Revaleson 1:11 - Vato Vari Vakameka Voru Ia Batu Ne

¹¹ Naki nae igo dena, “Ono karo ze buka osina pataro qo mia go dena, mana vazao ne qira kavitu eklesia iri koego komala lavata ro dena, Epesus, Simina, Peqamam, Taetira, Sadisi, Piladelpia mana Laodisia go.”

Revaleson 1:11 ပူးပေါင်းရင်းမြစ်များ

Zazu Ria Apostoloro 16:14

Kaki kameka ria, i gata go seko remu, vitoṉona Lidia, i reqe me Taetira, qole dena i volivoli ne poga qore i lete voli makuru go, ia i vazaka God, mana Batu ne i papaqa nanao na ia, go tina vavaroṉo no velaka ne pataro i sine go Pol.

Zazu Ria Apostoloro 18:24

Torana ṉalu nae kameka valeke Jiu vitoṉo na Apolosi, i podo e Alekzadaria i lamae Epesus. Apolosi i kaki valeke sekoseko velaka, mana i rove velake, de go zazao na Buka tabo go.

Zazu Ria Apostoloro 20:17

Remu qi za koe Miletus, gonae Pol ivazao seko ne qira kazigarata na ro eklesia iri koego Epesus go tarina lama soba ia.

Kameka Korinti 15:32

Loborona komala Epesus, i gere pata qa varitarae de koe pata qaraqara piru. Ṉalu vano le tariki too me kaega tepa le, era tuki ogoto kaega, ṉalu igoto nae, itora mata lulua seko igogo “Mata ṉaṉa mana besi go tanego bakubaku tatana le.”

Kameka Korinti 16:8

Era tuna koe tekere Epesus go doka so ṉalu musaqara na Pentikoste.

Epesus 1:1

Era Pol loborona soko ia God qa apostolo ia Jesu Kristo, qa karo ne qamu ramu vano na komala Epesus qamti vanadue go too ramu loborona Jesu Kristo.

Kolosia 2:1

Era qa soko sine ne qamu de go zazu vokara ro era sauqamu ramu, mana basoero na Laodisia, mana osiqira ria kero ne iriki rove velake kaega too era.

Kameka Timoti 1:3

Era qa soko aro ono koe Epesus, gerena so qa sine bana nigo ṉalu qa zae go Masedonia. Kakiaro basoero iri koego Epesus in vanvatatana ne pata poqe ro, iago ono sine ne qira go tarina mamanava.

Revaleson 1:17

Pasi qa reṉa soba ne ia, qa soru kapate tarakenaqana makena ia, gere basoe i le bana go. Do i sibave karisi matauna, mana igo, “Oniki sareki, era to qa kenaqana go mana lupolupo na go osina ro pata.

Revaleson 1:19

Ono karo qira pataro qo mia go iri sadaka go ninidena, mana pataro tinara za sadaka mego ṉalu muzi go.

Revaleson 1:2

Iago Jon i karo to osina pataro i mia go. Iato dena pataro i reqe mego seko ia God, i seko ogoto reqe mego Jesu Kristo.

Revaleson 1:20

Qo mia kavitu domiri qa pala taru zego karisi matauqu mana kavitu pazi qolu dena gogo ne, iri pata ko pipika bana so mana i ko talupasana ro go. Kavitu domiri dena iri talukase kavitu aqelo na kavitu eklesia ro dena.”

Revaleson 1:4

Era qa Karo ne qamu ramu kavitu eklesia qamu koego kena Esia. Pepene era, qa pene Mana ia Batu ne, mana bule ia mara ko tavisi qamu ramu, tina za reqeme de ikoego God, i ko bana, i ko ninidena mana tinara lama napu go. Mana ia Batu ne mana bule dena i reqe napu meso kavitu spirit velaka iri koego tarakenaqana de koloku batubatu ia God.

Revaleson 1:8

God Batu ne igo, “Era to qa kenaqana mana muzimuzi na osina pata,” God Batu ita ikoego osina karaputa, iko bana me, iko taru ninidena mana de iara za ko mego.

Revaleson 10:4

Muzina so seko iri vae go ria, era qa vanama to karo na pataro iri sine go. Do qa gata kameka ovaṉa i seko me tepa rani ne, “Ono pika vanadua pata iri sine go kavitu pakala ro ne, oniki karo!”

