Qalesia 5:10 - Vato Vari Vakameka Voru Ia Batu Ne

¹⁰ Ba era qa ruqe qamu ramu. Loborona too ba va kameka ita de ikoego Batu ne, qa vaogote ramu tamuna lulua so nanao qu era. Patavolomo basoe ivaqoqore go nanao qamu, do God tinara vakimate ia.

Qalesia 5:10 ပူးပေါင်းရင်းမြစ်များ

Zazu Ria Apostoloro 15:24

Remu qimu gata bana kakiaro basoe iri reqe de qimu koego iri vamakuru qamu mana vamaqata qamue ramu sauna pata iri sine go. Do de qimu koego remu iriki pala ze kaega kaki tamana igogo, go tarina zazu ne go vatovato nae.

Kameka Korinti 5:5

Ramu muna vazao ze basoe nae loborona karaputa ia Satana go mara vasakate tokamana, do God tina vakavele madau na valeke nae ṉalu musaqara muzimuzi.

Karua Korinti 1:15

Era qa nanao va velake pataro igogo ne, iato go qa vanadu ze nanaoqu tuna garetu tove kenaqa qamu ramu go tamuna kula karua ṉalu.

Karua Korinti 10:2

kasi va tutubo ve era go ma seko vamoqere de qamu koego ṉalu tuna garetu doka go. Do era qa rove qa mazala seko vamoqere de iri koego basoero iri sine go, remu qi lulua so vatovato na pua dena.

Karua Korinti 10:6

Mana ṉalu qamu vasadaka ogote qamu toqe ne vanadu na vaogoto ramu de koe Kristo, remu timuna vanama napu ne valepulepu qira vano iri kasi go vaogote ne ia.

Karua Korinti 13:10

Igoto nae ia tane qa karo zatu go era leta dena, torana qako vakakavata ne qamu go, go ṉalu tuna garetu doka go era tuniki lete vasasakata ne qamu kaega, loborona karaputa i teke nava go Batu ne. Karaputa dena tina tavisi qamu ramu loborona vapopoka na too velaka ramu, iki karaputana kaega go nava sakata qamu.

Karua Korinti 2:3

Go qara karo zatu go leta nae, era qaki soko kaega tuna garetu tove qamu go. Tanego ṉalu tuna, garetu tove qamu ramu, era tuna maqata, tanego ramu so qamu mazala go vakula va era! Mana era qa lete vaogote, ṉalu era qa kula, osiqamu ramu, tamuna kula lupo napu so go.

Karua Korinti 2:6

Kimata qamu vine go ramu sauna basoe nae, itora tina pala.

Karua Korinti 5:16

Ninidena qatiki ara toere kaega too ia basoe na pua de, patavolomo kameka ṉalu qata toere go too ia Kristo gerena too ia basoe. Pasi dena remu qiki zazu ne to kaega too igogo ne.

Karua Korinti 7:16

Era qa lete kula sivala, mana qa vaogote ramu tamuna mazala va velake na osina vatovato mana too go.

Karua Korinti 8:22

Iago remu qi turine zatu vakitaka remu i lulu tavisi qira atu, topuna ṉalu qemu pada ne ia, do qi rove ia i lete soko to tavisi. Iago ninidena i lete kone vaogoto de qamu koego ramu, mana i lete soko vasakate to tavisi ne qamu.

Qalesia 1:7

Do pata ogotona ne, ikaega napu kaki Tarama Velaka, tanego kakiaro basoe iri lama vasakate nanao qamu mana pada ne itane na Tarama Velaka ia Kristo. Igo nae ia tanego qa sine ne qamu go.

Qalesia 2:4

Do kakia ria basoero so iri poqe mana iri go iri vano lotu mana iri keba siko me deqi koego remu, tanego iri soko go mara kosia ia iri go, do basoero dena iri vano lama mimia siko so, de igogo ko talukasa reremu mana vari vakameka remu de ikoego Jesu Kristo. Iri soko mara vaseka qemue remu tamana ro ria.

Qalesia 2:6

Basoero nae iri mimia mazala, do iriki kavele kaega Tarama Velaka, qa seseko nego era. Patavolomo iri mazamazala ba kaega, era qaki vakapata qira so kaega. Tanego de ikoego God osiqira basoero i varitora lupo neso.

Qalesia 3:1

Ramu vano Qalesia qamu vano bulaṉoe! Akena to i poqe qamu go i toqo vakakavata qamu go na? Ramu qamu gata va velaka bana me pepeu na Jesu Kristo ile go koluse, qi sine bana ne qamu go.

Qalesia 4:11

Era qalete nanao vokara ne qamu ramu! Qa sareki, niki go osina zazu ro era sauqamu ramu za patavolomo lupo so go.

Qalesia 4:17

Ria basoero iri vasadake go varikitaki velaka ro ria de qamu koego, iri soko so, go ramu mamu vana nava era, mana go ramu mamu lulua nanao ro ria gerena de iri vane qamu go nae iri go so.

Qalesia 4:20

Era qa lete soko kotavisi qamu ninidena, go qa mazala kavala na seko ro era. Tanego qalete nanao qamu ramu!

Qalesia 5:12

Basoero iri vaqoqore go nanao qamu ramu, itora mara ria kosi vasakate to tanuqira.

Qalesia 5:7

Ṉalu bana me ramu qamu vazazu velaka me too ramu de ikoego Kristo. Iago, akena to i vamamanava qamue go luluna seko ogoto ne, mana qamu soru kakavata go na?

Qalesia 6:17

Valupolupona, kaega napu kakia basoe mara teke napu nava era kaki makuru, tanego kilipa i koe go tokamaqu dena i vasadake era qa basoe seka ia Jesu.

Pilipae 3:15

Osiqita ita i kazigarata go too na madau qita, mata pada ne pala na kameka nanao. Do ṉalu kakiaro ramu qamu pala go nanao kakavata, God tina va tatavata ne qamu.

Karua Tesalonika 3:4

Batu ne i teke ne qemu remu ruqe de qamu koego ramu, mana qimu rove vavelake to remu, ramu qamu pala soma so zazu ne na pata ro qimu sine ne go remu.

Kameka Timoti 1:20

Aemenasus mana Alekzada iru zazu bana ne pata igogo ne, era qava lepulepu qiru, qa vazao qiru e karaputa ia Satana, pata dena to tina vatarove qirue go, go tiruna mamanava go seko bibirana na God.

Pilimon 1:21

Qa vaogote ṉalu qa karo zatu go leta dena, tanego qa rove aro tono zazu ne pata qa pene zatu go era. Mana qa rove napua aro tono zazu ne pata velaka napu, tina sivala ne seko ro qa sine zatu go era.