Qalesia 6:17 - Vato Vari Vakameka Voru Ia Batu Ne

¹⁷ Valupolupona, kaega napu kakia basoe mara teke napu nava era kaki makuru, tanego kilipa i koe go tokamaqu dena i vasadake era qa basoe seka ia Jesu.

Qalesia 6:17 ပူးပေါင်းရင်းမြစ်များ

Zazu Ria Apostoloro 15:24

Remu qimu gata bana kakiaro basoe iri reqe de qimu koego iri vamakuru qamu mana vamaqata qamue ramu sauna pata iri sine go. Do de qimu koego remu iriki pala ze kaega kaki tamana igogo, go tarina zazu ne go vatovato nae.

Karua Korinti 1:5

Gerena so remu qi pala tavise go topu na vokara ro ia Kristo, mana de ikoego Kristo, remu qi pala napua so tavisi lavata ia God.

Karua Korinti 4:10

Osina ṉalu, remu qi pala ze tokama qemu le ia Jesu, go too i vae go ia tina sadaka e loborona tokama qemu.

Qalesia 1:7

Do pata ogotona ne, ikaega napu kaki Tarama Velaka, tanego kakiaro basoe iri lama vasakate nanao qamu mana pada ne itane na Tarama Velaka ia Kristo. Igo nae ia tanego qa sine ne qamu go.

Pilipae 3:10

Pata qa soko go era, rove na mana nanao rove na de go karaputa na too napu ia Jesu tepa le ne. Ma kena tavise vokara ia, mana ma gere ia i le go.

Kolosia 1:24

Ṉalu ninidena era qa kula ne vokara qa pala go sauqamu ramu, tanego talupasa na vokara na tokamaqu, era qa tavisi valupo na pata iara ko sivale go vokara ivae go Kristo, i tokamana, go eklesia ne.

Iburu 12:15

Muna mia soka tanuqamu, go muniki tabali kakamu ne Mana ia God. Muniki gere moki i pani go, mana i mazala go vasakata qira kero ne basoero go.

Revaleson 13:16

Iago pata piru dena i vatutubo qira basoero ne. Vano mazamazala vano vavagado, vano situ, vano seka, mana vano iri ko talukasa go. Osiqira basoero dena mara koe kameka lala tepa karisi matau qira ba rae qira go.

Revaleson 13:17

Ṉalu basoe i kaega nego lala dena, ia tiniki volivoli ne kaega kaki pata ba za voli na kapata go.