Revaleson 1:16 - Vato Vari Vakameka Voru Ia Batu Ne

¹⁶ Karisi matauna i pala taru ze kavitu domiri, saqe nane i siporo me kameka pegi loda, i zogoto go karua tepa na, mana tarakenaqana i gere damara na saṉa ne ṉalu ni kikinaka go.

Revaleson 1:16 ပူးပေါင်းရင်းမြစ်များ

Matiu 17:2

Ṉalu ria tarapisa iri mia zaqe ia, tokamana Jesu i kavala, tarakenaqana i damara gere saṉa ne mana poga ia i lete sivala neto pata i kakasa go.

Zazu Ria Apostoloro 26:13

Torana kikinaka na era qa goe loborona zuka ne, batu velaka, era qa mia kameka tatavata i sivala ne damara na saṉa ne, i reqe me tepa toba ne, i lama liqutu ava era, mana ria basoero qi kameka zaza go.

Epesus 6:17

Mana muna pala vari vakavele ia God gerena topatopa qamu bara ze go kuzuku qamu. Muna pala seko ia God gerena peqi varitara i teke ne qamu Spirit tabo.

Iburu 4:12

Seko ia God i koe too mana i zazu go, i lete sivala ne zogotona pegi varitara i zogoto go karua rikisina. I mazala zugu zana loborona de iru vari sobae madau mana spirit, mana de iru vari siba varikama e go uri mana manu go. Seko ia God i mazala vine na nanao ia basoe, mana pataro i soko go basoe go.

Revaleson 1:20

Qo mia kavitu domiri qa pala taru zego karisi matauqu mana kavitu pazi qolu dena gogo ne, iri pata ko pipika bana so mana i ko talupasana ro go. Kavitu domiri dena iri talukase kavitu aqelo na kavitu eklesia ro dena.”

Revaleson 10:1

Gonae qa mia aqelo mazala sivala i za qoqoro me tepa rani ne. Tokamana ne i kade toba ne, mana kameka solobio i iqole kuzukuna go, tarakenaqana ne i gere saṉa mana karua makena ne i gere uqulu na nako ne.

Revaleson 12:1

Gonae kameka pata vari vapoloso lavata sivala, i sadaka me varioka ne, kameka qole kazigarata dena, saṉa i damare go ia ne, igere baribari ia, mana inaqa ne i kube poka ze makena. Manoga karua domiri iri ko kolokolo e kuzukuna ne, i gerena topatopa ia ne.

Revaleson 19:15

Kameka pegi loda i zogoto go karua tepa na, i siporo me saqena. Pegi nae to tina vae vaqoqoro ze go ia osina sinaqe ro ne. Ia tina kenaqa qirae tamana i lete tabo sivala go, tina vadoka ne qira basoero ne muma lavata ia God i moqere sivala go, tina gere ṉalu basoe i kube zagale go urena grep, go osina besi na i siporo lupo go.

Revaleson 19:21

Vano degara ro ria ne iri vae vale qirae pegi loda i zogoto go karua tepa na, ni siporo mego saqena valeke i age go ose ne, mana pale ro ne iri lama ge lupo manu qira go.

Revaleson 2:1

Valeke ne i sine napu nava era igo dena, “Ono karo ne zaqe Aqelo ni koego Epesus. Iato dena sekoro era, valeke qa pala taru zego kavitu domiri ne karisi matauqu, mana qa goe go vari lobori qira pazi qolu ro ne go.

Revaleson 2:12

Ia i seko, igo napu de, “Ono karo napu ne zaqe Aqelo na eklesia na Peqamam. Iato dena seko era, valeke qa pala tarua go pegi loda i zogoto go karua tepana ne.

Revaleson 2:16

Iago muna vana ne vatovato sakata ro nae. Ṉalu qamuki vana ne kaega, tiniki umata kaega era tuna garetu vae qirae basoero nae pegi loda i sipore go saqequ.

Revaleson 3:1

Valeke ne igo napu de, “Ono karo ne zaqe aqelo na eklesia na Sadisi. Iato dena seko era, valeke qa pala go kavitu spirit velaka ia God mana domiri ne go. Basoero ne iri go ramu qamu too, do ramu qamu le bana tanae.