Revaleson 1:1 - Vato Vari Vakameka Voru Ia Batu Ne

¹ Zazaona buka dena, i vasadaka me pataro iri kokopika bana me go, do Jesu Kristo i vasadaka me. God i teke ne Jesu Kristo go tina vamia qirae basoero iri zazu nego ia, sauna pataro tiniki umata kaega tina lama doka go. Iago Kristo iturine me aqelo iago tina vamia ze Jon, valeke zazu ia.

Revaleson 1:1 ပူးပေါင်းရင်းမြစ်များ

Tarama Velaka Ia Jesu Kristo I Karo Go Jon 12:49

Iadena i pata ogoto, tanego qaki seko ne kaega nanao era tanuqu, do Mamae ni turi nava mego i teke nava Tamana, iato qa seko ne go.

Tarama Velaka Ia Jesu Kristo I Karo Go Jon 15:15

Ninidena qaki koru qamue kaega vano seka, tanego basoe seka iki rove kaega pata i zazu ne go batu ia. Era ne qa koru qamue vakitaka ro era, tanego osina pata ro qa gata ze go Mamae, qa sine lupo ne qamu.

Tarama Velaka Ia Jesu Kristo I Karo Go Jon 17:8

Pataro qo sine nava go, qa sine lupo ne qira to, mana iri vaogote to go, iri rove era qa koe mana qa reqe de qo koego aro, mana iri vaogote aro qo turi nava go era.

Tarama Velaka Ia Jesu Kristo I Karo Go Jon 3:32

Ia i sine pataro i mia bana go mana pataro i gata bana go, do i kaega ka basoe i vaogote go ia.

Tarama Velaka Ia Jesu Kristo I Karo Go Jon 8:26

I topu sasakata pataro qa mazala sine na sauqamu ramu, mana taru ze vivine loborona too ramu. Do era tuna sine vasadaka ne qira so basoero na vudu pua dena, pataro qa gata ze go ia i turi nava mego. Tanego iato ikoego ogoto.”

Leta Ia Pol I Karo Ne Qira Basoero Na Rom 16:25

Mata vazaka God! Iato imazala go vanaduna vaogoto, go tamuna lulua go Tarama Velaka qa tamana qamue go era. Sauna Jesu Kristo, iago, Tarama Velaka dena to ivasadaka va velaka me ze go God seko igoto i pipika bana mego ṉalu bana ne.

Qalesia 1:12

Era qaki pala ze kaega de ikoe kakia basoe, ba kaki basoe tane i vatatanava go, do tanuna so Jesu Kristo i vasadaka nava go.

Epesus 3:3

God i vasadake namanama pipika ia, mana i varove zave era. Era qa karo zatu seko pusi sauna pata dena.

Taetusi 1:1

Era Pol qa basoe zazu ia God mana qa apostolo ia Jesu Kristo. God i turi nava era go tuna tavisi ne qira basoero ia i vine bana qira go, go tarina vaogoto ia mana go tarina rove velake vari vatatana na vaogoto ita go.

Revaleson 1:19

Ono karo qira pataro qo mia go iri sadaka go ninidena, mana pataro tinara za sadaka mego ṉalu muzi go.

Revaleson 1:9

Era Jon qa kaki kameka toga qamu ramu, qata vaogote go Jesu Kristo, qata pala taru vanadua go ia patavolomo iri va vokara qitae de ikoego too vari miasoka ia God. Iago era iri taruve kameka ṉugu suka vitoṉona Patmos, go tuna tarama vasadake seko ia God mana seko ogoto na Jesu Kristo.

Revaleson 17:1

Gonae kaki kameka ria kavitu aqelo ro iri pala go vavituna ebata ne, i lamae de qa koego era, igo dena, “Lama go ma va mia zigo era kimata tuna teke go era komala lavata igere go qole vari va gabu iri vadegere ze go rikisina na topuna uguru ro.

Revaleson 19:10

Era qa koloku tutuṉu mana qa vabatua aqelo ne, do i sine nava, “Oniki vabatu ava era, tanego era qa basoe zazu gere go so aro, mana ria turamu ro iri pala taru vanadua go seko ogoto ni vasadake go Jesu. Iago ono vabatua so God.” Tanego seko ogoto i vasadake go Jesu, iato nae karaputa i tavisi ne qira go propetaro ne.

Revaleson 19:9

Gonae aqelo ne i sine nava, igo, “Ono karo pataro dena, vano iri rave qira mego kelo na busi ia Tunana Sipi ne, iri pala to kula ria.” Aqelo ne i sine napua, “Seko dena i seko ogoto ia God.”

Revaleson 21:2

Gonae qa mia komala tabo Jerusalema i ko tavise God mana i qoqoro me tepa rani ne, komala nae i vanama gere kameka qole i malemale vanama ne soba na velake ia.

Revaleson 21:9

Kaki kameka aqelo i za lamae de qa koego era, aqelo dena iato vavituna go aqelo i pala bana go ebata lavata i purake go vavituna pata vari va makuru ne. Gonae igo dena, “Lama go ma vamia goe era qole ia Tunana Sipi niara busia go.”

Revaleson 22:1

Gonae aqelo ne i vamia zave besi uguru na too i damara gere duviduvi na sirosiro i za reqe me de kolokoloku batubatu ia God mana Tunana Sipi ne go,

Revaleson 22:16

“Era, Jesu qa turi ne aqelo era, go tina sine ne qira basoero na eklesia ne. Era qa podoe sinaqe ia Davita mana qa gere go domiri dodola, ni tatavata mego sarusaruku lolotoro ne.”

Revaleson 22:6

Gonae aqelo ne i sine napu nava, igo dena, “Seko ro dena i pata ogoto mana ono ruqe go. God Batu ne i valame go Spirit ia de iri koego propetaro ia. Ia i turi nava era go tuna vamia qirae go vano zazu ia, pataro tiniki umata kaega tina lama sadaka go.”

Revaleson 22:8

Era, Jon, tane qa gata mana qa mia go osina pataro dena. Ṉalu qa gata mana qa mia lupo go pataro dena, qa koloku tutuṉue tarakenaqana aqelo ne, go ma vabatua, qa go.

Revaleson 22:9

Do ia i sine nava, igo, “Oniki vabatu ava era! Era qa basoe zazu gere go so aro, mana ria turamu ro, vano propetaro, mana ria iri vaogote go seko na buka dena, iago, ono vabatua so God!”

Revaleson 4:1

Taranumna pataro dena, qa mia napua siporaṉa na rani ne i papaqa. Mana ovaṉa i gere go naki na koqo i seko tabe banava go, igo de, “Lamae zakazaka dena go ma vamia zigoe pataro tinara lama sadaka napu go.”

Revaleson 5:7

Gonae Tunana Sipi ne i za pala ze karisi matauna valeke i koloku ego de kolokoloku batubatu ne pepa vivolo ne.