Qalesia 5:17 - Vato Vari Vakameka Voru Ia Batu Ne

¹⁷ Tanego pata sakata isoko go basoe na vudu pua dena, iki soko kaega Spirit tabo. Pata velaka isoko go Spirit tabo iriki soko kaega basoero na vudu pua dena go. Riru karua too dena iru varivakakavatae mana iato dena i talukasana go i makuri go tono zazu ne go pata qo soko go zazu nena.

Qalesia 5:17 ပူးပေါင်းရင်းမြစ်များ

Matiu 12:30

Ka basoe iki luluava kaega era, basoe nae ki soko ava kaega. Mana ka basoe iki tavisi nava kaega, go tina pala qira me basoero ne de ikoego God, basoe nae i kakale qira basoero ne go tariniki lamae kaega de ikoego God.

Matiu 16:17

Jesu i vataule ne ia, “Saimon tuna Jon, kula sivala de qo koego aro. Kaega ka basoe na vudu pua dena i va rove zigoe aro, tarove ogoto nae, do Mamae i koe rani ne tane i teke vatotoloṉo nigo aro.

Matiu 16:23

Do Jesu i tabali mana i sine ne Pita, “Kasi ne de, Satana! Oniki pada ne vanoto ava era, pata go sine go aro ne, iki nanao na kaega God do i nanao na so basoe na vudu pua dena.”

Matiu 26:41

Muna koe dena mana pene, go kaega kaki pata pada tina vasoru qamu go. Pata ogoto, nanao qamu i karaputa do, tokama qamu i pela.”

Matiu 5:6

Kula basoero iri lene go zazu ne na pataro i soko go Batu ne. Tanego God tinara teke ne qira pataro iri soko go zazu ne na.

Luka 22:33

Pita ivataule ne Jesu igo, “Batu era qa vanama bana ne tuna koe bara ne, mana le palu go aro!”

Luka 22:46

I sine ne qira, “Avigo tane qamu kamuku go na? Dogara mana pene go tamuniki soru e go kaega vasakata pata.”

Tarama Velaka Ia Jesu Kristo I Karo Go Jon 3:6

Basoe i ko tokamana, tanego tamana mana sinana iru vapodo go. Do basoe i pala go too ogoto, ia i podo me de koe Spirit tabo.

Leta Ia Pol I Karo Ne Qira Basoero Na Rom 8:13

Tanego ṉalu qamu lulua go vatovato na tokama qamu ni soko go too na vudu pua dena, ramu tamuna le, do ṉalu karaputa ia Spirit tabo go qamu vae vale ze go vatovato sakata ro ramu, ramu tamuna pala too.

Qalesia 3:21

Iago Tamana ivae pui ro ia God ba? Kaega! Tanego ṉalu tara pala bana mego vano basoe, kameka Tamana, de ikoego God imazala go valame na too ogoto, ṉalu nae ne osina basoe tara ko totoloṉoe de ikoego God, sauna luluna Tamana ia.

Jemisi 3:2

Osiqita qata zazu ne so pata kebu. Do ṉalu kameka basoe iki vakebua go kaega seko ia, iato i basoe totoloṉo sivala go mana i mazala to miasokana too iago.