Qalesia 5:1 - Vato Vari Vakameka Voru Ia Batu Ne

¹ Kristo i lukasa qita ita, go qata ko talukasa go. Iago degere vanadu gere qira basoero iri ko talukasa, mana kasi vamao nena kaki basoe go mara vaseka napu qamu.

Qalesia 5:1 ပူးပေါင်းရင်းမြစ်များ

Matiu 23:4

I gere ṉalu iri taru ze avarana basoe topuna pata maqata go na vagore go, do tanuqira iriki kaega vagoro tavisi na pata maqata nae.

Luka 5:38

Do vino voru ne tina zele zaqe so pata tarutaru vino voru ne!

Zazu Ria Apostoloro 15:10

Iago avigo tane qamu soko go pada ne na God? Muniki vatutubo qirae so vano iri vaogote go Jesu luluna Tamana dena, tanego kazigarata bana ro ita, mana ita ninidena, do qatiki lulu bana so kaega.

Leta Ia Pol I Karo Ne Qira Basoero Na Rom 6:14

Kasi vamao nena vasakata pata go mara batu ne qamu tanego ramu qamuki too e kaega tamana, do qamu too e Mana ia God.

Leta Ia Pol I Karo Ne Qira Basoero Na Rom 6:18

Ramu qamu talukasa banae to vasakata pata, mana qamu lama seka ne vatovato totoloṉo de ikoe go God.

Leta Ia Pol I Karo Ne Qira Basoero Na Rom 7:3

Iago, ṉalu qole nae iko tavisi napua kaki valeke do valeke kenaqa iane iara too gogo ne, tamana igo, ia i taunata.

Leta Ia Pol I Karo Ne Qira Basoero Na Rom 7:6

Do ninidena ita qata talukasa, tanego ita qata le bana ne pata i qolo bana go tamana. Iago ita qatiki zazu ne ze to kaega God ṉalu ninidena vatovato bana ro iri karo ze go tamana, do qata zazue vatovato voru ia Spirit tabo.

Leta Ia Pol I Karo Ne Qira Basoero Na Rom 8:15

Tanego Spirit ia God i teke ne qamu go, iki zazu ne kaega go tina vaseka qamu ramu, mana vasareki qamu go. Do Spirit tabo i varove qamue qamu salero ia God, mana karaputa na Spirit tabo qata koru ze go God, “Mamae! Tamaqemu!”

Leta Ia Pol I Karo Ne Qira Basoero Na Rom 8:2

Tanego karaputa ia Spirit tabo i teke ne qita too i vakameka ne qita go ita Kristo, go i lukasa qita go sauna vatovato ia vasakata pata, mana go i vae vale qita go.

Kameka Korinti 15:58

Iago vakitaka ro era, degere vanadu mana ko vakaraputa. Variqo ze too ramu loborona zazu ia Batu ne, tanego qamu rove bana, kaega kaki pata i patavolomo ṉalu qamu zazu ne zazu ia Batu ne.

Kameka Korinti 16:13

Vanama taru, degere vanadue loborona vaogoto ramu, ko vakaraputa mana moqere go.

Kameka Korinti 7:22

Tanego ṉalu Batu ne i korua kaki seka, basoe nae i basoe talupasa ia Batu ne. Gere napua so basoe ko talupasa i korua go Kristo, ianae i basoe seka ia Kristo.

Karua Korinti 11:20

Ramu qamu kula ne qira so, patavolomo iri vazazu volomo qamu, ba zazu tatakiu ne qamu, ba vaqalo qamu, ba mia vaqoqoro qamu, ba iri lakape tarakenaqa qamu.

Karua Korinti 3:17

Takoboro dena ne, vitoṉo ‘Batu’ ne i spirit ia God, mana de ikoego Spirit i Batu go, i koe vari vatalukasa.

Qalesia 2:4

Do kakia ria basoero so iri poqe mana iri go iri vano lotu mana iri keba siko me deqi koego remu, tanego iri soko go mara kosia ia iri go, do basoero dena iri vano lama mimia siko so, de igogo ko talukasa reremu mana vari vakameka remu de ikoego Jesu Kristo. Iri soko mara vaseka qemue remu tamana ro ria.

Qalesia 3:25

Do ninidena vaogoto ramu de ikoego Jesu Kristo, osiqamu qamu salero iago God.

