Qalesia 5:24 - Vato Vari Vakameka Voru Ia Batu Ne

²⁴ Vano iri ke iago Jesu Kristo, iri vae vale bana to ria too na vudu pua dena ni soko go zazu ne na osina pata sakata ro ne.

Qalesia 5:24 ပူးပေါင်းရင်းမြစ်များ

Leta Ia Pol I Karo Ne Qira Basoero Na Rom 13:14

Do palataru vanadue de ikoe go Batu ita Jesu Kristo, go tatana vanama go varitara na de ikoe go soso pata sakata ro ne. Kasi luluna vatovato sakata ro ni poro soko go tokama qita ne.

Leta Ia Pol I Karo Ne Qira Basoero Na Rom 6:6

Go God tina pero vakuziki ne go karaputana vasakata pata ita, go ita mata kasi seka ia vasakata pata.

Leta Ia Pol I Karo Ne Qira Basoero Na Rom 8:13

Tanego ṉalu qamu lulua go vatovato na tokama qamu ni soko go too na vudu pua dena, ramu tamuna le, do ṉalu karaputa ia Spirit tabo go qamu vae vale ze go vatovato sakata ro ramu, ramu tamuna pala too.

Leta Ia Pol I Karo Ne Qira Basoero Na Rom 8:9

Iago, muniki lulua too sakata i soko go tokama qamu. Do muna lulua Spirit tabo, tanego Spirit ia God i koe loboro qamu. Ṉalu basoe iki toṉove go kaega Spirit ia Kristo basoe nae iki keia kaega Kristo.

Kameka Korinti 15:23

Do nogotona basoe tina lulua dego zukazuka na, ṉalu tarina too me tepa le, kenaqana. Kristo, mana taramuzina ṉalu tina za ule me, ita to basoero ia God go.

Kameka Korinti 3:23

Mana ramu, qamu ke ia Kristo, mana Kristo i ke ia God.

Kameka Korinti 6:13

Kaki basoe napu tina mazala so sine na, “Pata gege i pata na kuaba, mana kuaba ne i pata roku na pata gege,” oveto, do God tina valupo qiru karua pata nae. Tokamana basoe iki pata vazazu na kaega zazu sakata ro, do tokama ne, na vazaka mana osaka ze Batu ne, tanego Batu ne tane i teke ne qita go tokama ne.

Karua Korinti 10:7

Ramu qamu reṉa neso pekapeka na pataro qamu mia go. Ka basoe i sine tanuna i ke ia Kristo, basoe nae mara nanao velaka, tanego remu do qi ke ia Kristo, gerena so basoe igogo ne.

Qalesia 2:20

Iago iki too era kaega tanuqu go qa too go dena, do Kristo i too e go loboroqu, mana iteke nava too iago.

Qalesia 3:26

Loborona to vaogoto ramu de ikoego Jesu Kristo osiqamu qamu salero ia God.

Qalesia 3:28

Iago ikaega so kaki pata i varivakakatae ne de iri koego vano Jiu ba vano iriki Jiu go kaega, vano seka ba vano ko talukasa, valekero ba qolero go, osiqira pataro dena iri kameka pata so de ikoego Kristo.

Qalesia 3:29

Ṉalu ramu qamu keia to Kristo, ramu to qamu popodo ro ia Abra-am mana tamuna toṉove pata i pui nego God.

Qalesia 5:20

iri vazaka qira god poqepoqe ro, zazu mamaruku, vari vasasakatae, lulua kaega Tamana, vari misi, poro muma, nanao na so tanuna basoe, va pera qira kero ne basoero, zazu ne vari vatavota go.

Qalesia 6:14

Do de qa koego era ne, tuna vazakanapu ne koluse ia Batu ita Jesu Kristo. Tanego pata izazu ne go Kristo ṉalu ile go koluse ne, i sauna to vatovato na vudu pua dena i le bana ne to nanaoqu era mana era qa le palu bana to Kristo. Iago, ma kasi luluna vatovato ia vudu pua dena.

Epesus 3:1

Sauna to pata dena iri taruve go era bara ne, tanego qa keia Jesu Kristo, mana sauqamu ramu vano qamuki Jiu go kaega, qa pene ne qamue God.

Epesus 3:11

God i valulu ze nanao ia iko bana mego ikaega go ka valupolupona. Mana i vasadaka ze loborona zazu ia Jesu Kristo Batu ita ne.

Epesus 3:6

Pata ogoto iko pipika bana mego dena ne, loborona tarama velaka ne igo, vano iriki Jiu go kaega iri pala tavise ria tane makaolo ia God iri pala bana go vano Jiu. Osiqira iri kamekae so kameka tokama, mana iri pala tavise pui ia God, ni vazuka me ze go de ikoego Jesu Kristo.

Kolosia 2:11

Loborona vari vakameka ramu de koe Kristo ramu qamu kosi bana to, vari kosi ia kaega basoe, do vari kosi i zazu ne Kristo, i vakavele ze basoe loborona karaputa ia pata ikoego tokamaqita i mazala go vazao qita vasakata pata.

Kameka Pita 2:11

Qa pene qamu turaquro, ko ramu vudu pua dena qamu ko gerena so vano tupaka, tanego iki komala ogoto kaega. Iago kasi luluna nanao sakata ni soko go nanao qamu iri kana taru ne go madau qamu.