Qalesia 4:24 - Vato Vari Vakameka Voru Ia Batu Ne

²⁴ Pataro dena qata mia vagere ze so vapadapada na karua seko varitoqe de ikoego God. Ega to i va podo qira go salero iri seka go, mana i vapadapada na to Tamana ia God izazu bana me ze go Kubolo Sinae.

Qalesia 4:24 ပူးပေါင်းရင်းမြစ်များ

Matiu 13:35

I zazu ne ia dena, go seko ia God i vagoe ze kakia propeta ne go tina lama ogoto go, i sine go. “Tuna vazazua seko vapadapada ṉalu tuna seko tabe qira basoero ne. Tuna sine ne qira pataro iki rove go kaega ka basoe, tupi me ṉalu God i vazaria go kolabana pua ne.”

Leta Ia Pol I Karo Ne Qira Basoero Na Rom 8:15

Tanego Spirit ia God i teke ne qamu go, iki zazu ne kaega go tina vaseka qamu ramu, mana vasareki qamu go. Do Spirit tabo i varove qamue qamu salero ia God, mana karaputa na Spirit tabo qata koru ze go God, “Mamae! Tamaqemu!”

Kameka Korinti 10:11

Osina pataro dena i dokae de iri koego kazigarataro ita, go mara vasadake vapadapada de iri koe kero ne basoero, mana iri karo bana gerena kameka vabanabana de qata koego ita. Tanego ita qata too ninidena, qata garogaro za to lupolupo na vudu pua.

Kameka Korinti 10:4

Mana osiqira iri besia besi na bakoso i valame go God, mana bakoso dena i Jesu Kristo tanuna.

Qalesia 4:25

Ega i talukasana kubolo Sinae ikoego vudu Arabia, do i dudulena napu so komala lavata Jerusalema iko seka go ninidena. Tanego osina basoero iri ko seka taru so.

Qalesia 4:3

Gerena napu so ita, torana qatara kaebo go rove na God ita qata ko seka ne so osina pata na ro vudu pua dena.

Qalesia 5:1

Kristo i lukasa qita ita, go qata ko talukasa go. Iago degere vanadu gere qira basoero iri ko talukasa, mana kasi vamao nena kaki basoe go mara vaseka napu qamu.

Iburu 11:19

Abra-am i nanao rove God i mazala vatoo ule me Aisak tepa le, mana qata mazala so sine na, Abra-am i pala vaule ze Aisak tepa le.

Iburu 12:24

Qamu lama dokae de koe Jesu, ia i vanama go vari toqe voru, mana parasana ia i va voru bana qita go, i vasadaka me topu na pata velaka, sivala ne parasana Ebolo.

Iburu 13:20

Iato dena pepene era, go God ikoego loborona bule, tina teke ne qamu osina pata velaka qamu pusi ne go, mana tina vamalumu ne qamu zazu nena pataro qamu soko go zazu ne na. Jesu i Batu ita i le go, parasana i zazaka go, go tina vanadua go pui ia God iki rove go kaega lupo. Taramuzina God i va too ule ze ia tepa le, God i va kenaqa ze ia mia soka na sipi ro ia. Qa pene God, go ita mata kameka e de koe go Jesu Kristo, go tatana totoloṉo e de i soko go tanuna, mana mata vazaka tarua vitoṉona Kristo i lete zakazaka go osina ṉalu topuro ne. Amen.

Iburu 7:22

Pui i pala go Jesu i lama ogoto e de qata koego, i lete velaka, mana i sivala ne pui bana ne.