Qalesia 4:13 - Vato Vari Vakameka Voru Ia Batu Ne

¹³ Qamu nanao tarua ramu tane de qa gogo era, ṉalu qa garetu tamana kenaqa ne qamue go Tarama Velaka ne, ṉalu nae era qa mokoso.

Qalesia 4:13 ပူးပေါင်းရင်းမြစ်များ

Matiu 4:23

Jesu igoe lupoe osina dia tepa kena Qalili. Iza e loborona Pade Lotu ria vano Jiu i vari vatatana mana i tamana qira basoero ne. I tamana qirae dego velaka ia God mana iva velaka lupo qira osiqira vano i pala qira soso mokoso rone.

Zazu Ria Apostoloro 16:6

Iri go za loborona kolabana Praeqia mana Qalesia, tanego Spirit tabo ne iki vamao ne qira kaega tarina tarama ze Tarama Velaka ne loborona kena Esia.

Kameka Korinti 2:3

Tanego ṉalu qa lamae de qamu koego, era qa lete pela mana qa nenedere tanego qa lete sareki.

Karua Korinti 10:10

Kadigo kaki basoe tina mazala so sine na, “Leta ia Pol, i purake seko lavata ro, do ṉalu i kotavisi qita, ia i pela so mana seko ia i kaega so ka karaputa na go.”

Karua Korinti 11:30

Ṉalu tuna vazakanapu go, tuna vazakanapu ne pataro i vasadake go pela ro era.

Karua Korinti 11:6

Kadego era qaki lete rove kaega dego zazao na seko, do era qaki pusi ne kaega tarove, topuna ṉalu remu qi vatatavata lupo ne qamu topuna pataro.

Karua Korinti 13:4

I ogoto loborona too memelaka Kristo i le koluse, do loborona karaputa ia God Kristo i ko mana i too go, loborona vari vakameka de i koego ia ita qata pela napu, do loborona kameka zazu ita osiqita tatana pala karaputa ia God loborona too de ikoego Kristo.

Qalesia 1:6

Era qalete poloso sasakata, ramu qamu katikili go vananena God, ikoru bana qamue go lulu na Tarama Velaka na Mana ia Kristo.

Qalesia 4:12

Qa pene vakaraputa qamu turaquro, muna lulua de qa gogo era tanego era do qa gere qamu so ramu de ilupo bana mego. Ramu qamuki vasakatava kaega era.

Qalesia 4:14

Do patavolomo mokoso na tokamaqu era, iki va makuru qamu kaega. Tanego ramu qamuki niniqi nava kaega mana qamuki silava kaega go. Do ramu qamu soti vagere ve kameka aqelo ia God. I pata ogoto qamu soti vagere ve Jesu Kristo.

Qalesia 4:18

Iago ivelaka so ṉalu iri varikitaki ego de qamu koego, ṉalu iri zazu ne go pata totoloṉo go, mana mara ria lulua to osina ṉalu go. Do mara kasi zazu ne zena so ṉalu qa lama kotavisi qamu go era.