Qalesia 4:8 - Vato Vari Vakameka Voru Ia Batu Ne

⁸ De i lupo bana mego ramu qamuki rove kaega God. Iago ramu qamu seka ne so god poqepoqe ro ne.

Qalesia 4:8 ပူးပေါင်းရင်းမြစ်များ

Tarama Velaka Ia Jesu Kristo I Karo Go Jon 1:10

‘Seko ne’ i koe kolabana pua ne, mana loborona to ia, God i vazari ze go kolabana pua ne, do kolabana pua dena iki mia rove kaega ia.

Zazu Ria Apostoloro 14:12

Iri vitoṉo ze Banabasi, Zeu, mana iri vitoṉo ze Pol, Emesi, tanego iato i valeke sekoseko go.

Zazu Ria Apostoloro 17:23

Ṉalu era qa zaza goe loborona komala ramu, qa mia de qamu varerego mana qa soba ze kameka sara i karoe seko dena, “De ikoego kameka god qatiki rove go kaega.” Iato God qamu vazaka go, qamuki rove go kaega nae iato qa sine vasadaka ne qamu go era ninidena.

Leta Ia Pol I Karo Ne Qira Basoero Na Rom 1:23

Iri vanane de igogo vazaka na God i too gadokutona i kaega; Gonae ria iri vazaka beku taqa iri zazu vagere ze go tatalina basoe, ba palero mana pata qaraqararo.

Leta Ia Pol I Karo Ne Qira Basoero Na Rom 1:28

Tanego basoero ro iri kasi qira soti ze na nanao ria sauna rove velake na God. Iago, God i taru qira go mara ria lulua to vatovato sakata ro iri zazu nego, mana iri zazu ne to pata ro iki tora go kaega zazu nena.

Kameka Korinti 1:21

God i lulua tarove ia tanuna, mana i makuru sakata qira basoero tarina rove velake God loborona nanao qira. Do God i soko vazazu na seko ia, qata tarama ne go, go tina vakavele qira basoero iri vaogote go tanuna. I zazu ne iadena patavolomo kakiaro basoero iri nanao seko ro dena i patavolomo.

Kameka Korinti 12:2

Qamu rove, ara ko qamu vaego rodoko, qamuki vaogote go kaega God, topu pata sakata i toqo variro qamu, mana qamu lulua god poqepoqe ro i kaega ne qira go too.

Kameka Korinti 8:4

Iago sauna ge na pata gege iri komakoma ne qirae beku ro, ita qata rove beku ro i kaega ne qira karaputa, iri beku volomo so, ita qata rove iko kameka so God.

Qalesia 4:3

Gerena napu so ita, torana qatara kaebo go rove na God ita qata ko seka ne so osina pata na ro vudu pua dena.

Epesus 4:18

Mana nanao ro ria ikoe so loborona rodoko. Iriki pala kaega too ogoto iteke ne qira go God. Iri vano bulaṉoe, mana iri kasi qira gata na pata go.

Kameka Tesalonika 1:9

Tanego basoero dena iri sine lupo bana so ria osina pata i sadake go, ṉalu remu qimu lama tove qamu go ramu mana de igogo qamu vana ne go vazaka na beku ro ne mana qamu lama basoe zazu ia God, i too osina ṉalu topu ro ne.

Kameka Tesalonika 4:5

Mana kasi valulu zena nanaoqamu soko naso tokama na qole, gere qira vano rodoko iriki rove go kaega God.

Karua Tesalonika 1:8

tina pala me nako ugulu, go tina vakimata qira basoero iri legulegua go God, mana ria iriki lulua kaega Tarama Velaka ia Jesu Kristo Batu ita go.

Kameka Pita 4:3

Kokosona ne, qamu va riqo ze too ramu lulu na pataro iri zazu nego basoero iriki vaogoto go kaega, vano iri vari vagabu, iri soko go zazu ne na pata sakataro, iri poro ge loka, iri zazu ne kelo lavata ro, go iri ṉaṉa mana lete ge loka mana iri zazu ze pata sakata ro tarakenaqa qira basoero ne, mana iri vazaka qira beku ro go.

Kameka Jon 3:1

Mia de igogo mamaligara ia God Tamaqita de qata koego ita. Mamaligara ia i lete lavata sivala, go i koru qitae ita qata salero ia God. Do vano na vudu pua dena iriki rove bana so kaega God, iato nae tanego iriki rove napu qita go kaega ita go.