Revaleson 14:13

Gonae qa gata napua ovaṉa i reqe me rani ne, igo dena, “Ono karo osina pataro dena pasi ninidena popoka gogo ne, ria iri le ne go vaogoto ria sauna Jesu tarina lete kula sivala.” Spirit tabo ne igo napu de, “I pata ogoto sivala, ria tarina kula ne ziṉo, sauna zazu vokara ro ria tanego tarina pala vazao napua so zazu velaka ro ria go.”

Revaleson 19:9

Gonae aqelo ne i sine nava, igo, “Ono karo pataro dena, vano iri rave qira mego kelo na busi ia Tunana Sipi ne, iri pala to kula ria.” Aqelo ne i sine napua, “Seko dena i seko ogoto ia God.”

Revaleson 2:1

Valeke ne i sine napu nava era igo dena, “Ono karo ne zaqe Aqelo ni koego Epesus. Iato dena sekoro era, valeke qa pala taru zego kavitu domiri ne karisi matauqu, mana qa goe go vari lobori qira pazi qolu ro ne go.

Revaleson 2:12

Ia i seko, igo napu de, “Ono karo napu ne zaqe Aqelo na eklesia na Peqamam. Iato dena seko era, valeke qa pala tarua go pegi loda i zogoto go karua tepana ne.

Revaleson 2:18

Ia i seko, igo napu de, “Ono karo ne zaqe aqelo na eklesia na Taetira. Iato dena seko era Tuna God, mataqu i uqulu gere go nako ne, mana makequ i damara gere go barasi ne.

Revaleson 2:24

Do osiqamu vano qamu koego komala Taetira qamuki lulua go kaega vari vatatana sakata dena mana qamuki nanao rove kaega pata iri vitoṉo ze go ‘seko pipika ia Satana’. Era tuniki tekene qamu kaega kaki pata makuru.

Revaleson 2:8

Ia i seko, igo napu dena, “Ono karo ne zaqe aqelo na eklesia na simina. Iato dena seko era, valeke qa kenaqana mana lupolupo nago osina ro pata. Qa le bana mana qa too napu mana tuniki ara le kaega go.

Revaleson 21:5

Gonae ia i kolokue go de kolokoloku batubatu ne igo dena, “Era qa va vorua to osina pata,” mana i sine napua, “Ono karo pataro dena, tanego sekoro dena i ogoto mana taru ze ruruqe aro go.”

Revaleson 22:10

Gonae i sine nava, “Oniki pika sekoro iri koego buka dena. Tanego ṉalu tina sadaka go pataro dena i garogaro meto.

Revaleson 22:16

“Era, Jesu qa turi ne aqelo era, go tina sine ne qira basoero na eklesia ne. Era qa podoe sinaqe ia Davita mana qa gere go domiri dodola, ni tatavata mego sarusaruku lolotoro ne.”

Revaleson 3:1

Valeke ne igo napu de, “Ono karo ne zaqe aqelo na eklesia na Sadisi. Iato dena seko era, valeke qa pala go kavitu spirit velaka ia God mana domiri ne go. Basoero ne iri go ramu qamu too, do ramu qamu le bana tanae.

Revaleson 3:14

Ia i seko, igo napu dena, “Ono karo napu ne zaqe aqelo na eklesia na Laodisia. Iato dena seko era, valeke vitoṉoqu iri koru zego, ‘Amen!’ Era to qa tarama totoloṉo mana qa ogoto taru mego kokosona me osina ro pata i vazaria go God.

Revaleson 3:4

Do kavia ro ramu vano Sadisi, qamu miasoka vavelake mana va vorua poga ro ramu. Ria nae to tarina vakeba ne go roku kakasa mana zaza tavisi ava era go, ria nae to i tora qira go, tanego i sauna to zazu velaka ria.

Revaleson 3:7

Ia i seko, igo napu dena, “Ono karo ne zaqe aqelo na eklesia na Piladelpia. Iato dena seko era, qa valeke tabo mana qa ogoto osina ṉalu, mana qa pala kii gere kii ia Davita, mana ṉalu qa papaqa go, i kaega ka basoe i mazala go kokoqu na, mana ṉalu qa kokoqua go, i kaega ka basoe tina papaqa go.