kaki basoe i mia vaqoqore go tuna God? Mana i va patavolome go parasa na varitoqe ia God i vadalo go vasakata pata ia na? Mana i seko vasakate Spirit i soso ne go makaolo? Nanao zaqe, ava tina lete goto ka vokara na kimata tina pala go basoe nae.

Iburu 6:6

Mana iri tabali kakamu ne vaogoto ria de ikoego Kristo. I makuru kaki basoe tina tavisi ne qira, go tarina nanao ule napu go, tanego igere iri paqi paqi napu ze koluse ne Tuna God mana iri va agava ze ia tarakenaqa qira basoero topu.

Kameka Jon 3:2

Ramu turaquro, ita qata salero ia to God nini dena, do iara kaebo sadaka vavelaka me de tina gogo tatali qita kene ṉalu. Do ita qata rove Kristo tina za lama napu, ita tatana reṉa ne ia mana ita tatana gere to iago.

Judi 1:14

Inoke i vaonomona to basoe ireqe mego tapoko ia Adamo, i sine bana me seko dena de iri koe go ria igo, “Muna mia! Batu ne tina lulu me qira mao na aqelo tabo ia

Revaleson 22:20

Basoe i sine vasadake go osina pataro dena, igo, “I pata ogoto! Era tiniki umata kaega tuna ule napu me.” Amen. Ke Jesu Batue Lama to aro!

Revaleson 22:4

Ria nae so tarina reṉataru ne go ia osina ṉalu, mana vitoṉona ia tina karoe rae qira go.