Qalesia 4:3 - Vato Vari Vakameka Voru Ia Batu Ne

³ Gerena napu so ita, torana qatara kaebo go rove na God ita qata ko seka ne so osina pata na ro vudu pua dena.

Qalesia 4:3 ပူးပေါင်းရင်းမြစ်များ

Matiu 11:28

Osiqamu ramu qamu lete zazu vokara mana papala maqata gogo ne, muna lama va era go mava ziṉo qamu.

Tarama Velaka Ia Jesu Kristo I Karo Go Jon 8:31

Jesu i sine ne qira vano Jiu iri vaogote go ia, “Ṉalu qamu vaogote go vari vatatana era, ramu qamu disipolo ogoto era.

Zazu Ria Apostoloro 15:10

Iago avigo tane qamu soko go pada ne na God? Muniki vatutubo qirae so vano iri vaogote go Jesu luluna Tamana dena, tanego kazigarata bana ro ita, mana ita ninidena, do qatiki lulu bana so kaega.

Leta Ia Pol I Karo Ne Qira Basoero Na Rom 7:14

Ita qata rove Tamana i patana madau qita. Do era qa basoe na so vudu pua dena, mana qako seka bana ne so vasakata pata.

Leta Ia Pol I Karo Ne Qira Basoero Na Rom 8:15

Tanego Spirit ia God i teke ne qamu go, iki zazu ne kaega go tina vaseka qamu ramu, mana vasareki qamu go. Do Spirit tabo i varove qamue qamu salero ia God, mana karaputa na Spirit tabo qata koru ze go God, “Mamae! Tamaqemu!”

Karua Korinti 11:20

Ramu qamu kula ne qira so, patavolomo iri vazazu volomo qamu, ba zazu tatakiu ne qamu, ba vaqalo qamu, ba mia vaqoqoro qamu, ba iri lakape tarakenaqa qamu.

Qalesia 2:4

Do kakia ria basoero so iri poqe mana iri go iri vano lotu mana iri keba siko me deqi koego remu, tanego iri soko go mara kosia ia iri go, do basoero dena iri vano lama mimia siko so, de igogo ko talukasa reremu mana vari vakameka remu de ikoego Jesu Kristo. Iri soko mara vaseka qemue remu tamana ro ria.

Qalesia 3:19

Iago, ava sauna tane Tamana i zari go? God i palu zaqe Tamana dena go mara vasadaka me zazu kebu ro qata zazu ne go ita, go tina za doka go ṉalu Sale ni pui bana ne go God de ikoego Abra-am tina lama go. Tamana dena i reqeme de iri koego aqeloro ne, iri teke nego Mosese valeke ni zazue go vari loborina God mana basoero ne.

Qalesia 4:2

Iago torana iara sale go ia ne, vano kazigarata ia ne iri miasoka ne go patapataro ia, mana go tinara doka go ṉalu i vine taru bana ne go tamana.

Qalesia 4:24

Pataro dena qata mia vagere ze so vapadapada na karua seko varitoqe de ikoego God. Ega to i va podo qira go salero iri seka go, mana i vapadapada na to Tamana ia God izazu bana me ze go Kubolo Sinae.

Qalesia 4:25

Ega i talukasana kubolo Sinae ikoego vudu Arabia, do i dudulena napu so komala lavata Jerusalema iko seka go ninidena. Tanego osina basoero iri ko seka taru so.

Qalesia 4:31

Iago, turaquro, ita qatiki ara salero ia kaega qole seka ne, do qata salero ia qole talukasa ne.

Qalesia 4:8

De i lupo bana mego ramu qamuki rove kaega God. Iago ramu qamu seka ne so god poqepoqe ro ne.

Qalesia 4:9

Do ninidena ramu qamu rove to God ogoto, do era mago, God tane irove kenaqa qamu go ramu, do avigo tane qamu taleqe ule go manuru sakata memelaka na ro vudu pua dena, mana avigo tane qamu soko go vele seka napu ne qira go na? Avigo qamu soko tamuna seka ne pata igogo ne?

Kolosia 2:20

Ramu qamu le tavise Kristo, mana qamu talupasae karaputa ia Spirit na vudu pua dena. “Avigo tane qamu ko gere go basoe na vudu pua de? Avigo tane qamu vaogote go tamana i sine go.

Kolosia 2:8

Iago muna miasoka tanuqamu, go tariniki va seka qamue kaega tarove volomo na vudu pua dena, i reqe me vari vatatana ria basoero iri pepeu vari soma me, i lulua go tarove na pua dena, iki reqe me kaega Kristo.

Iburu 5:12

I lete umata to ṉalu ramu qamu gata bana go seko ia Kristo, i tora to ramu tamu vano varivatatana go, do ramu qamuki rove so kaega, qamu soko napua so kaki basoe tina vatatana qamue go, pataro qamu gata kenaqa bana go sauna Kristo. Iago qamu, gere qira salero iri susu go, i makuru qira go ge na pata gege i magoro go.

Iburu 7:16

Go iara Patere go, iriki vine ze kaega ia loborona tamana ria vana basoe ba vivine tusi, na sinaqe na patere go, do ia i patere e loborona karaputa na too iki rove go kaega lupo.