Qalesia 5:22 - Vato Vari Vakameka Voru Ia Batu Ne

²² Do Spirit tabo i soso ne mamaligara, kulakula, bule nanao, muma katikili kaega, i soso napu ne too vari nanao, too velavelaka mana too basoe nadu go.

Qalesia 5:22 ပူးပေါင်းရင်းမြစ်များ

Matiu 12:33

Gonae Jesu i sine ne qira, “Moki i too velaka go tokamana, tina ure velaka, ba moki ki too velaka go kaega, tiniki ure velaka kaega. Tanego osina moki ne qata mazala mia rove ze na ure na ro.

Luka 13:9

Bana go ara ure so ave i lama go, nalu iki ure to kaega ia nara qeto vanaqe go.’ ”

Tarama Velaka Ia Jesu Kristo I Karo Go Jon 15:16

Ramu qamuki vine ava kaega era, do era tane qa vine qamu go, mana qa teke ne qamu zazu go tamuna va ure go, ureure nae tiniki rove kaega lupo. Mana Mamae tina teke ne qamu pata qamu pene zego ia loborona vitoṉoqu era.

Tarama Velaka Ia Jesu Kristo I Karo Go Jon 15:2

Paqara ro iriki ure go kaega, i koboro vakuziki ne, mana paqara ro iri ure go, iva dalo ne qira, go tina dalo mana ureure go.

Tarama Velaka Ia Jesu Kristo I Karo Go Jon 15:5

Era to qa moki na vino, mana ramu to paqapaqarana ro, basoe iko vanadue de qa koego era, era qa koe de ikoego ia, mana ia ne tina ureure go, tanego i makuru qamu vapuro na kapata, ṉalu qamuki ko vanadue kaega de qa koego era.

Leta Ia Pol I Karo Ne Qira Basoero Na Rom 14:17

Tanego de ikoe go too vari miasoka ia God sauna pata gege ba loka qamu ge, gogo ne iki za pata mazala bana so kaega. Do too ivalame go so Spirit tabo dena so lete mazala go, gerena to zazu ne na, too bulebule mana too kulakula go.

Leta Ia Pol I Karo Ne Qira Basoero Na Rom 15:14

Ramu turaquro, era qa nanao vaogote ramu qamu pala to vatovato velaka, go qamu tarove ne go pataro, mana go qamu mazala go vari vatatana napue na deqamu koe go tanuqamu go.

Leta Ia Pol I Karo Ne Qira Basoero Na Rom 15:3

Tanego Kristo iki zazu ne so kaega pata ni tavisi ne go tanuna. Gerena Buka tabo ne i sine bana go, “Seko sakata ro iri sine vasakata zigoe aro, iri vasakata zave so era.”

Leta Ia Pol I Karo Ne Qira Basoero Na Rom 15:30

Turaquro, qa pene vakaraputa qamue de ikoego Batu ita Jesu Kristo, mana mamaligara go. Iago muna tavisi navae pene ro ramu de ikoe go God, go tina tavisi nava go.

Leta Ia Pol I Karo Ne Qira Basoero Na Rom 6:22

Do ninidena ramu qamu talukase to vasakata pata, mana qamu ko seka ia God. Iato nae go qamu vatabo ze go too ramu de ikoe go ia, mana ṉalu muzi tamuna pala ze too gadokutona i kaega.

Leta Ia Pol I Karo Ne Qira Basoero Na Rom 7:4

Igo napu so nae de qamu koe ramu, tanego ramu qamu vakameka tavise le ia Kristo, iago ramu qamu le bana, mana qamu talukase tepa ia tamana. Mana ninidena ramu qamu ke ia to Kristo go tamuna zazu velaka ne God.

Leta Ia Pol I Karo Ne Qira Basoero Na Rom 8:5

Ria iri lulua go too basoe na vudu pua dena, i kenaqa ne qira so vatovato sakata na vudu pua dena. Do ria iri lulua go Spirit tabo, nanao qira i nadue so pata ni soko go Spirit tabo.

Kameka Korinti 13:13

Iago kapisa pata dena i ko sivala go, vaogoto, ruruqe, mamaligara, do ke lavata sivala ne to mamaligara.

Qalesia 5:13

Do de qamu koego ramu turaquro, God ikoru bana qamu tamuna ko talukasa. Do ko talukasa ramu dena, kasi vamao nena pata sakata ni soko go tokama qamu go tamuna lulua go. Do mamaligara ramu muna varisoso ne ze de qamu koego.

Epesus 4:23

Muna va voru lupo osina puṉuqamu, mana nanao qamu,

Epesus 5:9

Tanego tatavata i vasadaka me soso sinaqe na velaka, totoloṉo, mana ogoto.

Pilipae 1:11

Too ramu mara purake vatovato totoloṉo i reqe me Jesu Kristo, go topu ria basoero tarina padapada mana vazaka God.

Kolosia 1:10

Go tamuna mazala ko gerena de i soko go Batu ne, mana tamuna mazala vakula na iago. Too ramu tina vasadaka me topu na too mana vatovato velaka, mana ramu tamuna rove velake de igogo God.

Karua Tesalonika 3:2

Mana muna pene napu ze God sauna go mara miasoka qemue remu de iri koego vano sakata ro, tanego iki osina kaega basoero ne iri vaogote go Tarama Velaka ia Batu ne.

Kameka Timoti 3:11

Igere napua so qole ia, na vasadake vatovato velaka, niki pepeu valu qira basoero ne, do na rove miasoka na tanuna mana basoero ne, mara taru ze ruqe ria de ikoego iago.

Kameka Timoti 4:12

Aro qo ara basoe voru so, iago pada ne, go mara kasi nanao vaqoqori go. Ono vasadake vatovato velaka de iri koego vakitaka lotu ro loborona seko ro aro, too aro, mamaligara aro, vaogoto aro mana too dalo aro go.

Kameka Pita 1:22

Ninidena vaogoto ramu iva dalo napu qamu, mana qamu lete mamaligara ne qira kero ne vano lotu, iago muna vari mamaligarae napu tanuqamu loboro na puṉuqamu.

Kameka Pita 1:8

Ramu qamuki mia kaega Kristo, do qamu mamaligara ne, mana patavolomo ninidena, qamuki mia kaega, do qamu vaogote ia, mana qamu lete kula ne go. Kula ramu i lete lavata sivala i makuru qita kade tatana sine vane go.

Kameka Pita 5:12

Qa karo zatu leta pusi era dena loborona vari va tatavisi ia Saelas, kameka valeke vakitaka era i nadue de ikoego Kristo. Qa soko vatadagasiri qamu ramu, mana varove qamu ramu makaolo qamu pala go, ia to mamaligara lavata ia God, iago muna degere vanadue to Mana nae.