Qalesia 6:12 - Vato Vari Vakameka Voru Ia Batu Ne

¹² Basoero iri vatutubo qamue go ramu kosi ne, ria to iri vazaka napu go, mana iri vari vatatana ne pataro i sadake go tokama qira. Iri zazu ne pata dena, i sauna so niki go basoero ne vavokara qirae sauna iri vaogote go koluse ia Kristo iri go so.

Qalesia 6:12 ပူးပေါင်းရင်းမြစ်များ

Matiu 23:27

Ramu vano vari vatatana na Tamana mana vano Parisio, muna miasoka, qamu vano poqepoqe! Qamu gere kukubo iri peda va kakase go, i mia velavelaka go kakamuna, do loborona i purake uri mana tokama noli na basoe i le go ikoego loborona bolu ne.

Matiu 23:28

I gere napua so de qamu gogo ramu, tanego pataro qamu zazu ne, i mia velaka qira to basoero ne, do loborona nanao qamu i purake de go poqepoqe mana vasakata pata go.”

Matiu 23:5

Iri zazu ne topu pata go basoero ne tarina mia qirae go, pata i qolo ego Tamanaro iri qolo ze go tokama qira iri lete valavate. Mana qolo i idoke go tumutumuna roku ro ria, i lete lavata go. Iri zazu ne iadena go tanuqira iri lete mamaligara ne God mara vane qira basoero iri go.

Matiu 5:10

Kula ria basoero iri vasasakata ne qira, tanego iri lulua zuka totoloṉo i soko go God, vari miasoka ia God i koe de iri koe go.

Matiu 6:16

Jesu igo napu dena, “Ṉalu qamu qaniqani kasi mimia maeropo gere qira ria basoero poqepoqe. Iri mimia saqo go mara mia basoero ria iri qaniqani mara vane qira iri go. Ma sine ne qamu pata ogoto, voli qira iri pala bana to.

Matiu 6:2

Iago ṉalu qamu tekene sosovolomo kakia basoe situ kasi pepeu na. Vatovato gogone iato iri zazu ne basoero poqepoqe loborona Pade Lotu mana zuka lavata na komala ne, go basoero ne mara va zakazaka qira iri go. Ma sine ne qamu pata ogoto, basoero nae iri pala bana to voli qira.

Matiu 6:5

Jesu igo napu dena, “Ṉalu qamu pene, kasi gere qira basoero poqepoqe. Iri degere loborona Pade Lotu mana rikisina zuka lavata ro go iri ara pene va lavata go. Tanego iri soko mara mia basoero ne iri go. Ma sine ne qamu pata ogoto, iri pala bana to voli qira.

Luka 16:15

Jesu i sine ne qira, “Ramu qamu pada taru ne to vamimia velaka na tanuqamu, tarakenaqa qira basoero topu, do God i rove bana pata ikoego loborona puṉu qamu. Tanego pataro qamu nanao go ramu basoero i pata lavata go, de ikoego God, i patavolomo so.

Luka 20:47

Iri va bulaṉoe qira qolero nanaro mana iri pala siko qirae patapataro ria, mana ṉalu iri pene, iri vazakanapu ne pepene loda ro! Qamu rove, lepulepu ria ne tina lete lavata sivala.”

Tarama Velaka Ia Jesu Kristo I Karo Go Jon 7:18

Ṉalu ka basoe i seko ne so karaputa ia so tanuna, basoe nae i soko so vazakazaka na tanuna. Do ṉalu basoe nae i soko go basoero tarina vazakazaka ia ni turine mego, basoe nae i seko ne pata ogoto mana iki poqe kaega go.

Zazu Ria Apostoloro 15:1

Kavia basoero na Judia iri lamae Antiok iri vatupia vatatana qira vano kristiano, iri go, “Ṉalu ramu qamuki kosi go kaega gerena i sine go Tamana ia Mosese, God tiniki vakavele qamu kaega.”

Zazu Ria Apostoloro 15:5

Do kavia ro ria vano lotu iri koego Jerusalema iri kameka e de iri koego vano Parisio iri degere, mana iri go dena, “Vano iriki Jiu go kaega tarina kosi bana so mana lulu bana so Tamana ia Mosese,” iri go.

Karua Korinti 10:12

Pata ogoto remu qiki varitora kaega, ba sivala ne qira kaega basoero iri vazakazaka go tanuqira. Iri vano bulaṉoe! Iri vazazua nanao qira mana iri vine vari pada ne tanuqira mana iri varipada ne vatovato ria go.

Karua Korinti 11:13

Basoero dena iriki apostolo ogoto kaega, iri apostolo poqepoqe so, iri poqe ne zazu ro ria mana iri va mimia vagere qirae tanuqira iri apostolo ogoto ia Kristo.

Qalesia 2:14

Iago ṉalu era qa mia iriki lulua kaega de igogo totoloṉo na zuka na vaogoto na Tarama Velaka, era qa sine ne ze Pita tarakenaqa qira basoero topu. Qa go, “Aro qo valeke Jiu, do qo lulua go vatovato ria vano iriki Jiu go kaega mana ko aro do qoki gere qira kaega vano Jiu. Iago ava tina go tono vatutubo qirae vano iriki Jiu go kaega, go tarina lulua go vatovato ria vano Jiu na?”

Qalesia 2:3

Aria Taetusi i lulu ava go, i valeke Qrik, do vano iri kenaqa ne go lotu iriki vatutubo ze kaega kosi.

Qalesia 5:11

Ba tepa rera ne turaquro, ṉalu tara ogoto go era qa tamana ne go va mazalana kosi, avigo tane basoero ne iri vasasakata nava go era? Ṉalu tara ogoto go, ianae vano Jiu tara muma nava kaega era qa tamana ne Kristo i le go koluse ne.

Qalesia 6:13

Do ria to, iri vazazu bana go kosi dena, do iriki lulua kaega Tamana. Iri soko so ramu mamu kosi go mara ria vazakanapu ne so, ramu qamu toqe ne go pata iri sine ne qamu go, qamu zazu ne ze go tokama qamu.

Pilipae 1:15

Pataogoto kakia ria iri tamana ne Kristo tanego iri qora nava era mana kavia ro ria iri vari valegu e deqa koego era, do kavia napu ria, iri tamana ne ia, tanego iri soko tavisi.

Pilipae 2:4

Kasi taqi na pata tina tavisi ne qamu tanuqamu, do muna taqia pata tina tavisi ne qira kero ne basoero.

Pilipae 3:18

Qa sine bana ne qamu topuna ṉalu pataro dena mana ninidena i sone to mataqu qa sine patu napua, iko topu ria basoero iri kana ze too ria vaogoto na le i vaego Jesu koluse ne.

Kolosia 2:23

Iogoto, tamana ro dena iri va tutubele qita e ita tatana vazaka qira aqelo ro, mana vaqoqore tanuqita, mana iri va vokare tokamaqita. Iago ita qata nanao tamana ro dena i ko nanao velaka na, do kaega kaki tamana gerena iadena i mazala tavisi ne va noto na nanao sakata ro ita.