Qalesia 4:17 - Vato Vari Vakameka Voru Ia Batu Ne

¹⁷ Ria basoero iri vasadake go varikitaki velaka ro ria de qamu koego, iri soko so, go ramu mamu vana nava era, mana go ramu mamu lulua nanao ro ria gerena de iri vane qamu go nae iri go so.

Qalesia 4:17 ပူးပေါင်းရင်းမြစ်များ

Matiu 23:15

Ramu vano vari vatatana na Tamana mana vano Parisio, muna miasoka! Qamu vano poqepoqe, qamu goe masi mana piqata kava e sasaniqa go mamu soba ka basoe i soko go mara basoe Jiu qamu go. Mana ṉalu basoe nae i lama basoe Jiu, qamu lete vatora zeto ia zae na nako ne gere qamu so ramu, mana tina lete sakata sivala ne qamu ramu.

Leta Ia Pol I Karo Ne Qira Basoero Na Rom 10:2

Era qa mazala varove velaka qirae na ria sauna soko ria iri lene go luluna vatavoto ia God. Do ria iriki rove vavelake kaega de gogo tarina zazune go.

Leta Ia Pol I Karo Ne Qira Basoero Na Rom 16:18

tanego basoero iri gogo nae ne iriki zazu tavise kaega Batu ita Kristo. Do ria nae iri lulua so nanao sakata ro ria tanuqira. Iago iri zazu ne so seko vari vagasi ro mana poqe vale qira so basoero velaka iriki rove go kaega vatovato tatakiu ro iri zazu ne go ria nae.

Kameka Korinti 11:2

Qa vazaka qamu, tanego qamu nanao taruava era, mana osina ṉalu qamu lulua vari vatatana qa teke bana ne qamu go.

Kameka Korinti 4:18

Kavia ro ramu qamu vazaka napu, qamu nanao era tuniki garetu tove qamu kaega.

Kameka Korinti 4:8

Avigo qamu pala lupo osina pata qamu soko go? Avigo qamu vavagado to? Avigo qamu sivala qemu remu mana qamu batu lavata to? Era qa soko ramu tamuna batu lavata, go remu napu mi batu lavata mana ko tavisi napu qamu ramu go.

Karua Korinti 11:3

Do qa sareki ne pata i doka bana go Eva niki doka qamu ramu. Dole ne ilete tarove, ia i va soru ze vasakata pata Eva. Iago tina gere napua so, nanaoqamu ramu ṉalu tamuna za riro mana tamuniki nanao vamazale kaega Kristo go.

Qalesia 4:16

Iago, avigo qa kana ne qamu, tane qa sine ne qamu pata ogoto?

Qalesia 4:18

Iago ivelaka so ṉalu iri varikitaki ego de qamu koego, ṉalu iri zazu ne go pata totoloṉo go, mana mara ria lulua to osina ṉalu go. Do mara kasi zazu ne zena so ṉalu qa lama kotavisi qamu go era.

Pilipae 2:21

Osiqira ria kero ne basoero, iri taqia so pata iri soko ne tanuqira, ba pata i soko go Jesu Kristo, iriki zazu ne kaega.

Karua Pita 2:18

Iri zazu ne seko vazakanapu mana vari va bulaṉoi. Iri vaqalo qira basoero go mara va zazua nanao sakata, visara na tokama qira, go ia mara vasoru qira basoero iri ara vatupiana ne go vana nena too sakata ro ria ne, iri go.

Karua Pita 2:3

Vano vari vatatana poqepoqe ro nae, iri soko so pala na kesa ramu, iago iri vari vatatana ne so pata poqepoqe ro. Do kimata ria vano vari vatatana poqepoqe ro dena, i nama bana me so. Iago i makuru qira tarina paqa ne, ia tina vae vasakata qira go.