Qalesia 4:26

Do Jerusalema ikoego rani ne iko talukasa, gere go qole ni ko talukasa mana i sinaqita go.

Qalesia 4:31

Iago, turaquro, ita qatiki ara salero ia kaega qole seka ne, do qata salero ia qole talukasa ne.

Qalesia 4:9

Do ninidena ramu qamu rove to God ogoto, do era mago, God tane irove kenaqa qamu go ramu, do avigo tane qamu taleqe ule go manuru sakata memelaka na ro vudu pua dena, mana avigo tane qamu soko go vele seka napu ne qira go na? Avigo qamu soko tamuna seka ne pata igogo ne?

Qalesia 5:13

Do de qamu koego ramu turaquro, God ikoru bana qamu tamuna ko talukasa. Do ko talukasa ramu dena, kasi vamao nena pata sakata ni soko go tokama qamu go tamuna lulua go. Do mamaligara ramu muna varisoso ne ze de qamu koego.

Epesus 6:14

Iago ramu muna ko vanama taru. Vanadu a vaogoto ramu, gere beloto qamu buko zego barabara qamu, mana ko totoloṉo mara gere ne bako ramu,

Pilipae 1:27

Pata tina lavata sivale de qamu koego ramu, de igogo koko ramu muna vasadake de igogo tatalina too i tora go Tarama Velaka ia Kristo. Go ṉalu tuna garetu mia qamu ba qaki garetu kaega, era tuna gata zatu so, ramu qamu degere vanadu mana kameka vato, mana qamu vari vatatana neso kameka pata, sauna so vaogote na Tarama Velaka ne.

Kameka Tesalonika 3:8

Ninidena remu qimu ara sasavegolo meto, tanego qi rove qamu ko vanadue de ikoego Batu ne.

Karua Tesalonika 2:15

Iago, ramu turaquro rnuna degere vanadu, mana palataru vanadua so seko ogoto qimu varove qamue go loborona to tamana mana leta ro remu go.

Iburu 10:23

Mata pala taru vanadua vaogoto qata seko bana nego, tanego ita qata rove God i vavoto pataro i pui ne tina zazu ne go.

Iburu 3:14

Tanego ita osiqita qata kamekae Kristo ṉalu qata pala vanadua vaogoto ita de koe God gere na so kokoso pala qata vae nego.

Iburu 3:6

Do loborona osaka i vae go Kristo i tuna go God, iato i kenaqa ne miasoka na basoero ia. Ita to qata basoero ia ṉalu qata va nadua go vaogoto ita mana vanadu ze nanao qita de ikoego God.

Iburu 4:14

Ita mata pala taru vanadua vaogoto qata vasadake go. Tanego ita i ko qita batu ria patere ro i lete karaputa go, iato Jesu Sale ia God, i zako banae go rani ne.

Kameka Pita 2:16

Ramu muna ko gere qira vano iri ko talukasa, do ko talukasa ramu muniki nanao go tamuna zazu nego pata sakata, kaega! Muna ko gerena basoe zazu ro ia God.

Karua Pita 2:19

Vano vari vatatana poqepoqe dena iri pui ne qira basoero ne ko talukasa, do tanuqira iriki ko talukasa kaega, iri ko seka eso too ni vasakata qira go. Tanego basoe i vakenaqa ze go too ia kaki pata, iato nae i seka nego osina ṉalu.

Judi 1:3

Ramu turaquro, qa lete soko karo ne qamu ramu kameka leta sauna vari vakavele qata vari pala ne go. Do ninidena to qa nanao lulusu zaqe to, itora to era ma karo ne qamu leta dena, go ma sine va karaputa ne qamu go muna varitara moqere ne, bara ne na vaogoto qamu pala bana go. Kameka ṉalu so God ivalame ne qira go basoe ia, vaogoto dena iato iko osina ṉalu topu ro ne.

Revaleson 2:25

Do muna pala taru vanadua so vatovato velaka qamu zazu nego nae, go tina za doka ṉalu era tuna za lama napu go.

Revaleson 3:3

Muna nanao tarua pataro iri vatatana qamue go, mana qamu gata go. Muna vaogote mana vana ne vatovato sakata ro ramu. Ba ṉalu qamuki dogara mego kaega, era tuna lamae deqamu koego gerena valeke sikosiko, mana ramu tamuniki rove kaega ṉalu era tuna doka qamu go.