Qalesia 4:4 - Vato Vari Vakameka Voru Ia Batu Ne

⁴ Do ṉalu i lama doka to, ṉalu God i valame Sale ia tanuna. I lama podoe qole basoe na pua dena, mana i lulua tamana ria vano Jiu.

Qalesia 4:4 ပူးပေါင်းရင်းမြစ်များ

Matiu 1:23

“Qole suka iara kaebo soba na valeke, tina kakate mana tina vapodo kameka sale veleke, mana tina vitono ze Imanuela,” vitoṉo dena talupasana, “God i ko tavisi qita.”

Matiu 3:15

Do Jesu i sine ne Jon, “Ninidena mara goto dena. I tora tatana valuluze de i soko go God.” Pasi to nae, Jon iara mao go.

Matiu 5:17

Jesu igo napu dena, “Muniki nanao era qa lama go tuna vakuziki ne Tamana ia Mosese mana vari vatatana ria propetaro. Kaega, era qa lama go tuna va lupo velaka qira vari vatatana ro dena.

Maka 1:15

Igo dena, “I lama doka to ṉalu Too ikoego vari miasoka ia God ilama ko garogaro to! Muna nanao ule mana vana ne vasakata pata ro ramu mana vaogote Tarama Velaka!”

Luka 1:31

Aro tono kakate mana tono vapodo kameka sale valeke, mana ono vitoṉo ze Jesu.

Luka 1:35

Aqelo ne, i vataule igo, “Spirit tabo tina lamae de qo koego aro, mana karaputa ia Batu ne tina ko tavisi go aro. Sauna to ia dena sale tabo ne tina vitoṉo ze Sale ia God.

Luka 2:7

Gonae i vapodo sale valeke kenaqa ia, i kade ze poga ne mana iva kekele ze ia moki iri ura go, tanego i kaega to kade tataqalana ka pade, go tarina za koego.

Luka 20:44

Davita i koru ze ia Batu, do ava tina goto tane Mesia tinara reqe mego vapopodo ia Davita na?”

Tarama Velaka Ia Jesu Kristo I Karo Go Jon 1:14

‘Seko’ dena i lama taitana mana i basoe, i purake Mana mana seko ogoto mana iko tavisi qita go. Remu qi mia karaputa mazala ia, ia to i kameka so Tuna go i pala go karaputa mazala nae de ikoego Tamana.

Tarama Velaka Ia Jesu Kristo I Karo Go Jon 10:36

Ba era ne, Mamae tane ivine ava, mana i turi nava me vudu pua dena go. Avigo tane qa seko sakate go era God qamu go? Bana qa sine go, era qa Tuna God?

Tarama Velaka Ia Jesu Kristo I Karo Go Jon 3:16

God i lete mamaligara ne qira basoero na vudu pua dena, iato go i turi valame ava go era kameka Tuna, go ka basoe i vaogoto ava go era tiniki le go kaega, do tina toṉove too iki rove kaega lupo.

Tarama Velaka Ia Jesu Kristo I Karo Go Jon 6:38

Tanego era qa qoqoro me tepa rani, go tuna zazu ne pata i soko go iani turi nava go, era tuniki zazu ne kaega pata qa soko go tanuqu.

Tarama Velaka Ia Jesu Kristo I Karo Go Jon 8:42

Gonae Jesu i vane qira dena, “Ṉalu go God i Tamaqamu ogoto, ramu tamu mamaligara nava era, tanego era qa reqe me de ikoego God, mana iato i turi nava mego. Era qaki lama ne kaega luluna nanaoqu tanuqu, do qa lulua nanao na ia i turi nava go.

Zazu Ria Apostoloro 1:7

Jesu i vane qira dena, “Mamae so imazala go vine na ṉalu tina doka go pataro dena, iki ramu kaega tamuna rove go ṉalu na.

Leta Ia Pol I Karo Ne Qira Basoero Na Rom 1:3

Tarama velaka dena i sauna Jesu Kristo Batu ita iato i Sale ia. I pala tavise too ita vano basoe na vudu pua, mana i podo me sinaqe ia Davita.

Leta Ia Pol I Karo Ne Qira Basoero Na Rom 15:8

Sauna go qa sine ne qamu go, tanego Kristo ilama zazu ne tavisi qira vano Jiu, ivasadake va vaogoto ia God, go tina lama ogote go pui ia de iri koe go kazigarata ro ria ne.

Leta Ia Pol I Karo Ne Qira Basoero Na Rom 5:6

I lama doka to ṉalu i vine bana me God, Kristo i le ne sau qira vano iri vasakata pata go. Tanego sauna vasakata pata ria ni makuru qira go vakavele qira go tanuqira.

Leta Ia Pol I Karo Ne Qira Basoero Na Rom 8:3

Tamana i kaega ne karaputa go tina vakuziki ne go vasakata pata, tanego too ita vano basoe i memelaka qatild lulua kaega tamana. Do God so i zazu ne go pata dena ni valame go Sale ia i lama basoe i gere qita ita, mana i pala tavise vasakata pata i vokara ne, mana i le ne go i vakuziki ne go vasakata pata ita.

Leta Ia Pol I Karo Ne Qira Basoero Na Rom 9:5

Ria to iri reqeme go tutuluna popodo ireqeme go kazigarata bana ro ria. Mana Kristo i lama podo basoe me sinaqe ro nae. Iago osiqita mata vazaka God ia i Batu ne qita go osiqita. Amen!

Epesus 1:10

Nanao dena tina lama vaogoto ze to ṉalu musaqara na ne. Iato tina teṉo lupo qira osina pataro i vazari zego.

Kolosia 2:14

I qusa vakuziki lupo ne osina zukazukana tamana i va qoqoro qita go, i va lupo ze osina tamana ro dena, ṉalu Jesu ile go koluse ne.

Kameka Timoti 2:6

ia i soso ne too ia, go tina voli vaule qira osiqira basoero na pua dena. Loborona vokara vamiki i vae go Jesu, i va sadaka ogoto me ṉalu velaka God i soko ne go va kavele qira osiqira basoero ne,

Kameka Timoti 3:16

I pata ogoto bana, vari vatatana na vaogoto ita i kakia pata lavata sivala. Vari vatatana ne igo de, Kristo i lama sadaka gere so basoe na vudu pua. Spirit tabo i vasadake too ia Kristo i lete totoloṉo. Aqelo ro ne iri miasoka ia. Seko ia i zadave kolabana pua ne, mana basoero ne iri vaogote ia. Mana God i pala vapopoka zaqe ia rani ne.

Iburu 2:14

Salero iri vane qira go ne, basoero i ko go manu mana parasa qira, Jesu tanuna i basoe napu so mana i podo napue so vudu pua go. I lama basoe, go le i vae go koluse ne, i vasakate Satana i kone go karaputa tepa ia le, karaputa i mazala go vae vale na basoe.

Iburu 9:10

Tamana ro dena i patana so pekapeka na basoe, zazaona pata gege, besi, mana de go va vadalo, tamana ro dena tina ko go na doka ṉalu God tina kavale osina pataro mana tina va voru lupo go.

Kameka Jon 4:14

Remu qimu mia bana Sale ia mana qimu sine bana ne qira basoero ne sauna God Tamaqita ivalame go sale ia, go tina vakavele go basoero na vudu pua.

Kameka Jon 4:2

Ramu tamuna gata rove ze so seko ia basoe, ṉalu iri pala ogote go Spirit ia God. Ṉalu basoe igo Jesu Kristo i lama podo basoe gere so tokama qita ita vano basoe, ria tonae iri toṉove go Spirit ia God.