Qalesia 6:1 - Vato Vari Vakameka Voru Ia Batu Ne

¹ Turaquro, ṉalu qamu mia go kakia basoe izazu ne go kaki pata sakata, ramu qamu lulua go too ia Spirit tabo muna vatotoloṉe too iago tina tavisi ne go ia, mana muna miasoka napua tanuqamu go ramu tamuniki soru napue go kaega pata sakata ro nae.

Qalesia 6:1 ပူးပေါင်းရင်းမြစ်များ

Matiu 11:29

Muna lama lulua vari vatatana era, mana era ma vatatana qamu go, tanego era qa vari nanao mana qaki vazakazaka va kaega tanuqu go, too nae to qamu mazala soba zena ziṉo loborona too ramu.

Matiu 26:69

Pita i koloku e rikisina peka lavata na pade ia batu lavata ria patere ro, mana kameka qole zazu ia batu lavata ria patere ro i lama vane de Pita, “Aro to qo ko tavise go Jesu na Qalili ba?”

Matiu 26:75

mana Pita i nanao soba zaqe to seko i sine bana nego Jesu, igo, “Tarakenaqana tinara dae go kokorako ne, aro kapisa sine tono go qoki rove ava kaega era.” Goto nae Pita i siporo za i lete maqata mana i dae go.

Matiu 9:13

Za muna za toere velake talupasana seko i sine go Buka tabo igo, ‘Vari nanao tane qa soko go era dekoe basoero, do sosovolomo kaega.’ Ma sine ne qamu, era qaki lama ne kaega koru qira basoero iri vatovato velaka, do qa lama ne qira basoero iri vasakata pata go.”

Leta Ia Pol I Karo Ne Qira Basoero Na Rom 14:1

Muna vavelaka ne basoe i memelaka go vaogoto ia. Kasi vari valegu ne na pata i reqeme go nanao na basoe nae.

Leta Ia Pol I Karo Ne Qira Basoero Na Rom 15:1

Ita i karaputa go vaogoto ita mata tavisi ne qira, vano i memelaka go vaogoto ria, sauna papala maqata ro ikoe go de iri koe go. Mata kasi nanao na so tanuqita.

Leta Ia Pol I Karo Ne Qira Basoero Na Rom 8:6

Do ṉalu basoe i lulua go too sakata ia tokama, ia tina za le ne so. Ba basoe i lulua go vatovato ia Spirit tabo, ia tinara za pala ze too, mana ko bulebule.

Kameka Korinti 10:12

Ka basoe i nanao i degere vanadu igogo ina miasoka, niki go za soru.

Kameka Korinti 14:37

Ṉalu kaki basoe i koe loboro qamu i nanao i kone karaputa sauna sine vasadake na seko ia God, ba i kenaqa ne Spirit tabo gogo ne i velaka, ia mara rove, pata qa karo ne qamu atu go era dena, i seko tamana i Batu ne.

Kameka Korinti 2:15

Basoe i ko ne Spirit, i mazala mia rove na mazala na topu na pata do, kaega ka basoe i mazala vine na basoe nae.

Kameka Korinti 3:1

Vakitaka ro era, de bana ne i makuru ava teke qamu seko era, gerena qa seko tabe qirae basoero i kone qira go Spirit tabo. Era qa mazala seko na de qamu koe ramu, gerena basoero na vudu pua dena, torana ninidena nanao qamu iara gere so nanaoqira sale suka ro, de gogo nanao rove na Kristo.

Kameka Korinti 4:21

Adeke qamu soko go, na garetu sima qamu? Ba vamia qamue ramu mamaligara era, mana tavisi ne qamu ramu go tamuna ko velaka go?

Kameka Korinti 7:5

Ramu qamu vano busi, kasi va makuru na tokama qaburu, ṉalu kakia i va kaega tokamana, go mara pepene igogo ne, i velaka so, taramuzina nae qaburu mazala kameka kamuku napu. Ṉalu tamuna zazu ne to iadena, ramu tamuna vasivala ne pada ro ia Satana, tanego qaburu ki karaputa kaega, niki go velaka raburu za kuziki.

Karua Korinti 10:1

Kakiaro basoero iri go, era qa basoe konotose, qava qoqoro ava tanuqu, qaki seko vakaraputu kaega ko tavisi qavae qamu go, do qa poro seko vamoqere atu de qamu koego, ṉalu qa ko valaqalaqa ne qamu ianae loborona velaka mana manava ia Kristo, era Pol qa pene vakaraputa qamu,

Karua Korinti 2:7

Iago ninidena era qa soko muna nanao ule ne ia, mana teke ne ia nanao velaka, go niki lete maqata mana niki lete va pela nanao na ia.

Karua Korinti 2:8

Iago qa pene qamu, muna vamia ze ia kavia vatovato ro, go qamu mamaligara ne ia.

Qalesia 5:23

Ko vaqoqoro mana ko miasoka go so tanumu. Ikaega to kakia seko na Tamana tina vasakate go pataro dena.

Qalesia 6:18

Qa pene go Mana ia Batu ita Jesu Kristo mara ko tavisi qamu turaquro topu. Amen.

Kameka Tesalonika 4:1

Iago ramu turaquro ramu qamu rove vavelaka bana ze de qi koego remu too tamuna pala, go tina vakula go God. Too nae ia to qamu lulua go ninidena. Do loborona vitoṉona Jesu Kristo qi pene vakaraputa napu qamu, Muna lulua mana vazazao popoka napua too nae.

Karua Tesalonika 3:15

Do ramu muniki vasakata ne ia, do varove ze go ia i gerena kakia turaqamu lotu.

Karua Timoti 2:25

Tina rove napua de go tina vatotoloṉo qira go vano iri valegua go vari vatatana ia, ṉalu nae God i mazala napu so tavisi vatotoloṉe na nanao qira basoero nae, go tarina rove go seko ogoto ne.

Iburu 12:13

Zaza e zuka totoloṉo, go make i le go tiniki ara le kaega do tina velaka ule napu.

Iburu 13:3

Muna nanao taru qira vano iri koego bara ze, va gere so tanumu qo ko tavisi e bara ne. Nanao tarua qira vano iri ko vokara go, vagere ze tanumu qo vokara tavisi qira.

Jemisi 3:13

Akena tane kaki basoe tarove ikoe de qamu koe go, mana irove osina pata igogo na? Basoe nae mara vasadaka me to, too velaka ia, mana pata velaka ro ni zazu ne ze go too kovasoka ia ireqe mego tarove iago.

Jemisi 3:2

Osiqita qata zazu ne so pata kebu. Do ṉalu kameka basoe iki vakebua go kaega seko ia, iato i basoe totoloṉo sivala go mana i mazala to miasokana too iago.

Kameka Pita 3:15

Do vabatua ia, tanego Kristo i koe loborona puṉu qamu, mana tudua ia ni batu ne go too ramu. Iago vanama osina ṉalu go tamuna va taule ne qira go basoero ne, ṉalu iri tana ne ruruqe ramu de koe Kristo.

Kameka Jon 5:16

Ṉalu qo mia kakia turamu i zazu ne go vasakata pata suka iki vazao ze qo kaega ia le ono pene God go mara tavisi ne, mana teke ne ia too. Sauna pata qa sine go dena, i sauna so basoe izazu ne vasakata pata suka. Do basoe i zazu ne go vasakata pata lavata tina mazala go vazao ze na ia le, ianae qaki sine ne qamu kaega muna pene ne ze go ia de i koe go God, sauna pata nae.