Revaleson 1:18 - Vato Vari Vakameka Voru Ia Batu Ne

¹⁸ Era to, basoe qa too ogoto go, era to qa le bana go ninidena qa too, mana tuniki ara le napu kaega, doka to ṉalu gado kutona i kaega go. Era to qa pala go karaputa i sivala nego le, mana qa pala karaputa i sivala ne go komala ria vano le go.

Revaleson 1:18 ပူးပေါင်းရင်းမြစ်များ

Matiu 11:23

Mana ramu basoero na Kapanaum, qamu nanao God na pala vapopoka qamu aqe rani ne? Kaega! God tina vanaqe qamu aqe nako ne. Zazu vari vapoloso ro i sadake go de qamu koego, tara vasadaka bana ne qira basoero na Sodom, qa nanao Sodom tara koso ninidena bago.

Matiu 16:19

Era tuna teke nigo aro kii na Too de ikoego vari miasoka ia God, iago pata qoki vamao zego kaega aro vudu pua dena, God i vakaega napu ze tepa rani ne, mana pata qo va mao zego aro vudu pua dena, God tina vamao napu ze tepa rani ne.”

Luka 24:5

Pasi nae qolero ne iri lete sareki, gonae iri tudu mana reṉa za pua ne, karua valeke ne iru sine ne qira qolero ne, “Avigo tane qamu taqi ze go basoe too de iri koego vano le ne?

Tarama Velaka Ia Jesu Kristo I Karo Go Jon 11:25

Do Jesu i sine ne ia, igo, “Era to qa mazala go vatoo na basoe mana teke ne too go. Ka basoe i vaogoto ava go era, patavolomo i le, ia tina pala too i ko sivala go,

Tarama Velaka Ia Jesu Kristo I Karo Go Jon 14:19

Kavia to musaqara i ko basoero na vudu pua dena, tariniki mia va kaega era, do ramu tamuna miava era, tanego era to qa too, iago ramu tamuna too go.

Leta Ia Pol I Karo Ne Qira Basoero Na Rom 6:9

Tanego ita qata rove Kristo i too bana me tepa le ne. Mana ia tiniki ara le napu kaega. Le i kaega ne to karaputa de i koe go ia.

Karua Korinti 13:4

I ogoto loborona too memelaka Kristo i le koluse, do loborona karaputa ia God Kristo i ko mana i too go, loborona vari vakameka de i koego ia ita qata pela napu, do loborona kameka zazu ita osiqita tatana pala karaputa ia God loborona too de ikoego Kristo.

Qalesia 2:20

Iago iki too era kaega tanuqu go qa too go dena, do Kristo i too e go loboroqu, mana iteke nava too iago.

Kolosia 3:3

Tanego qamu le bana, mana too ogoto iko pipika tavise Kristo ikoe de ikoe go God.

Iburu 1:3

Osina ṉalu, God i koe loborona tatavata mazala ia, Sale ia to i gere go tatavata mazala go i damara qita go ita. I gere ogote to dudulena God, i vasadaka me de go totoloṉo na ko ia. Mana seko ia i ko karaputa na, i pala tarua go osina patana kolabana pua dena, go iri velaka go. Taramuzina i va dalo qira go vano iri vasakata pata go, i popoka za rani i za kolokue tepa matauna God, i kone go karaputa sivala ne osina ro karaputa.

Iburu 12:2

Mata reṉa taru vanadu ne Jesu, tanego de koe ia i tupi e mana i valupolupo ego vaogoto ita. Ṉalu ia i le go koluse ne, iki pela ne kaega, “Kaega to,” tanego la i nanao va mazala zaqe kulakula iara ko mego, iki nanao vamazale so kaega vokara mana le i pala ze go koluse ne, la to go ninidena i kolokue tepa matauna God mana i vatovato tavisi ne rago.

Iburu 7:16

Go iara Patere go, iriki vine ze kaega ia loborona tamana ria vana basoe ba vivine tusi, na sinaqe na patere go, do ia i patere e loborona karaputa na too iki rove go kaega lupo.

Iburu 7:25

Ninidena, mana osina ṉalu i mazala vakavele qira basoero iri zae de ikoego God tanego Jesu i ko osina ṉalu mana i mazala pene ne qira de ikoego God.

Revaleson 10:6

mana i zazu ne kameka odoodo lavata ia loborona vitoṉona God i too go osina ṉalu topuro ne, i vazaria go rani mana pua ne mana osina pataro iri koego. Aqelo ne igo, “God iki ara piri to kaega!

Revaleson 15:7

Gonae kaki kameka ria pata qaraqara ne i teke ne qira kavitu aqelo ne kavitu ebata qolu i purake muma ia God i too taru, iki rove go kaega lupo.

Revaleson 2:8

Ia i seko, igo napu dena, “Ono karo ne zaqe aqelo na eklesia na simina. Iato dena seko era, valeke qa kenaqana mana lupolupo nago osina ro pata. Qa le bana mana qa too napu mana tuniki ara le kaega go.

Revaleson 20:13

Vano iri le go loborona masi iri zae de ikoego God go tina varitanae ne qira go. Le mana komala uṉaṉa ne iru va malumu ne me qira vano le riru, go God tina varitanae ne pataro iri zazu bana nego.

Revaleson 20:14

Gonae le mana vudu na uṉaṉa ne iri vanaqe qiru aqe bolu na nako ne. Bolu na nako dena to i varuana go le ne.

Revaleson 3:7

Ia i seko, igo napu dena, “Ono karo ne zaqe aqelo na eklesia na Piladelpia. Iato dena seko era, qa valeke tabo mana qa ogoto osina ṉalu, mana qa pala kii gere kii ia Davita, mana ṉalu qa papaqa go, i kaega ka basoe i mazala go kokoqu na, mana ṉalu qa kokoqua go, i kaega ka basoe tina papaqa go.

Revaleson 4:9

Kavasi pata qaraqara dena, iri kera vazaka vitoṉona ia iri seko velaka ne zaqe mana iri vabatua ia iki rove go kaega le, i kolokue go de kolokoloku batubatu ia ne. Osina ṉalu iri zazu neso vazaka dena.

Revaleson 5:14

Gonae kavasi pata qaraqara too ne, iri vataule iri go, “Amen!” Mana kazigarata ro ne, iri koloku tutuṉu mana iri vazaka qiru go.

Revaleson 6:8

Ṉalu qa reṉa za qe mia kameka ose i lete mimia sakata, valeke i age go, iri vitoṉo ze le. Basoe i muzi ne go ia iri vitoṉo ze uṉaṉa osiqiru i ko ne qiru karaputa vae vale ne takoborona basoero na vudu pua, tiruna vari va vae ne pataro dena, saqo, kana, mokoso mana pata qaraqara piru ro go.

Revaleson 9:1

Gonae valima na aqelo ne i puqo kuvili ia. Ṉalu qa reṉa qa mia zaqe kameka domiri, i kasi ne rani ne i soru me vudu pua. Domiri dena iri teke ne ia kii na bolu na uṉaṉa ne.